الموضوع: دليل محلات قطع غيار السيارات وورش الصيانة -لادا

المشاركة الأصلية كتبت بواسطة emad_s_d

ربنا يوفقك للخير و الصالح باذن الله
بالنسبة لقطع الغيار انا ان شاء الله نازل انهارده اشتري طلبات السيرفيس الكامله بتاعتها و باذن الله اكتب الاسعار بعد الشراء علي خير
اما الصيانه ف الحمدلله وصلت لكهربائي ف اكتوبر الحي السادس مشروع ال 103 اسمه الذهبية
ركبت عنده انذار امبارح بالتركيب ب 200 وولف

انا قابلت و شوفت حاجات كتيرة منها عربيات من توكيل الامل نفسه كانت بتاعه موظفين و الاسعار بتتراوح ما بين 30 الي 34
وخلي بالك انا باحط ف السعر مده الرخصه المتبقيه لانها مصاريف من وجه نظري

و ربنا يوفقك و توصل لحاجه كويسة باذن الله و لو احتجتني ف اي حاجه انا تحت امرك

متشكر جدا لحضرتك وربنا يقدم اللي فيه الخير

السلام عليكم

وعدت زملائنا اني ارفع اسعار قطع الغيار

المكان التوفيقية التاجر : سيد نصار
اولا راجل قمة الزووق و الاحترام و التعاون ربنا يجزية خير اللهم اميييييييييييييين

سير كاتينة 145
بلية شداد 100
فقتر زييت 30
فلتر بنزين 45
فلتر هواء 50
تيل فرامل امامي 75
تيل خلفي 150
طقم مرايات روسي 250
سير دينامو 40
طقم بوجيهات يبابني سن رفيع لل 16 صباب 50

شكرا جزيلا استاذ عماد.
الاكسسوارات الخارجية متوفرة كلها جديد؟الفوانيس والاشارات و الزجاج ولو حضرتك تعرف اسعارهم؟

الشكر لله

الاكسسوارات سالت عنها سيد نصار قالي ما تقلقشي كل حاجه تخص العربية دي متوفرة الحمدلله
حتي جابلي كتالوجات الموديلات المختلفه من نفس الطراز 110
و سألني عن الموتور و العربية و جاب كتالوج قالي هي دي عربيتك
و فعلا كانت هي لانه ماشاء الله عنده خبرة في النوعيه دي
و ان شاء الله كل ما هاشتري حاجه هابعت تمنها اول باول ان شاء الله
و اتمني من باقي ملاك اللادا 110 مشاركتنا ف الخبرات و المعلومات فيما يخصها

تم عمل صيانه للتكييف ب أكتوبر خلف علي الدين الاسطي محمود
تغير فلتر 100 ج
تغيير ماسورة ب خرطوم جود يير امريكي 150 ج
شحن فريون امريكي مستورد 150 ج
تغيير مروحه تبريد 200 ج
مصنعيه 50 ج

انا لسه شاري عربيتي ال 2110 من 3 ايام مشتري النسخه ال 1600 متركبلها تكيف بس بيقولولي مش بتاعها هو شغال بس ضعيف اوي وحبيت وهي موديل 2007 وماشيه 71000 كم وكانت مرفوعه 3 سنين وطبعا صاحبها مش عارف اي حاجه ف حبيت اعمل طقم سيرفيس للعربيه ودي تجربتي معاها
الميكانيكي قالي هات سير دينامو وسير كاتينه وسير تكيف وطقم بوجيهات واسبراي للانجيكشن
المهم انا من حلوان نزلت الف طبعا مالقتش اي حاجه من الحاجات دي خالص ف حلوان ف قررت انزل التوفيقيه وجبت من هناك شويه حاجات كده هقولكم عليها
طقم بوجيهات انجليزي اصلي ب 45 جنيه
سير الدينامو ب 15 جنيه الواحد جبت اربعه قولت اخليهم احتياطي
سير التكيف ب 40 جنيه
سير الكاتينه ب 80 جنيه وطلع مش هوه وهروح ارجعه انهرده واجيب التاني من عند سيد نصار ده لاني لسه عارف نصار ده امبارح بس
جبتلها طقم انزار وولف ب 190 جنيه من حلوان وفيه جهاز فصل بيفصل العربيه كهربا لو مش مفتوحه بالمفتاح بتاعها وتركيبه اخد 50 جنيه وظبطهولي علي الابواب الاربعه ووحده الفصل
جبت جهاز زينون وسط 55 ميجا ولمض للعالي نضيفه اوي ب 260 جنيه وتركيبه هو واللمض وظبط كهربه الصالون مع الابواب مصنعيه 80 جنيه وكمان غيرت حساسات الابواب الاربعه الواحد ب 5 جنيه ف حلوان
الميكانيكي الي غيرلي سير الدينامو والتكيف والبوجيهات مأخدش حاجه لانو قريبي
اخيرا العربيه سحبها عالي بسم الله ماشاء الله علي الطريق والعفشه لغايه دلوقتي كويسه معادا كوبلن امامي شمال ابتدا يطقطق علي خفيف كده ولما ربنا يأذن كده وادخل ف العفشه هقولكم برضه علي تجربتي معاها
الي عايز اي شئ انا ف الخدمه وهتابع انشاء الله علطول وربنا يكرم
وياريت الناس تتفاعل مع بعضها لانها ف الاول و فالاخر مصلحتنا كلنا
وشكرا ليكم واسف علي الاطاله

كلا مك سليم فعلا

مافيش هاف باور

و اللادا 110 مافيهاش باور

هي علي سكاترا