مشكلة فى التكيف سيفك 92

**ahmedshetewy** · 29-06-2013 11:30 AM

X السلام عليكم
x من يومين كده روحت اصلح التكيف فى عندى 3 مشاكل
x - الكباس لايعمل عند تشغيل التكيف من الداخل بس شيلت الكتاوت بتاعتو ووصلت بسلك
x على البطارية راح شغال
x- المروحة لا تعمل برضو عمات نفس الموضوع راحن شغالة
x- الراجل وهوا بيشحن راحت فى ماسورة ضربت فقالى ممكن الحمهالك
x فهل الحام ده هينفع ولا لالا
xوايه مشكله الكباس والمروحة هل دى كتاوت ولا ايه
x وشكرااا

**aldesha989** · 29-06-2013 01:05 PM

الكباس مدام اشتغل لما شيلت الكتاوت يبقى غيرها
والمروحه جربها على البطاريه برضه على طول لو لقيتها اشتغلت يبقى سيلك مش كويس او كتاوت برضه

انا قبل ما اشحن التكيف كنت هتجب المروحه مش عايزه تشتغل واجيبها يمين شمال مافيش وروحت لكهربائى اسهل حاجه عنده غيرها

فين وفين لما اضطريت افك السربنتينه روحت فاكك المروحه معاها وواخدها على البيت وكان عندى كابل بيحول ل 12 فولت روحت قاطع السلك وموصلها لقيتها اشتغلت قعدت اشتم فى الكهربائى العره وظبطها وركبتها تانى الحمد لله هى اينعم القميص بتاعها متبهدل بس لحد ما ربنا يكرم واجيب مروحتين مش واحده :d

الماسوره اللى ضربت لو ضربت وعامله زى خرم مش مشكلة بس لازم تعرف ضربت ليه هل شحن زياده ولا ما عملش فاكيوم وكان فيها هواء وخلااها تضرب ولا اصلآ الماسوره ضعيفه

لو الماسوره ضعيفه يبقى تغيرها افضل

انا ما اخدتش بالى انتا بتقول المروحه كمان اشتغلت تمام يبقى يا كتاوت ضاربه وممكن يا السيلك وحش

**أحمد جودة** · 29-06-2013 01:11 PM

كدة بالفعل مشكلة كتاوت

بالنسبة للحام ينفع بس يكون بطريقة صحيحة ونضيفة

بالتوفيق ومنتظرين تقريرك بعد انهاء الاصلاح

**AHMED_HAMDY** · 29-06-2013 01:17 PM

المشاركة الأصلية كتبت بواسطة mamdoh zaky

فى حساس فى السربنينة بتاعت التكيف لو مفيش فريون فى الدايرة بيفصل الكباس واجزاء التكيف ويخليش الكنترول يديله امر تشغيل الى فى وجود فريون راجع على الحساس والفريون قبل متغير اى جزء من اجزاء دايرة التبريد

ممدوح ازيك عامل ايه

هوه الحساس ده ببقى فين بالضبط ؟!!! من ناحيه الاكصدام الي قدام ؟؟؟

**AHMED_HAMDY** · 29-06-2013 01:18 PM

سؤال ثاني انا عند برضه ماسوره مكسوره !!!!!!

الكبيره الي ماشيه بعرض الحوض ممكن بديل عنها حاجه تتعمل عموله وتبقى كويسه لاني مش عايز الحم !!!

ومش لاقي واحده شمال وكامله

**SAMEH_FOUAD** · 30-06-2013 10:53 AM

المشاركة الأصلية كتبت بواسطة ahmedshetewy

X السلام عليكم
x من يومين كده روحت اصلح التكيف فى عندى 3 مشاكل
x - الكباس لايعمل عند تشغيل التكيف من الداخل بس شيلت الكتاوت بتاعتو ووصلت بسلك
x على البطارية راح شغال
x- المروحة لا تعمل برضو عمات نفس الموضوع راحن شغالة
x- الراجل وهوا بيشحن راحت فى ماسورة ضربت فقالى ممكن الحمهالك
x فهل الحام ده هينفع ولا لالا
xوايه مشكله الكباس والمروحة هل دى كتاوت ولا ايه
x وشكرااا

طيب ياباشا شوف طالما الكباس عندك اشتغل direct من عن طريق وصلة من البطارية

هتروح فين بقى ؟؟؟ عندك فى اتنين relay مثبتين خلف الفانوس الشمال واحد فيهم بتاع المروحة والتانى بتاع الكمبورسير

لو انت واقف ووشك للسيارة , يبقى ال relay اللى على الشمال هو دة بتاع الكمبروسير واللى على اليمين اللى هو ناحية الرفرف دو بتاع مروحة السربنتينة

هما دول بتوع التكييف

- مشكلة بقى ان الماسورة ضربت وهو بيشحن

شوف ياباشا ماسورة تضرب معناها ان الضغط زاد عن الحد فى دورة الفريون وبيرجع ان ممكن يكون فنى التكييف زود الضغط فالماسورة انفجرت

وفية عندك نوعين مواسير فى السيارة ( واحدة rubber - وواحدة المونيوم ) لو الماسورة اللى ضربت ال rubber بيتغير عادى جداااا ومافيش مشكلة
- ولو اللى ضربت الالمونيوم , بتتلحم حاجة اسمها لحام كهرباء , بس اللى بيلحم لازم يكون فاهم وشاطر , وبعد كدة بتنساها خالص ومافيش مشاكل

**SAMEH_FOUAD** · 30-06-2013 10:55 AM

المشاركة الأصلية كتبت بواسطة ahmed_hamdy

ممدوح ازيك عامل ايه

هوه الحساس ده ببقى فين بالضبط ؟!!! من ناحيه الاكصدام الي قدام ؟؟؟

دة اسمة حساس ضغط الفريون , وبيكون متركب على السربنتينة من اليمين لو انت واقف فى وش العربية

-

الموضوع: مشكلة فى التكيف سيفك 92

LinkBack

أدوات الموضوع

عرض

-

-

-

-

-

-

المواضيع المتشابهه

مشكلة في التكيف

مشكلة في التكيف

أرجو المساعدة ، عندى مشكلة فى فتيس سيفك 92

مشكلة فى التكيف

مشكلة مع التكيف

الكلمات الدلالية لهذا الموضوع

المفضلات

المفضلات

ضوابط المشاركة