مساعدة من مهندسي الكهرباء ضرورى

**amrelsaqqa** · 29-06-2013 06:13 PM

السلام عليكم ورحمة الله وبركاته

الموضوع باختصار اننا جبنا غسالة اطباق ماركة زانوسى ، واتركبت واشتغلت وكله تمام ، ماعدا مشكلة واحدة ، مشكلة الارضى

الغسالة بتكهرب اي حد يلمسها ، حتى لو مش في وضع التشغيل

كلمنا التوكيل بعتوا حد وصلها بحنفية المية ، ومشى من غير حتى ما يتأكد من الشغل اللى عمله
المهم الحنفية ما عملتش ارضى ، وده تقريبا تفسيره ان مواسير المية بقت بلاستيك وما بقتش ارضى زي زمان

المهم وصلتها بالماسورة اللى شايلة الحوض واتظبطت يومين بس للاسف الكهربا رجعت تانى ، اه بالمناسبة ، عكس الفيشة ما لوش تأُثير ، يعنى في كل الاحول بتكهرب

النهاردة بقى عملت حاجة حلت المشكلة ، بس عايز اتأكد واطمن اللى عملته صح ولا غلط

فكيت البريزة وجبت مفك تست وعرفت الطرف النيوترال ووصلت بيه السلك الارضى ، من جوة في البريزة وقفلت على كدة ( وطبعا التوصيل من جوة ، يعنى عكس الفيشة مش هيأثر )

طبعا المشكلة اتحلت ووالدتى قعدت تدعيلى قد كدة ، بس انا مش متأكد ، هل الطرف النيوترال ده بيفضل نيوترال على طول ، ويعتبر بمثابة ارضى جاي من المحطة ، ولا ممكن في يوم من الايام الاطراف تتعكس من المصدر ؟ وفي الحالة دى يبقى كأنى موصل طرف حي لجسم الغسالة ، يعنى كارثة ؟ ( انا مش فاهم اوى الحتة دي )

**MaZaGAngeE** · 29-06-2013 06:46 PM

السلك الارضي طرفه في البريزة و الطرف التاني قين ؟

**amrelsaqqa** · 29-06-2013 07:57 PM

مربوط بمسمار في البودي بتاع الغسالة

**MaZaGAngeE** · 29-06-2013 08:59 PM

يعني انت موصل كابل الغسالة في الفيشة و واخد الطرف النيوترال مشترك مع مسمار في جسم الغسالة ... ده اللي انت عملته ؟

هوه ده حل بس مش حل صح ..
هات كابل نحاس شعر 2 ملم او 3 ملم و وصله من المسمار بتاع جسم الغسالة لحديد شباك المطبخ .. او لو انت في دور اخير ممكن يكون عمدان البيت فيها حديد طالع توصل فيه ... او لو سلم البيت فيه ترابزين حديد وصل فيه ..او توصل في المنشر الحديد بتاع البلكونة ...

لكن حل انك توصل الطرف النيوترال مش الحل الصحيح .

**walaaeldeen** · 29-06-2013 09:09 PM

السلام عليكم
وصل سلك بين جسم الغساله واي مسمار او حديد داخل للحيطه
والله المستعان

**ahmed1981** · 29-06-2013 10:06 PM

جيب التوكيل يحل المشكلة

المفروض الغسالة متكهربش حتى لو مش متوصلة أرضي إلا لو حصل مشكلة

-

**MaZaGAngeE** · 29-06-2013 11:09 PM

المشاركة الأصلية كتبت بواسطة walaaeldeen

السلام عليكم
وصل سلك بين جسم الغساله واي مسمار او حديد داخل للحيطه
والله المستعان

شكرا استاذ ولاء الدين ..
دي فكرة كويسة برضه...

هات هيلتي ( او شنيور ) و بنطة 12 ملم اعمل خرم في الحيطة و حاول انك تخرم في عمود او كمرة عشان توصل للسيخ الحديد و هات مسمار قلاووظ او سيخ حديد قصير و دخله في الخرم ده بحيث انه يلامس السيخ الحديد اللي جوه و ده عشلن توصل لافضل توصيل للارضي ... ممكن تدق مسمار 10 ملم او 12 ملم في الحيطة ( مش في السيراميك بتاع المطبخ ) بس هيكون فيه مقاومة و ممكن تكون اكبر من مقاومة جسم الغسالة فبالتالي مش هيحصل تفريغ كويس ... لكن جرب كده الاول لو لقيت انها كويسة يبقى خلاص .. لكن فكرة انك توصل للسيخ الحديد في العمود او الكمرة افضل طبعا ..

**amrelsaqqa** · 29-06-2013 11:10 PM

المشاركة الأصلية كتبت بواسطة mazagangee

يعني انت موصل كابل الغسالة في الفيشة و واخد الطرف النيوترال مشترك مع مسمار في جسم الغسالة ... ده اللي انت عملته ؟

هوه ده حل بس مش حل صح ..
هات كابل نحاس شعر 2 ملم او 3 ملم و وصله من المسمار بتاع جسم الغسالة لحديد شباك المطبخ .. او لو انت في دور اخير ممكن يكون عمدان البيت فيها حديد طالع توصل فيه ... او لو سلم البيت فيه ترابزين حديد وصل فيه ..او توصل في المنشر الحديد بتاع البلكونة ...

لكن حل انك توصل الطرف النيوترال مش الحل الصحيح .

والله انا غلبت ، جربت كل حاجة
وصلت للمواسير مفيش فايدة ، خدت السلك وطولته ونزلت وصلته في البوابة !

مفيش فايدة ، برضه بيكهرب
وصلت في الحيطة ، مفيش فايدة ...

الحل الوحيد اللى منع الكهربا تمااما هو الللى انا عملته

بس انا مش فاهم قصدك بإيه "مش الحل الصح"
انا كل اللى يهمنى في الموضوع امن ولا مش امن

يعنى من الاخر في البريزة دلوقتى الطرف اللى فوق نيوترال واللى تحت لاين ، هل هيفضلوا كدة على طول ، ولا ممكن يحصل تغيير ، من شبكة الكهربا مثلا !

**amrelsaqqa** · 29-06-2013 11:12 PM

المشاركة الأصلية كتبت بواسطة walaaeldeen

السلام عليكم
وصل سلك بين جسم الغساله واي مسمار او حديد داخل للحيطه
والله المستعان

عملت كدة والله ومفيش فايدة ، بس مش في عمود ، يدوبك خرمت حوالى 7 سم في الحيطة ورا سيراميك المطبخ ، ودقيت مسمار طويل وصلت فيه ، وما حصلش حاجة .. .

**amrelsaqqa** · 29-06-2013 11:15 PM

المشاركة الأصلية كتبت بواسطة ahmed1981

جيب التوكيل يحل المشكلة

المفروض الغسالة متكهربش حتى لو مش متوصلة أرضي إلا لو حصل مشكلة

-

هم كلامهم وفي نفس الوقت كلام الكتالوج ان لازم يتم التأريض ،انا عارف انه مش لازم اوى ، بس هيتحججوا ويقوللك هى كدة والكتالوج بيقول كدة ...

الموضوع: مساعدة من مهندسي الكهرباء ضرورى

LinkBack

أدوات الموضوع

عرض

-

-

-

-

-

المواضيع المتشابهه

مولد الكهرباء الجديد اتحرق .. طلب مساعدة من مهندسين الكهرباء

مساعدة في طقم الكهرباء للماروتي

مساعدة ضرورى

مساعدة بخصوص الأريال الكهرباء

نداء إلى مهندسي السيارات في المنتدى.. طلب مساعدة

الكلمات الدلالية لهذا الموضوع

المفضلات

المفضلات

ضوابط المشاركة