تغيير لون الـ m11

**M.G.R** · 30-06-2013 10:28 AM

المشاركة الأصلية كتبت بواسطة leitosr

مفيش حاجة اسمها هيرش فابريكه,
الفابريكة يعني لون بلادها اللي جاية بيه.

ومتبنيش امل كبير علي التوكيل كدا, انت ممكن تروح تعملها عنده وتكلفها أكتر من برة وتطلع بنتيجة أقل من واحد برة شغال في دهان السيارات فقط.
مع العلم بان التوكيل ممكن يكون مش عنده فرن ودا الغالب, يعني هيوديها لواحد تترش عنده برة, وكمان هيجيب اللون من برة.
يعني ودنك منين يا جحا.

اخر حاجة انت بتقول "لو غيرت اللون فى التوكيل هاتترش بره وجوه فابريكه"

أنت مدرك معني كلمة جوا دي ايه .؟ يعني هتفك الكراسي والكنبة والموكيت وكل الفرش عشان ترشها جوا,
وحطها قاعدة في حياتك كدا, شغل الفابريكة لما بيتفك مش بيرجع زي الأول يعني هتسمع أحلي أصوات وتزييق وانت سايق وساعتها هتكره اليوم اللي فكرت فيه انك ترش العربية من جوة,
والحاجة اللي هتتفك مش هتتقفل ولا ترجع زي ما كانت.

نصيحة مني أصرف نظر عن الموضوع دا مش جايب همه
هيخسرك جامد في اعادة البيع وهتغيب علي متتباع لانه كل هيخاف منها لو رشيت برة بس ما بالك بجوة كمان, دا غير ان النتيجة ممكن تبقي غير مرضية لو متعملتش كويس وبضمير.

لأ خلاص طالما الموضوع وصل لفك يبقى بلاش, اصلا انا خايف اوديها لسمكرى يعمل الحتة اللى فى الباب لحسن مايعرفش يركب فرش الباب ومكنة الازاز زى ماكانت, ربنا يسهل وتفضل معايا فترة وابيعها واجيب تيجو او رينو ستيب واى شكلها تحفة

**Ahmed Amin** · 30-06-2013 10:52 AM

المشاركة الأصلية كتبت بواسطة m.g.r

لأ خلاص طالما الموضوع وصل لفك يبقى بلاش, اصلا انا خايف اوديها لسمكرى يعمل الحتة اللى فى الباب لحسن مايعرفش يركب فرش الباب ومكنة الازاز زى ماكانت, ربنا يسهل وتفضل معايا فترة وابيعها واجيب تيجو او رينو ستيب واى شكلها تحفة

تمام كدا, والرش بينفع في حالة عربية قديمة موديل 2003 او 2002 كدا,
مش في عربية جديدة ولسه بتعمل صيانة في التوكيل,

وساعتها مش هيقلل من سعرها ساعتها لان هيكون الرش دا نضافة للعربية,
وبرضة لوعربية في العمر دا فضلت فابريكة بتمسك سعر حتي لو لونها بقي وحش بس المشتري هيفضل دي علي المرشوشة لانه بيضمن انها معملتش حادثة جامدة او انقلبت عشان تترش كلها.

وان شاء الله اما تبيعها تجيب العربية اللي نفسك فيها باللون اللي تحبه.

**bassemali** · 30-06-2013 11:20 AM

المشاركة الأصلية كتبت بواسطة m.g.r

تمام انا صرفت نظر عن الموضوع

تمام كده انا هاعمل الحتة اللى فى الباب فى الحرفيين واديها رشة نضافة علشان فرق اللون اللى هايبقى فى الباب
وربنا يكرمنا والجمارك تتشال ونركب عربيات بجد تقفيل بلدها واسعار بلدها

ترش الحته اللي ف الباب بس .. مش العربيه كلها .. فرق اللون مش هيبان .. بعد ماتترش البوهيجي هيلمعها لك كلها .. وهتلاقيها كلها بفت لون واحد خلاص .. مش هترش العربيه كلها عشان خبطة باب .

**M.G.R** · 30-06-2013 11:52 AM

المشاركة الأصلية كتبت بواسطة bassemali

ترش الحته اللي ف الباب بس .. مش العربيه كلها .. فرق اللون مش هيبان .. بعد ماتترش البوهيجي هيلمعها لك كلها .. وهتلاقيها كلها بفت لون واحد خلاص .. مش هترش العربيه كلها عشان خبطة باب .

تمام كده, هابدأ فيها بإذن الله عالاسبوع الجاى تكون خدت العين شوية

**lidosasa** · 30-06-2013 12:22 PM

ترش الحتة المخبوطة بس مش الباب كله ومش حتبان إلا إذا كان اللون ميتالك وقتها لازم ترش الباب كله عشان الرش حيبان ويبقى كأنه بقعة . لكن اللى عرفته من الموضوع إن العربية لونها شامبين يبقى توكل على الله ورش الخبطة بس