السلام عليكم ورحمة الله وبركاته اولا
ثانيا:انا احب انقل تقريرى عن السفر بالماروتى من الاسكندريه الى مطروح ( 300 كيلومتر )
الحقيقة انا كنت خايف اسافر بيها خصوصا ان معايا شنط كتير والمدام طبعا :) بس لولا تقارير الاعضاء هنا فى المنتدى عن السفر بالماروتى مكنتش سافرت بيها وكان انطباعى " انـبـهـار تـام " العربيه ماشاء الله سافرت بيها ولا اجدع عربيه واحب الخص تقريرى فى نقط :
1- استهلاك البنزين : 1لتر(بنزين 92 ) = 12 كيلومتر وممكن اكتر بشويه كمان.
2-الاتزان : كان مبهر بالنسبالى العربيه ماشيه راكزه جدا على الطريق وكان بيعدى جنبى اتوبيسات بسرعه عاليه والعربيه مش بتتأثر.
3-التسارع: طبعا رصصت الاربع فرد قبل السفر الفرده ب 10 جنيه وجبت بالعربيه 130 بدون اى مشكله ولا اى هزه حسيت بيها ومحستش ان العربيه خفيفه ولا حاجه وجابت معايا 140 كمان بس طبعا اخدت وقت شويه.
4-سخونة الموتور : الحمد لله مسخنتش خااااالص طول السكه العداد معداش النص مع العلم انى اخدت السكه مره واحده مريحتش خالص فى السكه يعنى 300 كيلو مستمر.
تقييمى ليها فى اول سفريه 10/10 الحمد لله وفى طريق العوده نفس الكلام ولا اكثر ولا اقل ومريحتش فى الرجوع برضه.
واى استفسار اتفضلوا