هي البلد حالها بيتصلح ولا انا كنت في كوكب تاني !!!!!!!!!

**SHNORY** · 27-08-2008 10:48 PM

من كام يوم كنت ماشي بالعربيه في وسط البلد وفاجئني منظر غريب اوي
خلاني اقرص نفسي علشان اعرف انا بحلم ولا انا صاحي
شوفت عربيه مرسيدس e240 والكلابش منور علي الكاوتش الخلفي ليها وكانت 4 نمر تقريبا والكلام ده كان في شارع النبي دانيال عندنا في اسكندريه
وبرضه تاني يوم شفت عربيه كمبريسور بنفس المنظر في مكان قريب من السفاره السعوديه
واول امبارح علي البحر ناحيه ميامي لقيت عربيه بي ام مشاء الله عليها تقريبا z4 كابورليه واقفه منوره علي يمين الطريق والظابط ماسك صاحبها بيكتبله مخالفه
فيا تري العربيات دي كانت متكلبشه علشان متتسرقش والحكومه معينه حراس عليها
لحد ما اصحابها ييجوا ووالظابط اللي كان موقف البي ام ده كان بيقول لصاحبها انه عاوز لفه بيها او يتصور معاها
ولا ربنا كرمنا وانعم علينا بنعمه الحق والضمير ومعاقبه المخالف مهما كان وضعه
والله كان نفسي اطلع الموبايل واصور الحاجات دي واجيبهالكم بس مكانش ينفع اني اقف علشان زحمه الطريق

بس يا ريت حد يقولي
انا فعلا كنت في كوكب تاني ولا بلدنا حالها بدا يتصلح ؟؟؟؟؟؟؟؟؟؟؟؟

**bee** · 27-08-2008 10:53 PM

نتمنى ذلك :)

**mostafabakry** · 27-08-2008 11:10 PM

ياعم اغلب تجار الخردة و معلمين الشوادر و تجار السمك بيركبوا العربيات دي
طبيعي جدا
انا خلاص بدأت اعتقد بالمبدأ دا
انت ما مش شايف الفلوس حاليا مع مين في البلد هتلاقيها مع الراقصات و انت نازل لتحت
يبقي حال البلد لا انصلح و لايحزنون بالعكس دا دليل علي العكس

**MEDO_AHMED2** · 27-08-2008 11:19 PM

يا باشاوات مصر فعلا المرور فيها ابتدى يتعدل والبلزات السرعة والموبايل والحزام والركنة والافعال المخلة ودى شفتها بعينى ما علينا من التفاصيل بس الرتب زادت والمخالفات زادت بس المكروباس مظبط الظباط والامناء بمرتب يومى و على عينى والكوسة فى على راس طبق اللحمة لسة واخدة مركز بس مش زى الاول يعنى دلوقتى لو وقفت فى كامين و الواسطة اعلى مركز من الظابط انا برائة لكن لو الظابط اعلى انا منفوخ مش اعلى رتبة وبس لكن مركز ومعارف برضو لكن يعنى الحياة دلوقتى احسن

**mostafabakry** · 27-08-2008 11:47 PM

المشاركة الأصلية كتبت بواسطة medo_ahmed2

والكوسة فى على راس طبق اللحمة لسة واخدة مركز بس مش زى الاول يعنى دلوقتى لو وقفت فى كامين و الواسطة اعلى مركز من الظابط انا برائة لكن لو الظابط اعلى انا منفوخ مش اعلى رتبة وبس لكن مركز ومعارف برضو لكن يعنى الحياة دلوقتى احسن

مش فاهم قصد حضرتك ايه ؟؟؟؟؟؟؟؟؟

**badblood** · 28-08-2008 01:10 AM

امال هيأفش من مين الامين الورقه ام عشرين

**MEDO80** · 28-08-2008 01:49 AM

لا الموضوع دا في اسكندرية منتشر جدا عربيات بالهبل نمر مميزه و سودا علي شارع ابوقيرمتكلبشة و عربيات هيئة سياسية قدام فندق ميركور

**Hossam_Hassan** · 28-08-2008 01:51 AM

اثبت العلم الحديث ان الحداية ما بتحدفش كتاكيت

**fakoussa** · 28-08-2008 11:16 AM

طبعا طبعا علشان يقبضوا و يتبسطوا و يروحوا

لحد دلوقتى كل عربيات السادة الظباط و وكلاء النيابة و القضاة كلها زجاج فيميه و لوحات حسب الطلب و هيئة قضائية و سلملى على جوزك يا اسماعيل بيييه

الموضوع: هي البلد حالها بيتصلح ولا انا كنت في كوكب تاني !!!!!!!!!

LinkBack

أدوات الموضوع

عرض

هي البلد حالها بيتصلح ولا انا كنت في كوكب تاني !!!!!!!!! - انشر الموضوع فى :

-

-

-

-

-

؟ -

-

-

المواضيع المتشابهه

خلاص مش هتعامل تاني بادب مع حد في البلد دي !

عدادات من كوكب تاني

توكيل الفيات جي من كوكب تاني

عربية mazda من كوكب تاني!!!!!!

الكلمات الدلالية لهذا الموضوع

المفضلات

المفضلات

ضوابط المشاركة