السلام عليكم
انا بوضب حاليا شقتي عشان الجواز و كنت عايز اعمل الارضيه بورسلين نزلت السلاب بس الاسعار نار محدش يعرف اماكن عندها تشكيلات كويسه و اسعارها معقوله ؟
عرض للطباعة
السلام عليكم
انا بوضب حاليا شقتي عشان الجواز و كنت عايز اعمل الارضيه بورسلين نزلت السلاب بس الاسعار نار محدش يعرف اماكن عندها تشكيلات كويسه و اسعارها معقوله ؟
لا دة السلاب نار فعلا روح عند رويال وليسيكو هتلاقى اسعار معقولة شوية
بص يا باشا انا كنت نزلت اتفرجت فى السلاب و فى الفجالة و فى البورسلين الصينى فى الفجالة ب 85 تقريبا و كان ساعتها فى السلاب عاملين علية تخفيض من 210 الى 105
حاول تنزل الفجالة تلف هناك شوية و شوف كدة اية الكلام و قولنا عملت اية
و ربنا يعينك ان شاء الله
85 للمتر؟
ياخبر
الى موجود كلة صينى سواء الفجالة او السلاب عندك المحجوب عندة صينى واسبانى واماراتى
الصينى بيبتدى من 94 جنية هتلاقية هو بنفس الكارتونة والشكل الى موجود الفجالة بس الفكرة فى الفجالة ان ساعات كتير البلاطة مش كلها بتبقى بورسلين يعنى النص بورسلين والنص عجينة سراميك وفى ناس عندها الحجر كلة بورسلين وناس عندها طبقة واحدة على الوش كدة متفرقش حاجة عن السراميك وهيقلك بورسلين بردوا المحجوب البلاطة عندة كلها بورسلين ابعد عن بورسلين كليوبترا الشركة للاسف بتنهار والمنتجات بقت سيئة حسبى الله ونعم الوكيل فى الى كان السبب كليوبترا الى كانت مغرقة الخليج كلة بورسلين النهاردة تسمك البلاطة تلاقيها كلها دفيوهات وتروح المعارض بتاعتهم متلاقيش الا نوعين من البورسلين ولما تطلب كمية يقولك استنى 20 يوم لما نعمهملك عمولة ولا كائنها ورشة خراطة وبالنسبة للسلاب فى عندة فى الغالب نوعين نوع صينى صرف ودة زبالة ونوع تانى بيقول اسباتى ومتفنش فى الصين دة كويس بس سعرة غالى
المهم الى تركز عليه فى الشراء سواء جبت من اى مكان
1- البلاطة كلها تبقى بورسلين
2-اختار حاجة تكون سادة او فيها شغل مش كتير علشان متبقاش شبة السراميك
3-اوعى تجيب اقل من 60*60 مقاس الحجر
4-السُمك بتاع الحجر بيزيد كل لما الحجم بتاع البلاطة يبقى اكبر ودة علشان تستحمل (هتفرق معاك لو انت جايب بلاطة متر فى متر مثلا او اكبر)
5-الاسطى الى هيركب اقف على راسة علشان يزبط الفواصل على الاخر علشان ميبنش فروقات بين البلاط و بعضة مندفعش احنا دم قلبنا علشان البلاطة مقطوعة ليزر ويجيى المبلط يبهدل الدنيا كلها
6 -لو جبت بورسلين غامق اللون والوفواصل بانت فية اوعى تخلى المبلط يحط اسمنت ابيض عادى روحة اشترلية اكسد ملون من عند الموان بنفس لون البورسبين ويخلطة مع الاسمنت الابيض علشان يدارى الفواصل وكذلك اعمل كدة فى السراميك
7-ربنا يتملك على خير ويدك خير الشقة ويكفيك شرها ويتملك الجواز على خير
اى حاجة انا فى الخدمة
اومال الجوهرة بكام بقى ؟
متابع
ارخص مكان ممكن تجيب منة فى ترسا الهرم65 للمتر
بص عن تجربه الستات عندنا لزم يفرشو الارض سجاد حتى لو معموله مرمر مش بورسلين؛ لو بتدور على حاجه سعرها معقول عشان اقل بورسلين صينى عامل 65 جنيه ؛ هات سيراميك اسمه قطع او لحام ليزر لما بيركب بيكون شبه البروسلين قوى و سعره من 30 جنيه و انت طالع
ههههههههه والله انت جبت المفيد
الستات عندنا فعلا بيعاملو الارضيه كانها واحده ست لازم تتستر
متعملش بورسلين الا اذا كنت هتجيب عفش مودرن عشان يبان وتبقي صرفت فلوسك في حاجه مفيده
لو هتجيب عفش كلاسيك وسجاجيد وكده يبقي احسن حاجه قضيها سيراميك نضيف وممكن تخلي البورسلين للصاله او حتي تكون مش مفروشه
بإذن الله أنا داخل على توضيب... فقررت أجيب سيراميك (البلاطة إللي شكل الباركيه).. نزلت عند السلام لاقيت السيراميك هناك أسعاره غالية طحن... فعايز أعرف أحسن وأرخص مكان أجيب منه بلاطه في حدود 35 جنيه وتكون كويسة ومتتعبنيش في التركيب.. خصوصًا أن ناس قالوا لي خلي بالك علشان البائعين إللي في الأسواق والأماكن غير المعروفة بيخموا في حساب المتر.. يعني ممكن يدوني الكرتونة ناقصه بلاطه.. طبعًا احسب بقى لو 50 كرتوبة يبقى 50 بلاطة... أنا سكن في المقطم... مش شرط أجيب من المقطم بس أنا عايز مكان كويس ومضمون وسعره كويس وأشكال تكون جديدة
لما تمسك البلاطة من الجنب هتلاقيها مقسومة نصين والضهر بتاعها زى السراميكاقتباس:
ازاى اعرف العجينة السيراميك من البورسلين
بخصوص الوزرة الى مع البورسلين بيبقى اية نظامو
ياريت حد يفدنا ؟؟
من فضلكم محتاج اسال على البورسلين الصينى اسمه السوقى كريستال وسعره 69 للمتر
وعجينتع نصفين نصف ابيض والنصف الاسفل غامق شويه
هل البورسلين الصينى بيبوظ بسرعه ومش عملى فى الاستخدام ؟
هل بيبقى فى فواصل فى التركيب يعنى بيتسقى اسمنت ابيض زى السيراميك ولا مش بيحتاج سقيه
عفوا للاطاله
انا جايبها من الفجاله المتر في حدود 35 كليوباترا حسب لون البلاطه والفرز .. ممتازه
هي بتبقى بلاطه رفيعه طوليه .. ومنها الغامق والفاتح ودرجاتهم
بس نصيحه مايفنعش تعمل الشقه كلها او الصاله منها .. هي مناسبه للمساحات الصغيره زي الغرف مثلاً
وطبعاً بيتعمل بيها رسمات مختلفه عالارض انت ومزاجك
بخصوص كليوباترا .. مع الاسف منتجاتهم فعلاً بقت سيئه وفيها ديفوهات حتى الغالي منها
والبلاطه مش زي زمان تحس انها مخدومه صح .. وبعض البلاط فرز اول وفيه ديفوهات وبينجرح بسهوله
حتى اطقم الحمامات فيها ديفوهات
عليك وعلى مصنع كليوباترا فى العاشر
بيعملوا تخفيضات على موديلات معينة وكمان تخفيض للكميات
وفية فرز تانى كويس
انا جبت فرز تانى بورسلين 30×60 المتر ب 49 جنية
إذا سمحتم حد جرب نوع بورسلين اسمه ماجيستيك
ونوع سيراميك اسمه لابوتيه .. ؟؟ وشكرا
متابع