الموضوع: ريجلاش: الإزاز الكهربا (لضبط حركته في المسار) طالع نازل

المشاركة الأصلية كتبت بواسطة ibn_seeena

جدعاااان
الناس الحلوة, اللي منورانا
عايز أسألكوا ف سؤال:
كورولا 2006 باب أمامي يمين
إزاز كهربا
المشكلة: الزجاج وهوا طالع بالتحديد (بس بيعملها وهوا نازل قليل)
اتجاهه المفروض فوق وتحت
مشكلته بأه انه بيروح يمين وشمال كمان
وفي حركته يمين وشمال بتصادف انه يخرج من المجرا الكاوتش بتاعته
بس في أثناء رجوعه ليها بياخدها في سكته ويتنيها لجوا ويقفل عليها
المشكلة يا جماعة مش في الكاوتش
وبإختصار: الباب دا بالكامل مثلاً مافيهوش أي مشكلة خالص
ولا فبرة بلاستيك ولا أي كبيرة ولا صغيرة مكسورة مثلاً في مكنة الإزاز
كل ما في الأمر: ان الزجاج دا سرطن بعد ما اشتريت العربية بيومين وغيرته بزجاج من نوع (أمان)
ولم تحدث المشكلة هذه من السنوات الخمسة الماضية
غيرت كاوتش الزجاج ولاقيت برضه نفس المشكلة
لأن الأساس فيها ان الزجاج بيروح يمين وشمار أثناء طلوعه ونزوله
....................................
رحت لواحد بتاع إزاز... قاللي انه محتاج ريجلاش
ومكانش فاضي يعمله
أنا فكيت الباب مسمار مسمار وخليت كل فتفوتة ف حتة ..... إني ألاقي المكان بتاع الريجلاش دا....... أبداً
طيب ممكن حد يدلني عن خبرته في الموضوع دا ... مع العلم إن المكنة عندي مقصات
.......................
مرفق صورتين للباب بكل الأجزاء فيه للمساعدة
وشكراً


[shr71=/convkey/759d/y9hgaepfniwsatd6g.jpg]http://www.mediafire.com/convkey/759d/y9hgaepfniwsatd6g.jpg[/shr71]


[shr71=/convkey/f497/ckxcpy5o1gae6ew6g.jpg]http://www.mediafire.com/convkey/f497/ckxcpy5o1gae6ew6g.jpg[/shr71]

بص يا باشا " الريجلاش" دى مش قطعة من مكونات الباب او الزجاج ده "تعبير عن عملية ضبط"
يعنى الصنايعى يقصد ضبط مسار الزجاج بحيث انه يمشى فى خط مستقيم بدون احتكاكات يمين او شمال تتقل حركة الزجاج او توقفه عن نقطة معينة بطريقة مايلة
هو مش فاضى عشان هايحل فرش الباب ويضبط المسارات ولو فيه مسمار مهوى يقرط عليه ولو القاعدة اللى بيقعد عليها الزجاج مش مظبوطة يظبطها كل الكلام ده اسمه " رجلشه"
وبما انك فكيت الباب وكل فتفوتة يبقى كده انجزت 90% من المهمة الـ 10% الباقيين يعتمدوا على دقة ملاحظتك اثناء طلوع ونزول الزجاج وتشوف هو مش ماشى فى مساره ليه والاسباب بتنحصر فى 3 نقط المجرتين اللى بالطول " يمين وشمال" والقاعدة اللى عليها الزجاج شوف كل حاجه ثابته فى مكانها ولا لأ .. اظبط الكلام ده " رجلشة" وقرط على المسامير وشكرا

متشكرين جداً يا باشا
بكرا في النهار بالشمس أنزل وأحاول تاني وأبلغكم :)

بص انا عندى موتور تويوتا اليابانى كهرباء برده من غير واير عامل زى علامة الضرب x
بص على الشمال x- من هنا كده هاتلاقى جرار المهم اخر الجرار ده هاتلاقى مسمار 10 او 12 فكه شوية وزق الجرار بايدك ناحية اليمين جامد واربط على كده جامد بعدين نفس الجرار من فوق خالص لو ايدك وصلتله زقه جامد برده لليمين لو ايدك مش واصلاله هات مفك وفى خرم ادامه حد المفك وزق تكة يمين كده وجرب قبل ماتقفل فرش الباب وادعيلى

بص كده انا عدلتلك على الصورة التانية الجرار اللى هاتعمل فيه كده مكان السهمين المفروض يبقى فيه كده
http://i.tinyuploads.com/7E2n9G.png