ايهما افضل في السحب سيراتو 2010 اوتو ولا لانسر شارك 1500 اوتو للي جرب ايهما افضل وهل فرق كبير ولا شايفين ايه:inlove:
ايهما افضل في السحب سيراتو 2010 اوتو ولا لانسر شارك 1500 اوتو للي جرب ايهما افضل وهل فرق كبير ولا شايفين ايه:inlove:
ايه يا رجاله علي فكره نسيت اوضح سيراتو موديل 2010 ولا ماتسوبيشي شارك 1500 سيسي
سيراتو طبعاً - معروف عن محركات كوريا كلها انها بتجري والكل عارف كويس السيراتو موتورها شكله ايه
على ارض الواقع الشارك اسرع من السيراتو يشكل ملحوظ عن تجربة للاتنين
السيراتو اخف فتجميعها اسرع من الشارك وتوب سبيد اعلى
السلام عليكم!
محركات الكيا (والهيونداي) بتجمع بسرعة اكبر من الياباني عموما (مش بس الشارك)... ولكن بعد ال60 شوف بقى الفرق على الطريق!!
بالنسبة للشارك... موتور المايفك اساسا تم تطويره بحيث يدي عزم اكبر (مش تجميع سريع) مع توفير واضح في البنزين... فعلى ارض الواقع السيراتو هتكون طلعتها اسرع شوية من الشارك بس بعد ال60 تقريبا.. الشارك تكتسحها بمعنى الكلمة (انا ياما سقت السيراتو ومعايا شارك... ده بالنسبة للتجميع!!
بالنسبة بقى للشارك قصاد السيراتو فتقريبا مفيش وجه للمقارنة اصلا (مع الاحترام الكامل للسيراتو وملاكها)... لان ثبات الشارك معدي بمراااحل واللي يسوقها ويشوف ثباتها هيلاقيها متفرقش تقريبا عن ثبات السيفيك والجيتا... واللي مش مصدق يجرب!!
شوف حضرتك الفرق بين عفشة الشارك وعفشة السبراتو وحاول تقرأ عنهم ويا ريت لو تبص عليهم عند عفشجي وانت هتعرف الفرق الرهيييب... عفشة torsio beam اقل من عادية في السيراتو (لا ثبات ولا حتى نعومة زي الكورولا والالنترا) قصاد نظام تعليق multilink ملهوش حل في الشارك بيدي ثبات خراااافي بجد وخصوصا في المنحنيات ومطبات الهوا (مع راحة اكبر طبعا في المطبات والطرق المكسرة)....
بالنسبة للتقفيل الداخلي انا مش محتاج اشرح الفرق... الصاج افضل بمراحل في الشارك... انا عارف ان ناس هتقول الاكصدامات ضعيفة.. الاكصدامات فعلا الفايبر بتاعها طري شوية بس دة مقصود لامتصاص الصدمات... انما ميتسوبيشي عاملة نظام rise body مبتكر في جسم العربية بالكامل يحميها في حالة التصادمات لا قدر الله...
طبعا شاسيه الشارك مرعب وممكن يركب عليه ال GT والايفولوشن... يكفي انه اقوى واتقل من شاسيه البومة (الاقوى اصلا من السيراتو) بحوالي 33%
الوسع الداخلي لصالح الشارك... ولو ان السيراتو برضه مساحتها حلوة...
اه... على فكرة... الارقام اللي بتتكتب عن الهورس باور بناع اغلب العربيات الكوري (زي السيراتو) بيكون امالي وليس صافي... يعني gross horse power مش net hp... وده مهم جدا لان الناس هتقولك ده السبراتو 124 حصان ومش عارف ايه وهم ميعرفوش ان القوة (الصافية) هي 106 حصان تقريبا!!! انما الهورس باور في الشارك (زي اغلب الياباني) بيكون net صافي.. يعني فعلا 109 حصان في ال1500 وبيكون 117 حصان في ال1600 زي اللي معايا...
السبراتو افضل حاجة فيها عزل الهوا (احسن من اللانسر والكورولا)... غير كدة خفيييفة على الطريق (واتحدى اي حد يجري بالعربية دي وياخد بيها غرز وميكونش مرعووووب... ده لو قدر اصلا)... وعفشة السيراتو ناشفة بغباااء فعلا... انما الشارك فعلا وحش على الطريق وفراملها ممتازة جدا والعربية تقيلة كدة على الارض وماسكة نفسها بجد...
اسف للاطالة.. بس تأكد انك لو ركبت الشارك وجربتها لايمكن.. لا يمكن تفكر في السيراتو!!!
ربنا يوفق!!
حبيبي يا استاز احمد الله يباركلك علي الكلام الحلو ده
ازاي يعني !! ؟ هو حضرتك جربت سيراتو 1300 ولا ايه ؟؟ :waaaht::waaaht:اقتباس:
المشاركة الأصلية كتبت بواسطة kholio
السيراتو اقوى من الشارك والبومة بكتييير !!
السيراتو أقوى من الشارك ............ بفرق ملحوظ في موضوع السرعة .
السؤال مش ليا بس لازم ارد بصراحة...!!اقتباس:
المشاركة الأصلية كتبت بواسطة Ahmod
حضرتك انا عربيتي شارك 2013 وفي شغلي بسوق عربيات كتير منها السيراتو... وبأكدلك ان السيراتو تفرق في الطلعة بس... صدقني... يمكن علشان مواتير الكوري بتدي acceleration اكبر... يمكن علشان العربية وزنها لا يقارن اصلا بوزن الشارك... يمكن علشان زي ما بقول في كل حتة ان موتور المايفيك بيدي torque اكبر من مجرد acceleration... انما في النهاية الشارك (كاجمالي) اسرع واقوى بفرق ملحوظ... لو بتتكلم عن الطلعة اوكي انا معاك ان مش السيراتو بس اللي اسرع... ده الاكسنت كمان!!!!
وعلى فكرة... لو حضرتك شايف ان السيراتو اقوى من الشارك (بكتيير) زي ما قلت... يبقى مستحيل تكون سقت الشارك او جريت بيها على الطريق!!!!
هو انا الصراحة ماسقتش شارك قبل كدة !!اقتباس:
المشاركة الأصلية كتبت بواسطة Ahmed TRAVCO
بس كانت دايما في اي شداية بتقع !! ؟ ومش بشوفها الا في المرايات الخلفية !! ؟ :waaaht:
الكلام اللى حضرتك بتقوله ده مش منطقي وغير اللى احنا بنشوفه في الطريق نهائيا !!
يا فندم انا مش عارف طريق ايه اللي ممكن حضرتك تشوف عليه اللي انا مش بشوفه؟؟؟؟اقتباس:
المشاركة الأصلية كتبت بواسطة ahmod
بص... انا بشتغل في نرسى علم وبسافر 140كم في اليوم... 140كم... متخيل بقى نسبة اللي بشوفه على الطريق ده كل يوم وخصوصا انه طريق مفتوح طوالي مش زي شوارع القاهرة مثلا؟؟؟ زائد اني قلت لحضرتك اني عربيتي الشخصية هي شارك... وسقت سيراتو بالعبيييط بحكم شغلي... وياما باكل الطريق رايح جاي لما بكون متاخر وبيحصل ان في سيراتو بتشد معايا...
عموما... بما اني جربت الاتنين... وبم ان حضرتك مجربتش الشارك... فياريت تجربها الاول وانا واثق انك هتأكد كلامي انشاء الله...!!
موضوع ان الشارك سريعه فده موضوع نسبي للعربيه الاساسيه بتاعت الي جربها. يعني ماينفعش واحد راكب عربيه 1300 يجرب الشارك ويقول جرايه !
وبما اني جربت السيراتو والشارك احب اقول ان السيراتو بتطلع من الشارك بمنتهى السهوله وعلى كل السرعات.
وحتى الالنترا بتاعتي لما بجري مع صاحبي الي معاه شارك بطلع منه بكل سهوله وعلى طريق مفتوح (طريق الاسماعيليه) وكان فاضي تماما
اذا كان الموضوع نسبي (وانا متفق) فده معناه ان العكس صحيح برضه.... يعني انت شايف انك جربت السيراتو والشارك ولقيت ان السيراتو اسرع... وانا من ناحيتي مجرب كتييير برضه بس شايف ان الشارك اجمالا اسرع... بالنسبة لي السيراتو اسرع لحد ال60 بس... بعد كدة الشارك تتفوق...
الموضوع فعلا ممكن يبقى نسبي... بس هوه حضرتك بتقول جربت الشارك... كانت 1600 بقى ولا 1500؟؟
ياباشا من الاخر كده الشارك كعربيه افضل من السيراتو
لكن كسحب وتجميع وتقفيل امبير فالسيراتو تحط على الشارك بكتيييييييير
الي مع صاحبي والي جربتها موديل 2009 يعني الموتور ال1500. الموتور ال1600 ده متهيألي بداية من موديل 2012 او 2013 مش متذكر بالظبط.اقتباس:
المشاركة الأصلية كتبت بواسطة ahmed travco
الموتور ال1500 انا شايف انه قليل على العربيه اما ال1600 فهو منافس جدا للسيراتو. الي مع حضرتك انهي موتور ؟
انا معايا 2013 اللي هيا 1600..اقتباس:
المشاركة الأصلية كتبت بواسطة mahmoud_afifi
بص حضرتك... اتحدى... اتحدى.. لو حضرتك حطيت السيراتو دي على التونر وقست عدد الاحصنة من عند الكاوتشات انها تعدي ال 110 حصان... اللي في الكاتالوج (124 حصان) ده الاجمالي... اجمالي عدد الاحصنة مش الصافي... انما ال117 حصان في الشارك صاااافي...اقتباس:
المشاركة الأصلية كتبت بواسطة moh19227
على فكرة... عداد الشارك 240 مش 220 زي السيراتو...!!!
ماشاء الله ربنا يباركلك فيها.اقتباس:
المشاركة الأصلية كتبت بواسطة ahmed travco
اقتباس:
المشاركة الأصلية كتبت بواسطة Ahmed TRAVCO
معاك ان السيراتو مش هاتعدى 110 ولا 100 كمان , كلام مظبوط
لكن موضوع ان الشارك 117 صافى دا اللى مش مظبوط خالص , دى لو اتحطت على الداينو احتمال ماتعديش ال 90
وبالأرقام من بروشور الشارك ال 1600 التسارع 0-100 فى 13.6 ثانيه للأوتو , وال 1500 كانت 13.9 يعنى الفرق بينهم مش كبير الموضوع كله 8 حصان و 10 نيوتن
وبالنسبه للعزم فأقصى عزم للشارك سواء لل 1500 او 1600 بيطلع عند 4000 Rpm وبعد كدا بيقع
وعلى فكره انا سوقت الشارك بس 2000 سى سى
الراجل يقصد ال 1500 مش ال 1600 .. انا سوقتها فعلا السيراتو هتطلع منها بكل سهولةاقتباس:
المشاركة الأصلية كتبت بواسطة ahmed travco
وعلى فكرة الشارك عمرها ماهتقفل عدادها زي السيراتو .. مش معنى انها 240 يبقى هتجيبهم .. انا عربيتي 240 عدادها واخرها 180-190 !!!
الكيا ولكن الفرق مش مخيف للدرجة
طيب بالنسبة للموتور ال 2000 سي سي قدام موتور السيراتو ال 2000 سي سي تتوقعوا برضوا السيراتو تكسب!!
اشك فالمعلومة دي للصبح ..اي حد جرب ال 2000 سي سي بالفتيس ال cvt وشد مع اي 2000 سي سي هيعرف انا اقصد ايه..
مع العلم اني عارف ان مفيش سيراتو 2000 سي سي فمصر لكن موجودة بره وتقدروا تشوفوا الناس بتقول عليها ايه قدام الشارك ال 2000 في كل حاجة
اقتباس:
المشاركة الأصلية كتبت بواسطة khaledmekawy2008
انا جربت الشارك ال 2000 وجربت السيراتو 2000 بس كوبيه
الاتنين جامدين طبعا بس الكوبيه كان سحبها احسن شويه
دا كان احساسى وكمان احساس صاحب العربيتين لكن مجربتش احسب التسارع بالأرقام
السيراتو اسرع طبعا
وبعدين ايه موضوع السيراتو اخف كتير من الشارك دا .. الكلام دا مبنى على ايه بالظبط
ياريت تقولوا وزن الشارك قد ايه .. اصلا العربيتين هتلقيهم وزنهم متقارب دا لو مكنتش السيراتو اتقل اصلا
وبعدين الـ acceleration اعلى من كدا يورينا عربيته
Kia Cerato / Forte 0-100 (4) 9.4 sec - YouTube
Kia Cerato / Forte 0-160 KM/H - 25.3 sec - YouTube
Kia Cerato / Forte 160-200 KM/H - YouTube
وزن السيراتو 1230اقتباس:
المشاركة الأصلية كتبت بواسطة yasserelsayad
وزن الشارك 1300
مصدرك ايه ؟اقتباس:
المشاركة الأصلية كتبت بواسطة Ahmed TRAVCO
عامة الشارك الـ 1300 كيلو دى الـ 2.0 سى سى
لكن هى فى حدود 1230 لـ 1275 كيلو حسب التجهيزات
والسيراتو زى بتاعتى بتبدأ من 1320 بالجنوط الـ 17 وبتزيد حسب التجهيزات 20 كيلو كمان
Mitsubishi Lancer - Wikipedia, the free encyclopedia
New Kia Cerato Forte 1.6 SX (A) Specs | Specifications Singapore - sgCarMart
ودول شوية اوزان لكذا عربية تانية
Forte 1.6A - 1326kg
Chevrolet Optra Magnum Sedan 1.6A - 1180kg
Honda Civic 1.6A - 1219kg
Hyundai Avante HD 1.6A - 1172kg
Mazda 3 Sedan 1.6A - 1183kg
Mitsubishi Lancer 1.6 GLX (A) - 1140kg
Nissan Sunny 1.6 EX (A) - 1110kg
Proton Persona 1.6 (A) - 1240kg
Suzuki SX4 Sedan 1.6 (A) - 1205kg
Toyota Corolla Altis 1.6 (A) - 1255kg
وحتى لو كلامك مظبوط انت شايف الـ 70 كيلو دول كتير يعنى
وبعدين تقل العربية دى مش حاجة حلوة انا كنت اتمنى ان السيراتو تبقى اقل من كدا
بالراحة بس شوية...اقتباس:
المشاركة الأصلية كتبت بواسطة yasserelsayad
اولا انت مصادرك ادق وده واضح واعترف... انا مجرد بحثت على جوجل وطلعلي ان الex وزنها 1299 كج... واعتقد في ناس كتير قوي هتستغرب ان السيراتو دي اتقل من الشارك والسيفيك والحاجات دي....
ثانيا... لو الفرق كان 70 كج انا ما قلتش انه رهيب وكبير ولا حاجة... انا كان قصدي اي تقل زيادة لازم يأثر في التسارع...
ثالثا... انا لما قلت رأيي في البدايه خالص ان الشارك اجمالا اسرع من السيراتو فده كان احساسي الشخصي لما سقت السيراتو في شغلي وقارنتا بالشارك ال1600 بتاعتي... ده رأيي... انما واضح في شبه اجماع ان السيراتو اسرع... بس حتى لو كده اكيد الفرق مش كبير للدرجة والا كنت حسيت بيه وقلت عليه... وبعدين انا تعمدت اقول (اجمالا) لاني قلت ان السيراتو طلعتها اسرع بفرق ملحوظ انما انا شايف ان الشارك بعد ال60 او ال80 وعلى طريق مفتوح اشد منها...
وعليه... فانا لما قلت ان وزن الشارك اتقل مكنتش بمدح ولا حاجة... انا كنت بقول ان الوزن التقيل هيأثر على التسارع بتاع العربية...
رابعا بقى... كويس ان السيراتو دي اسرع من اللانسر بس في غير النقطة دي مفيش وجه للمقارنة...
براحة على ايه مش فاهم ؟اقتباس:
المشاركة الأصلية كتبت بواسطة ahmed travco
وربنا يباركلك فى عربيتك انا بس بصحح الكلام عشان اللى ميعرفش يبقى عارف
ورابع نقطة دى رأيك الشخصى باردوا
لكن الواحد جرى مع طوب الارض والانسر دى ولا بتلحق فى ملف ولا تكسب فى غرزة ..
عادى يعنى لو بجرى مع واحد مش بيعدينى الا لو الطريق قفل عليا ومش دايما كمان
مفيش مقارنة السيراتو و الالنترا اسرع بكتير من الانسر
السيفيك و الكورولا mmt فقط اللى يقطعو السيراتو و الالنترا :)