ايهما افضل في السحب سيراتو 2010 اوتو ولا لانسر شارك 1500 اوتو

**Ahmod** · 11-07-2013 04:25 AM

المشاركة الأصلية كتبت بواسطة Ahmed TRAVCO

السؤال مش ليا بس لازم ارد بصراحة...!!
حضرتك انا عربيتي شارك 2013 وفي شغلي بسوق عربيات كتير منها السيراتو... وبأكدلك ان السيراتو تفرق في الطلعة بس... صدقني... يمكن علشان مواتير الكوري بتدي acceleration اكبر... يمكن علشان العربية وزنها لا يقارن اصلا بوزن الشارك... يمكن علشان زي ما بقول في كل حتة ان موتور المايفيك بيدي torque اكبر من مجرد acceleration... انما في النهاية الشارك (كاجمالي) اسرع واقوى بفرق ملحوظ... لو بتتكلم عن الطلعة اوكي انا معاك ان مش السيراتو بس اللي اسرع... ده الاكسنت كمان!!!!
وعلى فكرة... لو حضرتك شايف ان السيراتو اقوى من الشارك (بكتيير) زي ما قلت... يبقى مستحيل تكون سقت الشارك او جريت بيها على الطريق!!!!

هو انا الصراحة ماسقتش شارك قبل كدة !!

بس كانت دايما في اي شداية بتقع !! ؟ ومش بشوفها الا في المرايات الخلفية !! ؟

الكلام اللى حضرتك بتقوله ده مش منطقي وغير اللى احنا بنشوفه في الطريق نهائيا !!

**mahmoud_afifi** · 12-07-2013 12:53 AM

موضوع ان الشارك سريعه فده موضوع نسبي للعربيه الاساسيه بتاعت الي جربها. يعني ماينفعش واحد راكب عربيه 1300 يجرب الشارك ويقول جرايه !
وبما اني جربت السيراتو والشارك احب اقول ان السيراتو بتطلع من الشارك بمنتهى السهوله وعلى كل السرعات.
وحتى الالنترا بتاعتي لما بجري مع صاحبي الي معاه شارك بطلع منه بكل سهوله وعلى طريق مفتوح (طريق الاسماعيليه) وكان فاضي تماما

**moh19227** · 12-07-2013 06:00 PM

ياباشا من الاخر كده الشارك كعربيه افضل من السيراتو
لكن كسحب وتجميع وتقفيل امبير فالسيراتو تحط على الشارك بكتيييييييير

**mahmoud_afifi** · 13-07-2013 01:10 AM

المشاركة الأصلية كتبت بواسطة ahmed travco

اذا كان الموضوع نسبي (وانا متفق) فده معناه ان العكس صحيح برضه.... يعني انت شايف انك جربت السيراتو والشارك ولقيت ان السيراتو اسرع... وانا من ناحيتي مجرب كتييير برضه بس شايف ان الشارك اجمالا اسرع... بالنسبة لي السيراتو اسرع لحد ال60 بس... بعد كدة الشارك تتفوق...
الموضوع فعلا ممكن يبقى نسبي... بس هوه حضرتك بتقول جربت الشارك... كانت 1600 بقى ولا 1500؟؟

الي مع صاحبي والي جربتها موديل 2009 يعني الموتور ال1500. الموتور ال1600 ده متهيألي بداية من موديل 2012 او 2013 مش متذكر بالظبط.
الموتور ال1500 انا شايف انه قليل على العربيه اما ال1600 فهو منافس جدا للسيراتو. الي مع حضرتك انهي موتور ؟

**Ahmed TRAVCO** · 13-07-2013 04:02 AM

المشاركة الأصلية كتبت بواسطة moh19227

ياباشا من الاخر كده الشارك كعربيه افضل من السيراتو
لكن كسحب وتجميع وتقفيل امبير فالسيراتو تحط على الشارك بكتيييييييير

بص حضرتك... اتحدى... اتحدى.. لو حضرتك حطيت السيراتو دي على التونر وقست عدد الاحصنة من عند الكاوتشات انها تعدي ال 110 حصان... اللي في الكاتالوج (124 حصان) ده الاجمالي... اجمالي عدد الاحصنة مش الصافي... انما ال117 حصان في الشارك صاااافي...

على فكرة... عداد الشارك 240 مش 220 زي السيراتو...!!!

**mahmoud_afifi** · 13-07-2013 02:52 PM

المشاركة الأصلية كتبت بواسطة ahmed travco

انا معايا 2013 اللي هيا 1600..

ماشاء الله ربنا يباركلك فيها.

**Hosam_Optrawy** · 13-07-2013 07:21 PM

المشاركة الأصلية كتبت بواسطة Ahmed TRAVCO

بص حضرتك... اتحدى... اتحدى.. لو حضرتك حطيت السيراتو دي على التونر وقست عدد الاحصنة من عند الكاوتشات انها تعدي ال 110 حصان... اللي في الكاتالوج (124 حصان) ده الاجمالي... اجمالي عدد الاحصنة مش الصافي... انما ال117 حصان في الشارك صاااافي...

على فكرة... عداد الشارك 240 مش 220 زي السيراتو...!!!

معاك ان السيراتو مش هاتعدى 110 ولا 100 كمان , كلام مظبوط

لكن موضوع ان الشارك 117 صافى دا اللى مش مظبوط خالص , دى لو اتحطت على الداينو احتمال ماتعديش ال 90

وبالأرقام من بروشور الشارك ال 1600 التسارع 0-100 فى 13.6 ثانيه للأوتو , وال 1500 كانت 13.9 يعنى الفرق بينهم مش كبير الموضوع كله 8 حصان و 10 نيوتن

وبالنسبه للعزم فأقصى عزم للشارك سواء لل 1500 او 1600 بيطلع عند 4000 Rpm وبعد كدا بيقع

وعلى فكره انا سوقت الشارك بس 2000 سى سى