يعني البنزين اتوجد الان ...!!!

**M.Ayman** · 03-07-2013 05:02 PM

المشاركة الأصلية كتبت بواسطة ahmedeg1

عندك حكومه شغاله و أدام اتسلمت لباسم عوده يبقى لازم تحصل انفراجه ان شاء الله

و ساعت الازمه كان ماسكها باسم يوسف يعني

،،،، حضرتك فعلا كنت مقتنع بكلامك ده لما قولته ؟

**M.Ayman** · 03-07-2013 05:09 PM

المشاركة الأصلية كتبت بواسطة ashraf_sms

انت مش فاهم اللعبة ولا ايه اللعبة انه يعمل ازمة تقوم العربيات متفولش واللي معاه شوية بيحافظ عليهم
فيقوم عامل شلل للي مسافر واللي جاي من برة البلد يعني من الاخر عشان محدش يجي يوم 30/6 من البلاد
عشان يتظاهر ضده معلش تفكيره علي قده

عموما مش بعيد التفكير ده لان فعلا تفكير الاخوان كان سطحي جدا طوال فترة العام بتاعت الرئاسه دي ، بس تفكير غير صحيح تماما لسببين اولهم ان محدش محتاج يسافر كل واحد بيعتصم او يتظاهر في بلده ، الحاجه التانيه ان فعلا المصري مبيتعاندش لما الناس تمشي من مدينة نصر للتحرير في مسيرات تعرف يعني ايه واحد بإذن الله مش هيوقفه حاجه غير ارادة ربنا طبعا.

المشاركة الأصلية كتبت بواسطة ganash

طب ما التظاهر لسه موجود وليه ميكونش عاملين كده علشان يشحنو الناس من الازمات وينزلو يوم 30 ؟

ده سيناريو اوقع و اقرب لو بنتكلم بالمنطق بس ساعتها برضه يبقي بيأكدلنا ان القياده دي متنفعش و لا عمرها هتنفع اللي مش عارفين يتحكموا و يأمنوا سلعه هيأمنوا شعب و يطهروا بلد !؟ ازاي يعني ،، و يطلع مرسي يقولك الواد اللي ماسك عصاية الكهربا بياخد عشرين جنيه

و يسيبها عيب يا جدع حتي الكلام ده

**EngAhmedSakr** · 03-07-2013 05:20 PM

ازاى يا باشا ؟
دا احنا كمية العربيات و الزحمة عندنا ف اسيوط تكفى اربع خمس محافظات تانى
كفاية بس كمية السيراتو و اللانسر و الفيرنا اللى عندنا

الحقيقه الارقام دي انا متذكرها من احد تقارير الجهاز المركزي للتعبئه العامه والإحصاء
ولما تفكر فيها هتلاقيها منطقيه فعلا

يعني القاهره الكبري (قاهره-جيزه-قليوبيه) بكل مدنها واحيائها وابراجها السكنيه تحوز علي نصيب الاسد فعلا في عدد العربيات الملاكي .
- عدد العربيات الملاكي لسكان برج سكني في القاهره = عدد العربيات الملاكي الموجود في قريه ريفيه مثلا .
- عدد العربيات الملاكي الموجود في احد احياء القاهره = عدد العربيات الملاكي الموجود في عاصمه احدي محافظات الأقاليم او الصعيد .

الاقاليم منتشر فيها الربع والنص نقل والميكروباصات ... عدد العربيات الملاكي بيتناسب طردي مع المستوي المعيشي والإجتماعي لسكان المدينه او المحافظه .
الكلام عن عدد العربيات واستهلاك البنزين وعلاقتهم بالمكان الجغرافي .... عامل تماما زي الكلام عن عدد اجهزه التكييف واستهلاك الكهرباء وعلاقتها بالمتسوي الإجتماعي والمكان الجغرافي .

ربنا يكرمنا بشويه عداله اجتماعيه تظبط الأمور وتعدل الميزان شويه بقي :)

تحياتي