البنزينات اشتغلت والبنزين بقى موجود الان معدي اليوم على كذا بنزينة كانت متوقفه عن العمل لقيت فيها بنزين ورايقه كمان ... هي الازمات بقت بتيجي وتمشي بعصى سحرية ولا ايه ...؟؟؟!!!
حد لاحظ الموضوع ده ..؟؟
عرض للطباعة
البنزينات اشتغلت والبنزين بقى موجود الان معدي اليوم على كذا بنزينة كانت متوقفه عن العمل لقيت فيها بنزين ورايقه كمان ... هي الازمات بقت بتيجي وتمشي بعصى سحرية ولا ايه ...؟؟؟!!!
حد لاحظ الموضوع ده ..؟؟
عندك حكومه شغاله و أدام اتسلمت لباسم عوده يبقى لازم تحصل انفراجه ان شاء الله
السلام عليكم
عقبال عندنا يارب
ده ثالث رمضان قادم على ازمة البنزين عندنا في المنيا
يارب فكها من عندك
والله المستعان
بنزينه جمب البيت مفول 92 و داخل اول واحد
صاحبى ممون منها 80 فى 3 دقايق الساعه 7 الصبح
النهاردة فى طنطا الطوابير لسه زى ما هيه
بس امبارح الصبح الدنيا كانت رايقة ووالدى فول فى 5 دقائق
انت مش فاهم اللعبة ولا ايه اللعبة انه يعمل ازمة تقوم العربيات متفولش واللي معاه شوية بيحافظ عليهم
فيقوم عامل شلل للي مسافر واللي جاي من برة البلد يعني من الاخر عشان محدش يجي يوم 30/6 من البلاد
عشان يتظاهر ضده معلش تفكيره علي قده
علشان سبب الازمة راح خلاص ...
عشان سبب الازمه فعلا خلص ,, خلاص الناس اتشحنت بزياده ضد الحكومه وضد مرسى والى كان كان هيدفعوا فلوس ليه تانى عشان يقفلوا الحنفيه عن الناس
انا في شبرا لفيت علي البنزينات كلها السعة 10 الصبح ومفييييييييييش وبعد صلاة الضهر طوابيييييييييييير فقط لا غيييير
طبيعي تلاقي بنزين لأن حركه الناس بالعربيات قليله. معظم الشركات مش شغاله ومحدش بيروح شغله وكل الناس في المظاهرات والمشوار اللي كان بياخد ساعتين بيخلص في نص ساعه.
لا وانت الصادق الكهربا بطلت تقطع :)
سبحان الله مش عارف ليه ؟ يمكن علشان الناس سابت بيوتها ونزلت للشارع
طيب لو حد من المحله يقولى على اى بنزينه شغاله اتوسل اليكم عايز اسافر وبدور على بنزين
الازمه زى ماهى مفيش اى انفراجه
يا باشا انا واثق ان انت بالذات حاسس بازمة البنزين زى اللى ف الصعيد و يمكن اكتر شوية
http://www.nilemotors.net/Nile/366004-a.html
ربنا يرحمنا جميعا
فى المنوفية أقل بنزينة عليها طابور من 20 عربية على الأقل فى أى وقت .. ولينا شهور على كده.
الشركات المسؤولة عن توزيع البنزين و السولار يمتلكها احمد راسخ ابو مرات علاء مبارك
يبقى الازمة دي جاية منين و مين بيحركها ؟
يا جماعة الشوارع فاضية و الناس راكنه عربيتها خايفة عليها و على نفسها محدش بينزل.فبالتالى اكيد الأستهلاك حيقل و المطروح مبيستهلكش ده مش محتاج تحليل سياسى
لا يا جماعه فى حاجه غلط فعلا احنا عندنا بنزيمه فى شبرا الخيمه قعدت اربع ايام حاطه يفط جارى تفريغ البنزين والنهارده بقدره قادر فحت وبقى فيه بنزين هههههههههههه يمكن حفروا بير بترول واحنا مش واخدين بالنا
المنصورة كما هى
وافرجها من عندك يارب
انها الازمة المفتعلة يا سادة... وقد عرفها عالم اللغويات والسياسة الاميركى نعوم تشومسكى بأنها : (الازمة التى تاتى فجأة بدون مقدمات او جذور دالة عليها وتذهب فجأة بدون أدلة على قرب انفراجها)...بالبلدى ازمات البلد كأنها زراير الكترونية فى غرفة عمليات يضغطون زر البنزين فتأتى ازمة البنزين وبضغطة أخرى تختفى لازمة والسبب والفاعل معروفين لكل ذو عقل مفكر
الغريب ايضاً الكهرباء مبقتش تقطع الميه كمان والبنزين موجود ...!!! لا والاغرب البورصة طالعة ...!!!
كنت بتناقش مع واحد في الموضوع ده رد عليا رد منطقي ... الايد اللى كانت شغالة فتح وقفل مش فاضية حالياً شغالة في اتجاه تاني هو الشارع ...!!!
كله كوم والبورصه اللي طالعه دي كوم!!!!!!!!!!!
السبب اهه:
جريدة المال - «هدارة»: 140% زيادة في ضخ المواد البترولية للسوق
و الموضوع مش بنزين بس لأ السولار كمان مشكلته اتحلت و الوقفة عليه تقريبا انتهت
والله احنا شعب لو فكر كويس مكنش اللي بيحصل دلوقتى حصل يبقي مرسي كان عنده حق لما قال ان النظام السابق بيحربه بكل ادواته من تجار مواد بتروليه وقضاة وداخلية والجيش كمان دخل اللعبة
هو علشان خط حماس غزة اتقطع
لا يوجد شخص يعلم سبب الازمة
ببساطة لانه لاتوجد كفاءات إدارية في الحكومة
زمان كان حصل أزمة في السكر بسبب احتكار المستوردين ، ورغبتهم في رفع السعر
وكان الدكتور أحمد جويلي محافظا للاسماعيلية
مسك وزارة التموين خصيصا لحل المشكلة ، عارفين عمل إيه؟
استورد كميات ضخمة من السوق ، وأصبح المحتكرين في ازمة ، واضطروا لبيع السكر المخزون عندهم بالسعر العادي
وأنا أعتقد أن الحكومة الآن ترغب في زيادة سعر الوقود ، وتفعل نفس ما كان يفعله تجار السكر زمان
هذا تحليلي للموضوع وقد أكون مخطئا
والقليوبيه مفيهاش بنزين !!!!
هوا اى كلام بيتقال وخلاص !
حد طلع على طريق سريع ؟
أغلب الطرق السريعه كثافة المرور عليها حاليا لا تتجاوز ربع الكثافه العاديه (سواء سيارات خاصه أو ميكروباص او نقل بأنواعه)
وبالتالي المفروض كده ان نسبة الاستهلاك قلت بنسبة 60% على الاقل (لان أغلب الاستهلاك بيكون على الطرق السريعة) بالاضافه ان داخل المدن فى كثير من الاقاليم ناس كتير مبتنزلش والى بينزل مش بياخد عربيته
يبقى ازاى لسه فى ازمة بنزين لحد دلوقتى ؟؟
والله ياباشا من ايام الثورة ودة ثالث رمضان داخل علينا
واحنا متبهدلين وزى ماقولت بنجرى ورا البنزين اكتر مابنجرى ورا شغلنا
حاليا دلوقتى بضرب مشوار سفر من الفيوم ومرورا بمصر اسيوط الغربى لغاية اخرة
اما مدخل اكتوبر وبفول من وطينية اللى هناك
وبعد سعات لما يجى دورى وبتحمص فى الشمس انا والعربية
مشوار 210 كيلومتر تخيل عشان اجيب بنزين
:N_no[1]::N_no[1]::N_no[1]::N_no[1]::N_no[1]::N_no[1]:
والزقازيق كمان لسا فيها الأزمه
الشئ اللي يزعل بجد ان القاهره الكبري بتتعامل علي انها حماده وباقي محافظات الدلتا والصعيد علي انهم حماده تاني خالص
احنا عايشين في الأزمه بقالنا شهر واكتر وبنعاني .... ولما وصلت القاهره الكبري من 10 ايام الدنيا اتقلبت والإعلام صحصح
برغم ان 80% من العربيات الملاكي موجود في القاهره الكبري و 20% فقط موزع علي باقي المحافظات .. إلا اننا في الأقاليم بنعاني بشكل مضاعف ... اعتقد ان دا احد صور الظلم في التوزيع اللي اتمني ما نشوفوش مستقبلا .
ربنا يفرجها من عنده ويحمي بلدنا ويهدي شعبنا .
بحسبة بسيطة جدا يعنى رايح 105 كيلو و راجع زيهم
انا مثلا التفويلة بتعمل معايا حدود 350 كيلو ف الايام العادية بس طبعا بحرق شوية (ايام ما كنت بحرق :crying1:)
يعنى انا لو اخدت مشوارك دا لازم يكون عندى تلت التانك مليان عشان اقدر اوصل هناك
و لما افول و ارجع هيكون تلت التانك خلص
كدة يبقى هيفضلى تلت التانك بس !!!!!!!!!!!!!!!!!!!!!!!!!!!!
بجد ربنا يكون ف عونك ,,,, انا مفول من حوالى اسبوع و ماشى لحد دلوقتى حدود 60 كيلو بس عشان اهرب من مشوار البنزينة :(