اخوانى الاعضاء تحياتى لحضرتكم وانا سعيد جدا بالمنتدى للتواصل وتبادل الخبرات وخصوصا فى الدفع الرباعى بسال عن تجميع لاندكروزر بيك فهل ممكن القيها فى الحرفيين او اى منطقه عربيات متقطعه شكرا
عرض للطباعة
اخوانى الاعضاء تحياتى لحضرتكم وانا سعيد جدا بالمنتدى للتواصل وتبادل الخبرات وخصوصا فى الدفع الرباعى بسال عن تجميع لاندكروزر بيك فهل ممكن القيها فى الحرفيين او اى منطقه عربيات متقطعه شكرا
الموديل ده صعب .. لكن موجوده لوط في الجسر في شيرا .. بس مش شغاله عايزه شغل ..
ممكن اعرف حاله العربيات ايه لو حضرتك كنت شفتها وهل تترخص ولا لآ شكرا جزيلا
متابع
يبشمهندس احمد راكب بليزر وعاوز الكركوبه دى ههههههههه يعم انت فوق البشريه بشبر تصدق عاوز فكره لو ممكن عن الاسعار فى اواخر التسعينات والموتور الديزل سعره كام واخبار سحبه وقطع غيارها دى دبابه ممكن تأدب بيه السواقين هههههههههههههه كل سنه وحضرتك طيب
انا مهتم بعربيات الدفع الرباعى بصفة عامة ..... و عندى عقدة من اللاند كروزر .... علشان سعرها غالى اوى .. و ادائها عالى جدا ..... ليه ادائها عالى ؟؟
انا معنديش خبرة عن التاهو موديلات اواخر التسعينات .... و لا عن موتورها الديزل ....
انا اقدر اقول لحضرتك عن البليزر كى 5 الى معايا .... عربية ناشفة جدا ... و الميكانيكا بتاعتها مش معقدة ... موتورها الديزل 6200 سى سى 8 سلندر ....موتور جبار ... بس ملهوش قطع غيار خالص
على فكرة .... انا كنت بقول ان اى حد حيقربلى او يغلس عليا ... حعوره و اوريه مقامه
لكن بعد ما ركبت عربيتى اصبحت بخاف على عربيات الناس اكتر من الاول
كل سنة و حضرتك طيب و بالصحة و السلامة
موتور 8 سلندر يعنى العربيه ممكن تشتغل نقل تقيل ههههههههههههههههه وبكام سعره وبيستهلك اد ايه ديزل
فيه محركيم موجودين فى السوق ... الاول ب حوالى 8 الاف جنيه
التانى ب حوالى 15 الف جنيه و ده الاحدث .... الاتنين 6200 سى سى .... بس ارجع و اقول لحضرتك ... ملهومش قطع غيار .... علشان كدة سعرهم واقع
الناس بتركب مواتير الجامبو .... بس دى بتبدأ من 15 الف جنيه و قطع غيارها متوفرة
موتور الجامبو ده تقبل وثانيا صوته مزعج
كلامك مظبوط .... بس فيه ميزة جامدة .... صيانته سهلة ... و الميكانيكية بتوعه كتير جدا .... و قطع غياره متوفرة كمان
و موتور عفى جدا
و فيه موتور ال 101 ..... و 102 ... و الموتور ابو زنة .... و الموتور السحلية ... و حاجات كتير كدة
لو كام مينا هنا كان شرحلنا اكتر ..... هو ليه خبرة كبيرة مع الموتور ده
هو استاذ مينا سافر ولا ايه
اعتقد انه سافر فعلا .... انا حاولت اكلمه تليفونه مغلق
انا هجيب برادوا بنزين 2007 بس هسال على ضريبته السنويه كام لو طلعت معقوله مش اوفر هجيبها بيقولوا عربيه مكتسحه الخليج وسعرها حلو هتعمل 225 الف مش حاجه احسن من الكروزر هتكون بنفس السعر بس فى اوائل الالفينات ولا حضرتك رايك ايه ؟؟؟؟؟؟
ربنا يباركلك فيها ان شاء الله ..... بصراحة انا معنديش معلومات عنها خالص !!!!!
استخير ربنا و توكل عليه ... و مبروك مقدما
آسف جدا لقلة تواجدي في المنتدى... الظروف بس مكانتش متظبطة في الفترة اللي فاتت :)
لكن الحمد لله كل الأوضاع استقرت دلوقتي
و ان شاء الله هكون موجود للرد على اي سؤال أعرفه...
بالنسبة لمواتير الجامبو (الايسوزو)
فيه عندك 102 (عادي)
102 (تيربو) و ده بيتقال عليه (الأمريكاني.... أو 102 بييل طويل) و بيكون ارخص من العادة و مارش و دينامو 12 فولت (يعني زي أي ملاكي)
لكن الباقيين بيكونوا مارش و دينامو 24 و لازم يتغيروا لو هتركبهم في ملاكي
و فيه بعد كدا 105 - 112 - 115
اللي جربت اسقطه قبل كدا في عربية أخت عربية أحمد بالظبط. كان ال102 الأمريكاني
و كان ميزته ان صوته واطي جدا مقارنة بالزعقة بتاعت اي موتور تاني
و سحبه جميل...لأنه تيربو.. فكنت تحس أنك راكب بنزين
ال140 كان بيجمعها في ثواني على الطريق
و الجميل بأة..أنه بيركب على فتيس الk5 الأمريكاني من غير اي بلاطة او شغل حداد أو ميكانيكي.. على نفس داير الفتيس
حمد لله بالسلامه استاذ مينا نورت المنتدى
اخوانى ضريبه البرادوا طلعت فى المرور اليوم لغايه عشر سنوات من تاريخ الترخيص 1000 جنيه +2%من ثمن السياره الزيرو .... ماقبل ذلك 500 جنيه +باقى البنود .... بمعنى اللى عاوز يركب البرادوا اخر حاجه علشان الضريبه متكونش اوفر هتكون موديل 2002 ومتهيئلى هتكون تعبانه الموديلات بعد ذلك هتدخل فى ضريبه حوالى 21 الف جنيه سنويا ههههههههههه وعمار يا مصر تمنها فى السعوديه حوالى 160 الف
انت بيكون معاك 10 سنوات على اى عربية عالية .... و بعد كدة بتدفع الحد الادنى .... انا بدفع تقريبا 1300 جنيه ضرائب فقط .... و عربيتى موديل 1980
تمام كلام حضرتك ولكن انا بصراحه مش حمل ورش ولا استلفاش صنايعيه متهيئلى ممكن ااقبل مجدى يعقوب اسهل من مقابله صانيعى مشهور وكمان يبشمهندس انا ارتحت من الصنايعيه ومش عاوز ارجع للكرا دى من جديد هو انا هقضى حياتى فى الورش ولذلك عاوز اجيب حاجه موديل قريب علشان وكده ومن خلال تجاربى فى العربيات محدش بيبع حاجه حلوه غير اما تكون مطلعه عنيه ربنا يسهل واسف للاطاله وعيد فطر سعيد
انا معاك طبعا فى موضوع الصنايعية ده ...... وقت ضايع كتير جدا و مجهود ضايع كمان , ربنا يوفقك لحاجة كويسة
و كا سنة و حضرتك طيب و بالصحة و السلامة
يبشمهندس الصنايعيه دى فيهم ناس كتير مش هتورد على جنه وكل شويه اوعا تجيب العربيه الفلانيه ليه يااسطى علشان دى صينى من جوها طيب عربيه كذا لالالالا ليه ياسطى دى مضروبه حضرتك انا ممكن اكتب كتاب عن صنايعيه مصر ههههههههههههه طولت عليك انا اسف
كلامك مظبوط طبعا .... و الصنايعية المحترمة بتضيع وقت كتير جدا
انا كنت قررت من فترة انى مروحش لصنايعية الا فى اضيق الحدود .... و لله الحمد .... حتى الان محتجتش اروح لصنايعية
انا اتجننت فى دماغى السنة الى فاتت و فكيت الفتيس بنفسى و صلحته كمان
طيب ليه تضر نفسك هههههههههههههههه لا بصراحه مقدرش اعملها دى على فكره شفت تريله ذى بتاعتك امبارح فى كونتكت وصاحبه طالب فيها 57000 الف باين وكل كعك فى العيد عملوا كابوس
على فكرة .... انا شفت عربية زى بتاعتى على كونتكت .... صاحبها كان عاوز فيها 300 الف جنيه !!!!
انا كنت فاكر ان دخ غلط مطبعى ... بس لما كلمتوا قالى ان العربية موتور و عفشة بتاعة التاهو 2010 و البادى بس للبليزر
يبشمهندس بيقولك الموتور ال 5700 بلاعه بنزين فعلا هو صحيح بيعمل 120 ك فى الصفيحه فعلا؟؟؟
مين الى قال لحضرتك على الموضوع ده ؟؟؟؟ يمكن تكون المواتير الحديثة بتعمل 120 كم فى الصفيحة ... انا مش متاكد
بس لو بتسال عن موتورى انا ؟؟؟ الجى ام 350 ...... تقريبا انا بعمل من 80 الى 90 كم فى الصفيحة و الله اعلم :)
تصدق حرام عليك ظالم نفسك دى مصاريف البنزين سنه تشتريلك عربيه محترمه حرام عليك بيع يعم وفكك من الوجهه والشكل الاجتماعى دى تخرب البيت وتدكه عفوا لالالالالا هتزعل بعد كده على المصاريف دى عفوا للتدخل ولكن لازم اقول نصيحه ولحضرتك طبعا واكيد القول الفصل
نصيحتك طبعا على العين و الراس ... و انا بتقبل النصيحة بصدر رحب .... بس فيه مشكلة صغيرة ....
لو فرضت انى حوشت فلوس و بعت عربيتى .... حركب ايه ؟؟؟ !!!!!
انا مش حركب غير عربية دفع رباعى .... يعنى مش اقل من 6 سلندر ... و انا معجب بالموتور ال 8سلندر ليه ؟؟؟؟
قوة و اداء ... و ممكن بوجيه يفصل .... او ميشتغلش .... مش بياثر على الموتور ... التبريد افضل .... قوة تحمل اعلى
و العربية الى بركبها لازم ليها موتور كبير
ايه العربية الى موتورها 8 سلندر و كويسة ؟؟؟؟؟
اول حاجة تتركب .... اللاند كروزر التعلبة ( 6 سلندر ) او الفى اكس موديلات التسعينات ( 6 سلندر او 8 ) .... و دى بتبدأ من 120 الف جنيه وانت طالع ....و حيتان بنزين برضو .....
دى غالية اوى عليا
فالنتيجة ..... يبقى الحال كما هو عليه ..... ده غير انى بحب عربيتى
ربنا يسهلك ويرزقك من واسع فضله وتجيب احلى دفع رباعى فى الدنيا انا اسف والله مقصدتش غير النصيحه وربنا يكرمك اسف جدا على التطفل بتاعى
مفيش تطفل و لا حاجة
احنا كلنا بنجب نتبادل الخبرة و المعلومات و انا سعيد بالحديث مع حضرتك
ربنا يكرمك و تلاقى حاجة كويسة