معلش، سؤال ساذج: هل الدروس الخصوصية لا يمكن الاستغناء عنها؟ يعني مش ممكن مثلا الاعتماد على المذكرات والكتب الخارجية (مش هاقول كتب المدرسة عشان ما أبقاش من العصر الحجري) ومحاولة فهم المادة منها؟؟
معلش، سؤال ساذج: هل الدروس الخصوصية لا يمكن الاستغناء عنها؟ يعني مش ممكن مثلا الاعتماد على المذكرات والكتب الخارجية (مش هاقول كتب المدرسة عشان ما أبقاش من العصر الحجري) ومحاولة فهم المادة منها؟؟
لا حول ولا قوة الا بالله ...........انا حاجز تالته و الاسعار الصراحه اقل من كده شوية بس برده تعتبر غالية جدا ليه كل ده ؟؟؟ حسبنا الله و نعم الوكيل
[quote=عزيز محمد;3875080821]معلش، سؤال ساذج: هل الدروس الخصوصية لا يمكن الاستغناء عنها؟ يعني مش ممكن مثلا الاعتماد على المذكرات والكتب الخارجية (مش هاقول كتب المدرسة عشان ما أبقاش من العصر الحجري) ومحاولة فهم المادة منها؟؟[/quoteماهو حضرتك في حاجة مش واخد بالك منها
ان المذكرات والملازم بخودها في الدرس
المفروض لو هاخد درس باخده فى مادة أو مادتين اللى انا ضعيف فيهم ومش هقدر افهمهم لوحدى ومحتاج مساعده
فيه مواد ممكن تعتمد على نفسك فيها
بس للأسف طلبة اليومين دول عاوزين كل حاجه جاهزة
وده سبب انتشار وتوحش الدروس الخصوصية من الحضانة الى الدراسات العليا دلوقتى سعادتك
بستغرب جدا من الطلبة اللى رايحين ياخدوا مواد سهلة ومباشرة زى علم النفس
وبيدفعوا فيها آلاف
علي فكرة انا علمي رياضة ومعنديش علم نفس ولا مادة ممكن اذاكرها لوحدي
انا شايف ان الأرقام دي لو ضخمه و صعب تقبلها حضرتك ممكن تعتمد علي نفسك ايوه ليه لأ الوضع الحالي غير ايامنا الكتب الخارجيه مليه المكتبات - اسطوانات الشرح كذلك-فيديوهات لكل دروس الدنيا موجوده علي اليوتيوب و مفيش حاجه مستحيله و بعدين متقلش انا علمي و مش هفهم لوحي يبقي الحقيقه كان اختيارك للقسم مش سليم لكن مش نبقي احنا اللي بنروح للمدرسين و بنشجعهم و نجيلي نقول استغلال مهو لازم يستغلك و بعدين فين مدرسين المدرسه روحلهم هتقولي مبيشرحوش لأ في ناس عندها ضمير كتير لو رحت و قلتله انا امكانياتي متسمحش لاخد دروس هيقعد معاك لكن محطش العقده في المنشار و اقول شفتم الأستغلال
بالمناسبه مفيش مستوي رفيع لانجليزي و لا الماني في الثانويه العامه و بعدين لو انت متابع المستوي العادي في الليغه الانجليزيه في المدارس التجريبيه اتلغي بدايه من العام القادم .
الي حضرتك متعرفووش ان هما دوول مدرسيين المدرسة ومش بيرضي يجي البييت لان انا مجرب كدة وياما اتحايلت عليهم لكن مفيش فايدة +المستوي الرفييع موجود يا باشاش بس مش بيدخل في المجموع بشكل مباشر وحضرتك اكييد عارف ان هو بيسند
وبالنسبة ان الانجليزي اتلغي دي غريبة عليا امال الانجليزي الي كنت هحجزه كان ايه
وللعلم الولد مرفضش انوا يدفعع بس انا مستحرم بجد وعلي فكرة انا مش عايز ان المدرس يديني الدرس ببلاش بس ميبقاش جشع والحقيقة المرة ان المدرسين في المدرسة بالفعل مش بيشتغلوا الا من رحم ربي يا باشا انا بتكلم من واقع انا عايشة وانا مش بقول مش هفهم لوحدي ب انا بققول ان القسم دة مفيهوش مادة سهلة ةبسيطة ردا علي الاخ الفاضل مش اكتر لكن انا مش عاجي ف سنة زي دي فاصلة في حياتي ومستقبلي واقعد اذاكر من علي النت ةاليو تيوب
عموما ربنا يوفقك و ربنا يعين والدك علي المصاريف دي لأنه اكيد مش هيمانع علشان ميحسش انه قصر تجاهك و ان كنت ما زلت عندي رائي ان البدائل متاحه بس الموضوع محتاج تعب و بردو بكرر وراجع مدرسينك و مدرستك و زمايلك مفيش مستوي رفيع انجليزي او لغه تانيه في تالته ثانوي لا بتدرسه و لا بتمتحنه
لييييييييييييييييييييييه
http://cdn.alwafd.org/images/news/408203893gagag.jpg
المدرسين عايزين يعوضوا الحصة الواحدة فى الأسبوع بدل الحصتين
فعملوا الحصة بتمن الاتنين
الحمد لله أنا خلصت ثانوية عامة السنة دى
ربنا معاك
لسه كنت بفكر اسيب الطب و ادي دروس احياء احسن
لقيت عضو فاضل بيقول الكشف ب 500 جنيه ... فلغيت الفكرة :)
----------------------
بس الدنيا غليت اوي كده لييه ؟؟؟؟
انا كانت الفيزيا ب 80 جنيه في الشهر و "تلات" 3 حصص في الاسبوع و الكلام ده من 10 سنين ..مش من الستينات يعني