وهي الثانوية العامة ايه غير سرقة علني وجشع واستغلال

**Mamoud salah H** · 03-07-2013 04:12 AM

اييه الجشع والطمع الي بينا فييه دة
بنسرق بعض ونستغل الظروف لمصلحتنا وفي الاخر نقول ليه الحكام بيسرقونا وزعلانين اوي ان احنا عايشين في الفساد والسرقة وحنا اصلا بنسرق من بعضنا
النهاردة انا رايح احجز الدرووس بتاعت الثانوية العامة واشوف المطلوب دفعة من السيد الوالد عشاني
واليكم قائمة بالاسعار في الشهر الواحد حصة واحدة اسبوعيا ولبكم الحكم
كل الاسعار دي مقسمة الشهر علي اربع حصص يعني حصة واحدة بس في الاسبوع

1-فيزياء انجليزي=320 في الشهر=80 في الحصة الواحدة اسبوعيا
2-كيمياء انجليزي=310في الشهر=77جنيه في الحصة الواحدة اسبوعيا
3-انجليزي مستوي عادي+مستوي رفيع=240 شهريا=60 جنية في الحص الواحدة اسبوعيا
4-لغة عربية=200 في الشهر=50 في الحصة الواحدة اسبوعيا
5-لغة اجنبية ثانية(الماني)مستوي عادي ومستوي رفيع=190 شهريا=47 اسبوعيا في الحصة

مع الملاحظة ان كل الاسعار دي في سنتر يعني مجموعة لا تقل عن 50 نفر في الحصة

اييه رايكوا في الافترا والجشع دة والله انا مش هاين عليا اروح اقول للحاج علي المبالغ الوهمية دي بجد ايه الجشع والطمع والاستغلال دة
مع العلم ان نظام دراستي تجريبي لغات بس حكومي مش خاص وكمان انا من سكتن شبرا مصر مش من التجمع ولا عندنا فيلا في شرم عشان اسمع الاسعار دي بجد حرااام

**eslamrace** · 03-07-2013 04:19 AM

كان الله فى العون الاسعار على ايامنا كانت ٦٠جنيه كل اربع حصص
وده دليل خراب التعليم فى بلدنا بعد المصاريف دى وشده الاعصاب ييجى واضع امتحانات بيتفزلك يضيع التعب كله
ربنا معاك بجد وتعدى المرحله دى على خير