ميكانيكي رينو فى زايد أو أكتوبر

**Ahmed Selim** · 03-07-2013 12:57 PM

السلام عليكم

نظراً لظروف البلد الحالية مش عاوز أطلع برة نطاق زايد أو أكتوبر.

يا ترى فيه حد بيفهم هناك ؟

هي غالباً مشكلة فيشة طرمبة البنزين أو موتور الطرمبة.

**amr123** · 03-07-2013 01:57 PM

فى يا باشا مركز صيانة فى المنطقة الصناعية بيشتغل فى رينو و بيقول انه معتمد من التوكيلات
انا الحقيقة مش متذكر اسمه ايه ........ موتورز

انا روحتلهم مرة بس ماتبصبتش خالص ..كانت تجربة سيئة الحقيقة و كان الموضوع كله تغير سير الدينامو

معلش انا عارف ان المعلومة الناقصة بتغيظ ..بس حبيت اقولك

و لو عايز راى لو العربية ماشية ..اتكل على الله روح للميكانيكى بتاعك ..العمر واحد و الرب واحد يكبير
و ربنا يسترها على الجميع

**Ahmed Selim** · 03-07-2013 03:26 PM

شكرًا على الرد يا باشا

الحمد لله انا كلمت الميكانيكي و بصراحة طلع جدع و بعتلي واحد من عنده لحد القرية الذكية و غيرنا موتور الطرمبة و الحمد لله

هجرب بقى و اشوف لأن العربية امبارح بالليل مكنتش بتدور بس لما خبطت خبطتين على الطرمبة دارت عادي و النهاردة دارت عادي