الموضوع: ممدوح بك ورجاله اللانوس

الحقونى قبل ما والمصحف هبيع وهقضيها بالعجله
انا قربت ابع اللى ورايا واللى قدامى ولسه كانك يا ابو زيد ما غزيت بصو بالترتيب كده و والنبى خلو الاجابات بسيطه نسبيا علشان احاول استوعب انا هقول للراجل يعمل اللى انتو هتقولو عليه بس
1- رجه ع السلانسيه ... كلامه هوه ( عايزين نغير الاى دى يا بيه )
2- اول ما ادور العربيه حتى لو سخنه تكركب كده بتاع 10 ثوانى والكركبه توصل لجسم العربيه وبعدين تهدى ... كان قايلى قواعد ماتور ( غيرتها )... ولسه زى ما هيا ودلوقتى بيقولى قواعد فتيس
3- العربيه اول ما اديها الأول ولو داخل على مطب أو نقره وادوس فرامل واهدى صوت المكنه بيفضل علاى كأنها بتدى بنزين لوحدها والنهارده ركزت معاها لقيتها فعلأ انا مش دايس بنزين وهيا ماشيهعهلى 5ك لمده مثلا 5 دقايق وما فكتش غير لما دوست بنزين وشيت رجلى تانى ..... هوه قالى عايزين بوابه بنزين جديده اللى عندك وحشه.... قولتله بايظه؟ قالى لأ وحشه
4- العربيه مش بتجمع ع التانى ضعيفه فى التجميع...انا قولت ديسك واسطوانه ... قالى لا رشاشات ... نزلت الحرفين واشتريت طقم رشاشات... ركبهم قالى الله ينور عربيتك زيرو ... اركب واجرب .... العربيه زى ما هيا مش حاسس بأى فرق..... وده اكتر حاجه قرفانى
5-كهربا المكنه فيها حاجات غلط ومش قادر احدد لا انا ولا كل الصناعي هنا الصراحه الغلط فين نبدآ بحاجه حاجه
a-التكيف اول ما اشغله والعربيه دايره وواقفه العربيه تبطل...لازم افضل مزود بنزين ... لو باخد مطب لازم احمل بنزين مع الدبرياج... سألت بتاع التكيف قالى المفروض الكنترول بيدى اشاره للمكنه ان الكهربا تعلى اول ما التكيف بيشتغل ... قولتلو التكييف ده مش فابريقه .. انا اللى مركبه .... سكت وقالى روح التوكيل
b- لما باجى ارجع مارشدير العربيه لازم بتبطل بحس ان العزم مع المرش ضعيف ومش انا بس خليت اكتر من واحد يجرب .. بس ده بيكون فى الطرق اللى مش ممهده...ده طبيعى ؟
c- العربيه كل يوم اجى ادور تجيبلى صوت تكته تكته كده وما دورش .. روحت لكهربائى قالى اتوماتيك المارش عايز تغير... طيب هوه مش المفروض لو المارش بايظ العربيه ما تلقطش كهربا خالص ؟ واجيب مارش استيراد افضل ؟ ولا اغير الاتوماتيك ؟

طولت عليكم بس والله كرهت العربيات بسبب الصنايعيه ووالله عرضتها للبيع الاسبوع اللى فات ورجعت ف كلامى مع الناس