الموضوع: مبروك للشعب الذي ابهر العالم

المشاركة الأصلية كتبت بواسطة asyl84

نرجع للهدوء تانى ياجماعة ياريت احنا ناس كبار وكل واحد فينا اكيد بيحب البلد دى بس بطريقتة الخاصة ....فى ناس ردت على كلامى كتير زى ان الرئيس كان بيحارب الدولة العميقة الى بقالها 60 سنة عشان كدة هو عادى كل الناس والمذبحة بتاعة رفح الى هو مالوش ذنب فيها والجنود الى اتخطفت من كام شهر ورجعوا والكلام الكتير دة ...ياجماعة دة مش اول رئيس يجى بعد ثورة يعنى مثلا كان عندنا جمال عبدالناصر وكان بيحارب دولة عميقة بردوا واحتلال انجليزى وبلاوى بعيد عنك ومش بقالهم 60 سنة دول بقالهم 200 سنة لكن كان راجل وطنى فاهم سياسة وعارف ازاى يقدر ينهى الدولة العميقة لكن سنة 2013 رئيس مصر مش بياخد الاوامر من دماغة وربنا ما يوقعك لما البيت يمشية اتنين فما بالك ببلد بيمشيها مكتب ارشاد لازم تخرب وتدخل الاهواء وانا مش حابب اتكلم كتير عن رئيس سابق انا احب اتكلم عن واحد فى السلطة ...نرجع لنقطة مهمة وسؤال جاوب انت علية ..هل السيد الرئيس محمد مرسى اثبت فشل ادارة ؟ بص ياباشا لو قلت اى حاجة غير انة فعلا ثبت فشل الادارة مش عارف ساعتها ممكن نتكلم فى اية ...لكن انا هقول ان مشكلتك فى الشرعية مش فى مرسى ..فى الديمقراطية مش الشخصية ان شاء الله يكون دة تفكيركم فى رابعة عشان نحترم تفكيركم دة بالرغم اننا بنحترمكم حتى لو دة مش تفكيركم....المهم انتوا كمان تفكروا شوية هل احنا شعب مصر يعنى اغلبية والا دة كدب واحنا شوية فوتو شوب على جرافيك وخدع سينمائية لو احنا حقيقة اغلبية يبقى على الاقلية احترام الاغلبية ولو انتوا الاغلبية طيب ياسيدنا ما تنزلوا الانتخابات دة الشارع بتاعكم والشعب وراكم حتى ياباشا لو الشرطة مسك قيادات الجماعات الاسلامية فدة جهاااااد وهما واخدين علية من زمان حتى ينصركم الله والشعب معاكم يعنى هيطلعوا فى خلال 6 شهور مش اكتر لما تستردوا الحكم...طبعا انت ممكن تزعل لان كلامى فى شبة تريقة من وجهة نظرك عارف لية هتحس بكدة لانكم مش معاكم الشارع ولو القيادات دخلت السجن مش خارجة لان عمر ما الاخوان هيرجعوا تانى الحكم الا اذا اصبحت مصر 5 مليون واحد بس وهو تعداد الاخوان الى اعطوا لمرسى اصواتهم فى الجولة الاولى لان الجولة التانية كانت 7 مليون الى كسبهم فوق ال5 بتوع الاخوان كانوا لمونة ...اخر حاجة احب اقولهالك لو بدافع عن مرسى خليك فى رابعة ولو بتدافع عن مصر فقف جنب شعب مصر او جنب الانقلابيين ياعم عشان مصر ما ضيعش ..الى عايز يخدم البلد ممكن يخدمها من اى مكان مش بالضرورة رابعة والا رمسيس ..

الصراحه مش قادر أستوعب حاجه مشتركه في معظم المعارضين لحكم الاخوان و اللي بيدعوا الموضوعيه في التناول الحاجه ديه هي تكرار الاشاعات و نفيها حصل معايا امبارح نفس اللي انت بتعمله دلوقتي في احد نقاشاتي واحد بيقولي زي ما التحرير في تحرش وا غتصاب جماعي انتوا عندكوا جهاد النكاح و راح معقب بكلمه " انا عارف ان ده كذب طبعا " و ده اللي سيادتك اتبعته دلوقتي " مذبحه رفح و بعدها بتقول انه ملهوش ذنب ! " و يتهيألي ديه طريقه جديده لصناعه الدخان و عمل شبوره و السلام , المهم بكل موضوعيه هحاول انفي كل اللي بتقوله قلبا و قالبا
عبد الناصر بتقول انه كان سياسي محنك و انه سيطر عالدوله ياريت بقه تكلمني عالحريات و القضاء العسكري العادل و عدم التوجيه الاعلامي في عصر أحد أكبر طواغيت العصر عبد الناصر عليه من الله ما يستحق , كلمني كم قاض قتل كلمني عدد المعتقلين كلمني عن عدد النكسات " يمن و 67 و السودان و غزه " , و من عارض مرسي يا ترى عندما بدأ خطوه واحده في التطهير من الدوله الحقيره و ليست العميقه " حدثني عن النائب العام و اخونه القضاء و الداخليه و الاعلام و الجيش " طبعا ده اتضح بشده في الانقلاب الخائن على الشرعيه , عبد الناصر يا استاذي غيب شعب كان لديه من الجهل و الاستعداد لسمع الاكاذيب ما لديه و هذا ما فشل خونه اليوم في تحقيقه عالرغم من ممارسات السيتينات المتبعه في 2013 , و سيادتك أقريت ان مكتب الارشاد كان بيحكم مصر , جميل ياريت تكلمنا عن بعض القرارات المختلف عليها بين اعضاء المكتب و كيف كان يحكم المرشد بينهم " واضح انك كنت داخل اروقه المطبخ السياسي زي 90 مليون مشجع أقصد مصري , فشل الرئيس مرسي لا أنكره بالطبع نص مليون أرمله معيله تدخلن التأمين الصحي بأسرهن , أكثر من 400 ألف عامل يرجعوا لمصانعهم بعد مصالحات مع اصحاب المصانع , شتاء بلا أزمه أنابيب لم يرى منذ 10 سنوات , توازنات دوليه جعلت العالم يعيد النظر لبلدك " راجع تعليقات المسئولوت الصينين في زياره مرسي و وفده , راجع حرب دولارات ماما امريكا و اعوانها في دول البترول , راجع زياره إيران وروسيا التي اعقبتها زياره وزير دفاع اكبر جيش في العالم عده و تعداد لبلدك " , ده غير معاشات الضمان الاجتماعي اللي ارتفعت و الطرطور الحالي برعايه الخائن لغاها اليومين دول , و التموين و العيش و غيرها كتير , طبعا كل ده مش مهم المهم أيه بقه ازمه السولار و البنزين و الكهرباء الأمن اللي انتهت 30 يونيه 12 بالليل و اللي الوزارات التلاته البترول و الكهرباء و الداخليه مكملين فيها في وزاره 19 برعايه كهنه السبعينات , ده عن فشل مرسي الزريع و أقليم قناه السويس و محطات الكهربا و مصانع عالميه زي سامسونج و غيرها , ده اللي انا فاكره و اقتبسته من ذاكرتي الضعيفه , فشل فشل طبعا , لو عايز تعرف انت شعب مصر و لا فوتو شوب اتفرج على فيديوهات 30 يونيه عالسي بي سي و الا ام بي سي مصر و انت تعرف يا ترى ملايين رابعه من المنصه لأول عباس عموديا شارع الطيران و سيدي جابر و غيرها " المعارضه لنظام الرئيس " راجع الفيديوهات ديه و انت تعرف انت فوتوشوب و لا شعب , و مش هننكر ان اعداد المعارضه كتيره لأن من سنه كانت المعارضه في مصر 47 % من الشعب يعني بتمثيل 40 مليون مصري زي ما بتقول الصناديق مش هقولك 25 و لا 30 زي ما انتوا بتقولوا , بس الحقيقه ان في شعب تاني في شعب مؤيد الشعب ده له حق انتوا اغتصبتوه لما ركبتوا الدبابه أو الدبابه ركبت عليكوا "واحد " ,
جميله نكته الانتخابات بتحاولوا تقلدونا , ده احنا اللي اخترعنا الموضوع ده و قولنالكم تعالوا انتخابات مجلس الشعب , و كل الضمانات متاحه , بس تروحوا ازاي و انتوا في 6 انتخابات تطلعوا صفر اليدين !! يبقى صح مفيش حل غير الدبابه ,
أنا فين رابعه و لا رمسيس و لا ميدان المتحرشين و المغتصبين " التحرير سابقا " أنا أكيد مع المصريين اللي في رابعه و بعد الانقلاب لما حد بقى يقولي انت اخواني بقيت أكدله اني فعلا أخواني قبل كده كنت بأقسم اني مش اخوان محدش كان بيصدق دلوقتي أفخر لو حد قالي انت اخواني , و لو انت بتقول خليكوا قاعدين إلى يوم تبعثون أحب أقولك اليوم ده أقرب مما تتخيل بعون الله و الايام بيننا .

المشاركة الأصلية كتبت بواسطة ahmed.safwat

when is a military coup not a military coup? When it happens in egypt, apparently - comment - voices - the independent

ياريت تقرأو المقال دة وهتعرفو قد اية الشعب دة بسيط اوى والجهل ملية

قريتة يافندم بس المقال دة انا شايفة عبارة عن وجهة نظر ناس فى شعب لا ينتمون الية بمعنى ان الشعب المصرى لية طبيعة خاصة او كل شعب لية طبع خاص بية مختلف عن الشعوب الديمقراطية الغربية ...يافندم لو كان محمد مرسى حاول يلم الشعب حول مشاريع قومية وابتدينا نحس بالتقدم او على الاقل ثبتنا على وضعنا الحالى ومبقناش اسواء كنا تمسكنا بالعملية الديمقراطية اذا الى حصل دة مش انقلاب لكن دى ثورة ايدها الجيش ممكن اوى يكون الجيش لية حساب تانى والاعلام لية حسابات والقضاء والشرطة لكن مننساش ان كان فى شعب نزل والرئيس المنتخب محاولش مجرد محاولة انة يحل الموقف لازم نتفق على ان الشعب نزل فى الشوارع بكمية كبيرة ولازم نتفق ان خطابين محمد مرسى كانوا اقل من مستوى الحدث ...انت بقى عايز تقول كنا سيبناة وكنا تمسكنا بالشرعية عشان لعبة تداول السلطة تنجح ومش كل يوم نغير رئيس عندك حق وانا متفق معاك بس والله ياباشا الى حصل كان غير كدة انا هحكيلك موقف فى عربيتى ..انا استلمت العربية جديدة من غير نمر زيرو روحت اعمل مفتاح للكيت الى اشتريتة من الموقع هنا مفتاح ريموت يعنى ..والعربية زيرووووووووو....الراجل بوظ المفتاح بتاع الكيت وغيرة قلت عادى معلش عربيتى سليمة ومفاتيحها الاصلية سليمة مسك بقى المفتاح الى عملوا وكان بيقتخ الشنطة بس ومش عايز يفتح اى باب والا كونتاكت والراجل دماغة والف جزمة ان الباب معصلج ويخبط ويدوس ويدخل المفتاح ويخرجة ..خلاص قرب يتكسر فى العربية الى لسة بلزق المصنع قلتلة ياعم براحة فى اية قالى هو انا بتاع فجل ادامك يابية انا عارف انا بعمل اية وقعد يخبط ويشيل ويحط فى اللحظة دى انا كنت دفعتلة 40 جنية يعنى لو قلتلة اسكت عشان انت مابتفهمش ودة الواضح كانت ال40 جنية راحت عليا ..فكرت دقيقتين ..40 جنية والا مفتاح يتكسر فى عربية بورقها قلت زى ميلودى كدة العربية اهم....ام الـ40 جنية وقلتلة شكرااااااااا مش عايز حاجة وخدت عربيتى ونجيت بيها منة ...لانى لو كنت كملت معاة كانت ممكن الكالون كلة يبوظ والبس انا ....دة بالظبط شعورنا تجاة محمد مرسى نحافظ على الديمقراطية والشرعية ونستلمها من غير نور وماية وبنزين ونحارب بجوار سوريا ونعيش على مساعدات وسيبك من المشروعات الوهمية الى اتقالت احنا معندناش مصنع احذية فتح جديد والا ورشة حتى وشوف مصنع المكرونة الى راحوا فتحوا بعد 3سنين من مبارك ما فتحة ....والا يلعن ابو الـ40 جنية الى هى الشرعية وانجى بعربيتى الى هى بلدى .....انا كمواطن من شعب مصر نزل يوم 30/6 لا هو ظابط جيش مسيس والا شرطة والا اعلامى والا من القضاء والا من اى حاجة غير انة مواطن مصرى وبس شايف تصنيفاتة بلدة فى انهيار نزلت وانا حسن النية واتبرىء من كل شخص نزل ويحمل فى داخلة اى سوء نية للبلد دى ...دور شباب الاخوان وانا بقول شباب بس انهم يجوا يحمونى لانى زيهم حسن النية ولائى لمصر مش لحد ايدنا فى ايد بعض ولو دة انقلاب هنعملوا ثورة ولو فى فلول هنقصيهم الا من رحم ربى ..لكن بالشكل دة ويوم 10 رمضان هنسترد الدولة ازاى معرفش على عهدة المتكلم ..يبقى فى نية لاستشهاد طنط سلمية ..