الشعب اراد ان يعطي درس للعالم كلة ان الفرعون المصري قادر علي صنع المستحيل
تحية للشعب المصري و اقولها انا مصري و افتخر
تحياتي للجميع
عرض للطباعة
الشعب اراد ان يعطي درس للعالم كلة ان الفرعون المصري قادر علي صنع المستحيل
تحية للشعب المصري و اقولها انا مصري و افتخر
تحياتي للجميع
مبروك لمصر الثورة
الحمد لله
فعلا ابهرنا الشارع بغباوتنا
تحيه لكل الشعب المصرى الاصيل
مبروووووووووووووووووك
( شعب جبار ) و لكن لا احد يتعظ !
انا مش عارف انام لحد دلوقتي من الفرحة
و علي فكرة و لاول مرة من ساعة ثورة 25 : البورصة تحقق ارباح 14.4 مليار في دقيقة واحدة
و الي جي احلي ( ان شاء الله )
ألف مبرووووووك
اتعلم من هو الفرعون وما قول ربنا عز وجل في ال فرعون تدبر قول الله
خبر القرآن الكريم عن آل فرعون، بأنهم أشد الناس عذابًا يوم القيامة، جاء ذلك الإخبار في قوله تعالى: {ويوم تقوم الساعة أدخلوا آل فرعون أشد العذاب} (غافر:46)
الشعب المصري قادر علي صنع المستحيل حقا
لقد قام بثورة يناير المجيدة شهد لها التاريخ وشهدت مصر اول انتخابات نزية في تاريخها
ثم قامت بعض اطياف الشعب لاسقاط مكتسبات الثورة بعضهم ممن ضاقت بهم سبل الحياة وبعضهم من الشرفاء انضم اليهم كل موسسات الدولة الداعمة للفساد ورجال اعمال لهم مصالح وبلطجية
فعلا ان مصري ويجب عليك انتفخر
فعلا لقد ابهرنا العالم عندما قمنا بثورة ضد الحكم الاستبدادى فى 25 يناير ثم قمنا فى 30 يونيو بالرجوع مره اخرى للحكم الاستبدادى عشان ايه عشان الديمقراطيه متنفعش عندنا
اديني عقلك من اللى بيقولوا على 30 يونيو ثورة مش انقلاب عسكرى
هو فيه ثورة فى العالم تخلص فى يومين ؟!!
طيب بلاش ده ...هو فيه ثورة فى العالم محدش يموت فيها او حتى يتعور ؟!!
...
طيب بلاش دول .. هو فيه ثورة فى العالم يشارك فيها شرطة وقضاء واعلام ؟!!!
طيب بلاش اللى فاتوا خالص .. فى ثورة فى العالم الشرطة والجيش يوزعوا على الناس عصير .!!!
طبعا انا هبقى اكيد اخوان وعلشان الصدمة والكلام ده ...بس هى كلمة واحده اخنا بجد شعب يستاهل
فعلا لازم الناس تموت و تترمي من فقوق الاسطح علشان دية تكون ثورة
كفاية موت و دم و كفاية الناس اللي ماتت السنة اللي فاتت
و كفاية اللي الاخوان بتعملة في سيناء و في الاطفال اللي اترمو من الاسطح
و هل علشان تكون ثورة لازم اموت في الشرطة و الجيش و مينفعش يوزعو عصير
هو عصير حرام
كفاية دم و تهديد .... كفاية قتل في جنود الجيش
با استاذى العزيز ...حضرتك بتهاجمنى كانى انا بحب الدم ؟؟؟ وبتقولى العصير حرام وحلال و كلام ملوش اى علاقة بالى انا كاتبه ....
يا استاذى الفاضل هقولك تانى يمكن يكون مفيد...حضرتك بتقول مبروك لشعب مصر الى بهر العالم .ودى مش حقيقة احنا العالم كله بيضحك علينا علشان مفيش شعب فى الدنيا بيعمل ثورة وبعد 3 سنين يرجع النظام القديم تانى :) .وعلى فكرة هي كام دولة اعترفت بالانقلاب ؟؟؟
حضرتك بتقول عملت ثورة يا ريت تقرأ فى تاريخ الثورات ويعنى ايه ثورة وتعرف الثورة بتاخد وقت اد ايه وبيروح فيها ضحايا ازاى...احنا بعد ما عملنا ثورتنا على الذل والمهانة علشان متدخلش قسم تضرب من غير سبب...علشان ميجيش امين شرطة ويوقفك فى الشارع ويقولك بطاقتك يا ابن كذا من غير سبب ...انما انتم ارجعتوهم اقوى من الاول على اكتافكم وبعدين تقولى ثورة ..اما فيديوهات رمى الناس والكلام ده انا مش هتكلم عنها فيه فيدوهات بتشرح الكلام ده كويس بس للى عايز بعرف الحقيقة مجردة يعنى تتفرج بحيادية مش اكتر .
والله ياجماعة وبالرغم ان هنا مش منتدى سياسى بس ممكن المناقشة فية تكون محترمة عن اماكن كتير تانية ودة لان الناس الى هنا كلها ناس محترمة ....الى حصل من زمان ان النظام استعدى الشعب وحط كل الباقى فى جيبة ..كل من لية صوت سواء كان اعلام او احزاب او شرطة الذراع الباطش للنظام حتى المعارضة وطبعا اخوانا الاخوان كانوا جزء لا يتجزء من المعادلة دى ....عملنا ثورة 25 يناير ضد كل الاستبداد ساعدنا ضعف قبضة النظام ..الشعب تسلل الى الاعلام وخلاه يجيب حقايق طبعا الاعلام الخاص ...تسلل الى الجيش الى خلى كل ولادة مجندين فية ..وقامت الثورة وساعدنا الى قدر يساعدنا وضربنا الشرطة فى مقتل وهزمناها والجيش والاعلام وكل الى كان خايف يتكلم وقف معانا وانحاز لينا..الشرطة هنا اتعلمت ان الى متغطى بالنظام عريان ....عملنا انتخابات واستفتاءات وفتحنا المنجل وضربنا الودع فى الفترة الانتقالية نعمل مين قبل مين ...ماتعرفش بقى مين عمل اية فى مين وصلنا لشفيق ممثل النظام الى ثورنا علية الى لو جبناة كان العالم مات من كتر الضحك ..وبين راجل منعرفوش منتخب من جماعة عانت كتير زينا ومالناش دعوة ببعض ثفقاتها الى كانت بتعملها مع النظام القديم ...اختارناة وبايعناة وعلى مشروع النهضة استئمناة..جالنا الرئيس المنتخب ...اخوانة بقى قالولك طظ فى مصر وحازم بقى يحاصر الاعلام وقسم الدقى والبلتاجى يقولك عندكو انتخابات انزلوا فيها لو تعرفوا والعريان مرحبا اباليهود والشيخ مرجان هندمر الاهرامات والكلاااااااااااااااااام كتررررررر اوى ....فين رئيسنا المنتخب ؟ بيقولك المجلس العسكرى هو الى مواقفنى !!!! شيلوا ياريس...والريس شالوا ...الريس لسة عطلان لية ؟..اصل النائب العام مضايقنى !!!!!!!! شيلوا ياريس ...الريس شالو...الريس لسة عطلان ؟..اعلام فاسد وقضاء فاسد وشرطة مش عايزة تشتغل هنجبلها ناس من الحقوق (الى هى كلها اخوان ) والوزراء الى مش شغالين سيهم زى ماهما اصلهم معارف وقرايب ودكتور هشام مهتم بكتونيل والنظافة للامهات والمحافظين كلهم اخوان بعض ...ومالوا دى معركتك ياريس اعمل ما بدالك فيها ..انت عايز منى انا حاجة ؟لالالالا... النور هقطعوا عليك بالساعات والبنزين 92 مش موجود (ياريس انا بحط 80 اصلا .....والريس من الزقازيق وفى مولد هناك مش سامعنى ) طيب فى حاجة تانى غير النور والبنزين ..الماية هتقطع شوية عشان اخواتنا بتبنى سد على اول الشارع ...حاضر ياريس فى حاجة تانى ؟..الدولار هيفط ينط ويبقى ب 7.25 عندك مانع يامواطن ؟ااااااااااه ياريس ..طيب انا هنزلك يوم 30 وهمشيك زى الى قبلك !!!!!!!1 يابنى هتنزل لية دة الواد بتاع السكينة نزل سكينة النور ب 20 جنية وعربية البنزين فودة عطلها فى السكة والواد بتاع المعادى قطع الطريق والشرعية معايا ومادامت الشرعية معايا يبقى مافيش شرعية غير الشرعية الى معايا ومحدش معاة شرعية الا شرعية الى معايا ...والبلتاجى بكرة الناس تروح وسيبك منهم ياريس والسى سى الوضع خطير محتاج تفكير الشعب كلة فى الشارع والريس تليفونة باظ من غير المرشد قاعد محتاس ..ادامكم بامر الجيش يومين حلوها وطلعوا الناس من الشوارع او اطلعهم انا بمعرفتى ..والريس بيتفرج على مصر 25 دة عددهم مايجيش الفين ..والشرعية معايا ...البلد واقفة ماتستحملش اسبوع عصيان مدنى بالشكل دة وصوت الميدان عالى انزلى ياسىسى مرسى مش رئيسى وبأمر الميدان الشعب خلع رئيس الاخوان ..والاخوان حشدت الحشد مقدرتش توقف البلد ساعة ..العيب عيب مين جيش من زمان قال لرئيس انت ماشى غلط قالوا خليك فى حالك والا اعلام ايد الرئيس ورجالة بعد الانتخابات يشتموا في المؤيدين والا قضاء بيتشتم ويتحاصر والا شرطة بتتهزء والا مين ومالا مين ...الثورة دى كانت نتيجة غباء نظام استعدى كل الناس ..وياريتة قدم حلول
والله انا متفق معاك فى حجات كتير ..النظام استغبى غباء السنين ولو انه بانت كمية المؤامرات الى موجوده لاسقاطه يعنى دلوقتى السولار موجود بكثرة مش البنزين..ولا كهرباء بتقطع ولا مياه بتقطع ده حتى من غير ما يجى وزير تانى يقول انا حليت سبحان الله المشاكل بتحلل لوحدها انما ده ميقللش من غباء النظام ...انما ان حضرتك متخيل ان ان الحشود الى نزلت هى الى اسقطت النظام تبقى غلطااان..انا لا استطيع ان انكر ان الاعداد كبيرة انما مكنش فيه عصيان مدنى ولا حاجة يعنى يوم بيان الجيش انا كنت فى شغلى والامور كانت هادية جدااا ومكنش فيه مشاكل ..انما للاسف هى مؤامرة لارجاع نظام مبارك مرة اخرى..يعنى حتى لو الجيش استنى اسبوع مثلا كانت تبقى مقبولة شوية انما مكنش يهمهم اوى الشكل كل الى يهمهم اسقاط النظام.على فكرة كان امس اكبر حشد شفته فى حياتى فى ميدان رابعة والنهضة ورمسيس والجيزة وغيرها ..ومش كلهم اخوان بالعكس بدأت اشوف ناس كتير بتقول يسقط حكم العسكر . ناس كتير مش بتدافع عن نظام انما بتدافع عن شرعية النظام لان ببساطة انا مصر الان تسير فى اتجاهين لا ثالث لهما اولهما ان النظام الجديد يجى قمعى ومحدش يقدر يتكلم(حكم الجيش) وده الاغلب او اى نظام هيجى هيسقط بعد سنة واحدة ده لو كملها لان اى نظام فى العالم له اعداءه لو نزلوا فى الشوارع هيسقط ومش هنخلص
وانا كمان متفق معاك ان الحشود ماوقعتش نظام زى ثورة 25 يناير بالظبط الحشود يوم 25 و 28 موقعتش النظام لكن انحياز الجيش هو الى وقع النظام ...بص لو حضرتك مش اخوانى هتفهم معنى الكلام ..دلوقتى مش من المنطقى نهائى اننا نرجع مرسى لانك لو مقتنع ان امبارح كان اكبر حشود شفتها مؤيدة لمرسى هقولك انة لو رجع هتشوف اكبر طوفان بشر ضد مرسى وبكدة احنا مش هننفع يبقى الحل الوحيد للبلد دى دلوقتى اننا نقف جنب بعض نخلى بالنا ان نظام مبارك مايرجعش ان محدش ينط على ثورتنا احنا ربنا ادانا فرصة تانية نقفل فيها جرح مصر على نظافة لية عايزين نضيعها ..باعترافك نظام مرسى غبى وباعترافى نظام مبارك غبى ..يبقى ابو دة على ابو دة وكلنا نعمل نظام جديد زى الى كنا بنحلم بية .....وبالنسبة للمشاكل الى اتحلت من غير وزير ..والله ما عارف بس هى مالهاش غير سبب من اتنين والاتنين يدينو مرسى ..اما فى واحد بيشد السكينة ب 20 جنية وهنا يبقى مرسى ضعيف لانه مش عارف يمسك الواد ابو سكينة والى ادالو العشرين جنية ..ورئيس ضعيف يبقى ماينفعش لمصر وعلى فكرة مش هقول اصل كل الدنيا ضدة ..نرجع شوية للتاريخ السادات اعظم رجل دولة فى التاريخ الحديث كان رئيس جمهورية وهو اقل واحد فى مجلس قيادة الثورة وكلهم انقلبوا علية وخربوا البلد لكن و بحكمة عرف يظبط البلد ويحارب وينتصر واهم قتلوا .....والسبب التانى لعم مرسى انة يكون خاين ومواردنا بتتسرب برة ولما وقفت التسريبات رجعنا زى ايام زمان عندنا اكتفاء.......اخيرا ..عقيدة ان الجيش يحكم احنا جبناها منين يعنى انا اعرف ان دولة زى امريكا او اسرائيل ليهم اجندات مهما اتغير عليهم وزراء روؤساء اى ان كان .تلاقيهم بينفذوا استراتيجية واحدة اكنة كتاب مقدس ماشيين علية ولكن الطرق بس هى الى بتختلف ولكن الهدف واحد ..دة الى كان نفسى مصر والوطن العربى يكونوا فية مش كل ملك يموت ابة يغير الدنيا بعد وكل رئيس يمشى الى بعدة يقولك البلد خربانة وانا هعمل واسوى وكل وزير يجى يغير خطط وديكور المكتب ..نرجع بقى للجيش كان طبيعى ايام عبد الناصر ان الجيش متمثل فى مجلس قيادة الثورة هو الى يحكم حتى مات اخر واحد فيهم ..وجة ناس على الجيش ما شافوش ثورة 1952 فيديو حتى منين اترسخت جواهم انهم يحكموا حتى وصلنا للسيسى الى ماشاركش حتى فى حرب اكتوبر بتاعة اول امبارح الصبح دى ..يبقى منين الجيش عايز يحكم ومين هو الاستاذ الجيش دة ..والا انتوا تقصدوا ان الجيش زى امريكا واسرائيل عندة اجندة بينفذها وهى السيطرة على الحكم يعنى مهما من جاء الى كرسى وزارة الدفاع فهو المسئول الاول عن الحفاظ على الرئاسة للعسكر .لو دة الى انتوا مقتنعين بية يبقى الجيش المصرى كلة بيتربى فى الكلية الحربية على كدة ويبقى محتاجين نفك الجيش .دة لو انتوا مقتنعين ان الجيش عندة الاجندة دى ..لكن لو قلتوا لاء هنا بقى يبقى الجيش انحاز للشعب وبدرى بدرى قال نخلص الحوار والرئيس اصلا غبى ومش عايز يحل والا يربط ووارطنا فى كلام زى سوريا وغزة وسد اثيوبيا وبيبوظلنا الدنيا لا ياعم اذهب غير مأسوف عليك والنصر للشعب ويشوفولنا واحد تانى عدل بقى ..والتفكير الاخير هو الاقرب ليا ...الرئيس استعدى خلق الله كلهم ..مؤسسات الدولة كلها ...عشان كدة لما الشعب نزل كل الدنيا وقفت معاهم وكبرت الموضوع وضخمتة ....لو الى فى الشارع عايزين شرعية فالشرعية فى الميدان يجوا يقفوا جنب الناس وايد واحدة محدش هيخطفها .ونبنى البلد ....ولو الى فى الشارع عايزين مرسى فمرسى قد ذهب ولن يكون رئيس حالى لمصر مرة اخرى ابداا
انا مش هطول عليك انا بس ليا ملاحظتين .اولا لايمكن مقارنة ثورة يناير بالى حصل يوم 30 /6 متقوليش الجيش هو الى انحاز يا سيدى الفاضل راجع فيديوهات موقعة الجمل ستجد ان دبابات الجيش هى التى كانت تخلى الطريق للخيول انما الفرق ان احنا كلنا كنا ايد واحدة عملنا 18 يوم العالم كله اتكلم عنه وبدانا فى عصيان مدنى وكانت الدولة فعلا بتقع لولا تدخل الجيش(كمان احنا مكنش عندنا اى فرصة للتغيير سوى الثورة انما الان يوجد العديد من الطرق الشرعية) انما الان مجرد مظاهرات كام ساعة وتانى يوم انقلاب للجيش واسمحلى موضوع طوفان والكلام ده انا مشوفتوش انت بتتكلم عن التحرير والاتحادية ومش هتكلم عن طريقة الحشد الى كلنا عارفينها ..نجى بقى للخلاصة فيه حضرتك 12 مليون مصرى لم ينتخبوا مرسى تفتكر لو نزلوا الشارع هيعملوا ايه؟؟اكيد هيملوا الشارع اروح عازل الرئيس طبعا ده مش ممكن...المفروض ان فيه طريقة ديمقراطية للتعامل مع مؤسسات الدولة. الى حصل مجرد انقلاب عسكرى على ثورة يناير باستخدام اعتراضات شعبية ليس الا ونحن امام مسار من اثنين لا ثالث لهم اولهم ان احنا نكمل بدولة مبارك القمعية وخلاص كده الثورة هتكون خلصت او سيكون لنا كل عام رئيس لان اى دولة ديمقراطية اى رئيس ياتى باغلبية ليست كاسحة وقتها سينزل المعارضون لاسقاط الرئيس ..وربنا يستر على البلد
طلاما انت مصمم يبقى لو الى نزل الشارع 12 مليون معارض لم ينتخبوا الرئيس يبقى تنفيذا للدستور الى مش عاجبنى مادة 150 على ما اتذكر ان فى حالة وجود امر يمس مصالح الدولة العليا على الرئيس طلب استفتاء شعبى ...والرئيس حتى مارديش يطبق نص الدستور ....ولو عايزنها ديمقراطية هستخدم كلام الاخوان فى انتخابات ورئاسة انزلو وممكن تكسبوا طلاما الاغلبية معاكم يبقى والا مليون انقلاب هيوقف ارادة الشعب لو الاخوان شايفة ان الشارع معاها ..ومتنساش احنا طالبنا مليون مرة استفتاء ومكناش خايفين والاخوان رفضت وقالت انزلوا الانتخابات جة الوقت الى احنا نقول انزلوا انتوا الانتخابات القادمة ولو الشارع معاكم هتكسبوا وبسهولة واحقنوا دماء المصريين واحقنوا دماء اقتصاد مصر
عن أي شعب تتحدث و عن أي ثوره تتوهمون , ثوره مدتها 6 ساعات شاركت فيه جميع مؤسسات الدوله من جيش و شرطه و مخابرات حربيه و عامه و حزب وطني و بلطجيه و مسلحون , هذه هي ثورتكم ؟ هل تأسسون لوضع مفاهيم جديده للإنقلابات العسكريه , و عن أي عالم تتحدث ؟ عالم وصف المؤيدين للعسكر بالعبيد و تعجب من شعب ثار ليسترد حريته و إذ بأخرون يلهسوا وراء بياده العسكر !
الشعب الطاهر و الاحرار هم من يمكثون اليوم في ميادين النهضه و رابعه و محافظات مصر يزأرون بالحق و لا يخافون البطش و القتل و الظلم , انها معركه الاحرار و العبيد فأختر لنفسك فريقا .
قولوا ثورة او قولوا انقلاب زي ما بيقولوا انصار الاخوان بس ايه المهم ....
المهم اننا خلصنا من نظام متخلف بيستخدم الدين ليتحكم في عقول الغلابة المضحوك عليهم.
المهم اننا خلصنا من نظام بيتاجر بالشريعة و كان في ايده يطبقها و لم يفعل.
المهم اننا خلصنا من نظام يديره مجموعة من المرضي النفسيين الذين اتعبونا بتصريحاتهم المثيرة للجدل.
المهم اننا خلصنا من نظام فاشل بمعني الكلمة ولا يمتلك مقومات النجاح لكن كل ما يريده السلطة.
المهم اننا خلصنا من نظام رجعي يريد ارجاع البلد الي عصور الجهل ( اكتر من اللي عندنا).
خلاصة الكلام اللي عايز يفرح يفرح واللي عايز يزعل او يتظاهر براحته بس لازم يحترم رغبه معظم الشعب المصري اللي كره تماما كلمه اسمها اخوان.
و سيادتك بقه المتحدث بإسم المصريين :)
انتوا مين وصاكوا عالشعب جيش مصور الشعب كأنه عيل بيرضع و شويه بيسموا نفسهم نخبه بيتكلموا بإسم الشعب , الشعب ليه صوت و صوته في الانتخابات اللي ارتضتوها و اي صوت تاني يبقى بيمثل نفسه و فقط يعني الوحيد في مصر اللي يتكلم بإسم شعب مصر هما الاخوان "اكتسحوا في كل الانتخابات اللي اتعملت تقريبا " و محمد مرسي " الشعب اختاره يتكلم بإسمه " و كل ما دون ذلك بيعبر عن نفسه و فقط و لو بالحشود فانصحك تتفرج على مليونيات الجمعه اللي فاتت و الثلاثاء و اليوم .
متنصبوش نفسكوا ولاه عالشعب , الشعب برئ منكم .
فى البداية وبعد رمضان كريم احنا هنا بنتكلم بكل هدوء على الرغم ان الكلام مش هيجيب فايدة بس ادينا بنتكلم نوضح اوجة النظر فياريت حضرتك تحاول تكون هااادى.
اولا حضرتك صورت ان الى فى رابعة احرار والى خارج رابعة عبيد البيادة ..وصورت ان الى نزل ثورة 30يونيه حزب وطنى ومخابرات وشرطة وجيش وبلطجية ومسلحون ..الصراحة انا من ساعتها عمال ادور لنفسى على مكان مش واصل يعنى انا بلطجى والا مخابرات والا شرطة مش عارف لسة بس ما علينا خلينى بلطجى مسلح هى الاقرب الى..انا فعلا نزلت 30 يوينو بعلم مصر ممكن يكون دة ارهاب ....دلوقتى وببساطة جدا هقول لحضرتك لية كل الشرطة والجيش والاعلام والمخابرات وطوب الارض نزل ..لان سيادة الرئيس السابق اقل الله من امثالة فى حكم مصر قرر يعادى فئات كتير فى البلد ومرة واحدة يعنى هاجم القضاء فى نفس الوقت الى جاب نائب عام بمزاجة فى الوقت الى انصارة بيشتموا ويحاصروا الاعلام متزامن مع اهانة الشرطة وتهميش قوى معارضة رغم انهم مالهومش لازمة مع اغفال دور الشباب مع تهديدات للشعب ودستور غريب قبلة اعلان اغرب مع ناس قالتلك انت لو ضد مرسى كافر وضد الدين وجيش حاول يلم كل دة قتلتلوا جنود فى رمضان وخطفت ناس بعدهم والا عرفنا مين قتل والا مين خطف ..كل دة يافندم نزل الشارع نتيجة غباء نظام مش تحالف قوى الشر على الرئيس السابق مرسى ...وللمرة التانية لو انتوا مخدتوش بالكم من عددنا فى 30 يونيو تقدروا تنزلوا الانتخابات القادمة والشارع معاكم وكلكم رجال وثوار احرار وبدل مرسى هاتوا بديع رئيس والشاطر رئيس وزراء وحازم للداخلية والمالكى للخارجية وصفوت حجازى للاعلام والحداد وزير الدفاع كمان ...وبعد الانتخابات القادمة محدش هيفتح بؤو تانى ..ومتنسااااااااااااااااااا ش طلبنا من محمد مرسى استفتاء وهو الى رفض وقالك عندكوا انتخابات مجلس شعب ..دلوقتى احنا بنقولكم عندكم انتخابات مجلس شعب ورئاسة ودستور انزلوا لو الشارع معاكم
حضرتي هادي جدا على فكره بالعكس ساعات بضحك من الهزل و الضلال اللي انا شايف البعض بيتكلم بيه , لو مش لاقي لنفسك مكان فده طبيعي لأني ذكرت اللي شاركوا مش كل اللي شاركوا و أعتقد أنك من فئه اللي ضلوا و في فئات تانيه كتير بس واضح من كلامك انك تتبع الفئه ديه , و انت بقه بتتكلم عالقضاء و الشرطه و النائب العام , مش بقول هزل و كوميديا و غشاوه فوق كل ده , النائب العام اللي اقاله يا بيه هو اللي الشعب طالب باقالته من يوم 25 و القضاء الله هاجمه هو احد الاطراف الضالعه في الخيانه بدايه من البراءات لقتله الثوار نهايه بأكبر طرطور فيهم اللي عملوه رئيس جمهوريه , الشرطه دلوقتي بقت حلوه يعني الالف اللي ماتوا دول ملهومش تمن و لا يا ترى الاخوان قتلوهم , معارضه ايه اللي بتتكلم عليها المعارضه اللي تحكم بالصناديق بإراده الشعب مش إراده البياده , دور الشباب ديه نكته جميله عالرغم ان الريس اعتذر في خطابه الاخير للشباب بس الصراحه بعد انقلاب الخونه و اعوانهم العبيد اصبحت مصر رائده في الاستعانه بالشباب على رأسهم الطرطور و الببلاوي و حكومه 19 , و الكلام بتاع الانتخابات ده ظريف جدا بتقلدونا طب مستنتوش انتوا تسمعوا لكلام الشعب في الانتخابات البرلمانيه و تعزلوا الرئيس و تغيروا الدستور بالشرعيه الشعبيه بدل شرعيه الدبابه , عايزنا دلوقتي نشارك و ندي انقلاب حبس معظم قاده التيار الاسلامي و قفل كل المنابر بتاعتهم و قتل مصلينهم و شوه ابنائهم في قنواته القذره صباح الكوميديا التافهه , الدستور الغريب اختاره 65 % من شعب مصر و الاعلان الدستوري طلعه من اختاره الشعب , انتوا بقه مين جابكم يا بتوع البياده و الدبابه , قتل الاخوان الجنود في رمضان أثناء حكم مرسي و بقياده المجلس العسكري البائد " ده اللي انت بتقوله طب ارد اقول ايه "
, احنا لما قولنا عندكوا انتخابات كنا بنتكلم باسم شعب مصر , لتاني مره انتوا متكلموش باسم شعب مصر انتوا اللي بتقدسوا الدبابه و البياده و اسمائكم في ..... التاريخ لأنكم دمرتم اول تجربه ديموقراطيه لدوله محترمه بعد ثوره شوهتوها .
و أخير لأن استهلاك الوقت ده من غير فائده كالعاده , مرسي راجع بإراده الاحرار .
دعك من شخصي و اسلوبي و طريقتي و انتمائي , ياريت نناقش المعلومات و الافكار مش الاشخاص , الاحترام كله عندك يا استاذ , الشعب اللي بنتكلم بالنيابه عنه هو شعب مصر مش شعب خالد يوسف وطيارات هيليكوبتر تصور ملايين رابعه على انهم معارضه في مشهد اسطوري يدل على مدى الهطل و التدليس الاعلامي اللي حصل اثناء و بعد الانقلاب .
ازاي بس ادعني من شخصك و اسلوبك و طريقتك
اذا كانوا دول اللي هيحددوا مدي جدوي نقاشي ليك من عدمه
و واو
ده انت كمان مقتنع ان اللي نزل يوم 30 مش حقيقي و فوتوشوب و ان اللي في رابعه ملايين
للاسف النقاش ما بينا مش هيبقي ليه لازمه و لا معني
و كل ما اطلبه منك انك لا تتكلم علي لسان شعب مصر لانك لا تمثلهم
و متغلطش في حد باستخدام الفاظ زي تقديس الدبابات و البياده و الكلام اللي ملوش معني ده
أومال انت اللي بتمثلهم يا أستاذ بيشوي :)
انا مغلطش في حد إلا لو انت من اللي بيقدسوا الدبابه و البياده , ديه حاجه تانيه .
و عيب لما تقول كلام ملهوش معنى .
و هنا خلص الكلام و لن اعلق لأني اتفق معاك تماما ان النقاش ملهوش جدوى انا فقط أردت ان اسجل موقف حتى لا يظهر الامر و كأن فئه معينه مسيطره عالساحه و لم ارد ان ادخل في نقاش و لا جدال .
مرسي عادى الفئات ديه لانها فاسدة مفسدة القضاء الشرطة الاعلام و لا نسيتوا
اي حد تاني هيجي و هيحاول يطهر فساد الدولة العميقة دولة ال 60 سنة فساد و استعباد هيتحارب و هيشوه صورته فى الاعلام (ده لو اتعملت انتخابات اساسا)
عامة مبروك عليكم مشروع القناة اللى وقف - يا فرحتك يادبي- و كادر الاطباء اللى اتلغى زيادت المعاشات اللى اتلغت و رجوع زوار الفجر و امن الدولة و كبت الحريات و تكميم الافواه و غلق القنوات ... مبروك عليكم الغاء منظومة الخبز -كل المخابر اللى كانت بتسرق قمح الشعب اتفتحت تاني- مبروك عليكم الغاء بطايق البنزين اللى كانت هتقفل حنفية الفساد و التهريب.
بس اتمنى ان محدش يلوم اللى مش هيرضى بالذل و القهر تاني و قرر انه يقف فى وش العسكر
انت بتتكلم عن مشروع القناه بس ... لا كلمنى عن الالغاءات الى بالجمله الى حضرتك بتتكلم عنها كأننا هنموت من غيره ...
سيبك من الكلام ده
انا كمواطن عادى استفدت لما مشى وكنت مضرور من وجوده
الحمد لله
يااراجل ده مكنش بعرف يتكلم كلمتين على بعض وضحك علينا شعوب العالم
ههههههه
طب طالما بيشوي دي شخص اخر ليه بتناديني باسمه
عموما يا سيدي نتشرف بمعرفته برضه
خصوصا و انه المتكلم باسم الشعب
يعني ينفع وقت عوزه
و معلش يعني فيها ايه كلمه امثالك دي
ايه العيب اللي فيها
كل واحد فينا و ليه امثال
و ازاي احاول اكون محترم و انا محترم بالفعل
تخاريف صيام دي و لا ايه
نرجع للهدوء تانى ياجماعة ياريت احنا ناس كبار وكل واحد فينا اكيد بيحب البلد دى بس بطريقتة الخاصة ....فى ناس ردت على كلامى كتير زى ان الرئيس كان بيحارب الدولة العميقة الى بقالها 60 سنة عشان كدة هو عادى كل الناس والمذبحة بتاعة رفح الى هو مالوش ذنب فيها والجنود الى اتخطفت من كام شهر ورجعوا والكلام الكتير دة ...ياجماعة دة مش اول رئيس يجى بعد ثورة يعنى مثلا كان عندنا جمال عبدالناصر وكان بيحارب دولة عميقة بردوا واحتلال انجليزى وبلاوى بعيد عنك ومش بقالهم 60 سنة دول بقالهم 200 سنة لكن كان راجل وطنى فاهم سياسة وعارف ازاى يقدر ينهى الدولة العميقة لكن سنة 2013 رئيس مصر مش بياخد الاوامر من دماغة وربنا ما يوقعك لما البيت يمشية اتنين فما بالك ببلد بيمشيها مكتب ارشاد لازم تخرب وتدخل الاهواء وانا مش حابب اتكلم كتير عن رئيس سابق انا احب اتكلم عن واحد فى السلطة ...نرجع لنقطة مهمة وسؤال جاوب انت علية ..هل السيد الرئيس محمد مرسى اثبت فشل ادارة ؟ بص ياباشا لو قلت اى حاجة غير انة فعلا ثبت فشل الادارة مش عارف ساعتها ممكن نتكلم فى اية ...لكن انا هقول ان مشكلتك فى الشرعية مش فى مرسى ..فى الديمقراطية مش الشخصية ان شاء الله يكون دة تفكيركم فى رابعة عشان نحترم تفكيركم دة بالرغم اننا بنحترمكم حتى لو دة مش تفكيركم....المهم انتوا كمان تفكروا شوية هل احنا شعب مصر يعنى اغلبية والا دة كدب واحنا شوية فوتو شوب على جرافيك وخدع سينمائية لو احنا حقيقة اغلبية يبقى على الاقلية احترام الاغلبية ولو انتوا الاغلبية طيب ياسيدنا ما تنزلوا الانتخابات دة الشارع بتاعكم والشعب وراكم حتى ياباشا لو الشرطة مسك قيادات الجماعات الاسلامية فدة جهاااااد وهما واخدين علية من زمان حتى ينصركم الله والشعب معاكم يعنى هيطلعوا فى خلال 6 شهور مش اكتر لما تستردوا الحكم...طبعا انت ممكن تزعل لان كلامى فى شبة تريقة من وجهة نظرك عارف لية هتحس بكدة لانكم مش معاكم الشارع ولو القيادات دخلت السجن مش خارجة لان عمر ما الاخوان هيرجعوا تانى الحكم الا اذا اصبحت مصر 5 مليون واحد بس وهو تعداد الاخوان الى اعطوا لمرسى اصواتهم فى الجولة الاولى لان الجولة التانية كانت 7 مليون الى كسبهم فوق ال5 بتوع الاخوان كانوا لمونة ...اخر حاجة احب اقولهالك لو بدافع عن مرسى خليك فى رابعة ولو بتدافع عن مصر فقف جنب شعب مصر او جنب الانقلابيين ياعم عشان مصر ما ضيعش ..الى عايز يخدم البلد ممكن يخدمها من اى مكان مش بالضرورة رابعة والا رمسيس ..