الموضوع: تقريرعن السيارة الكتكوتة shuanghuan noble

السلام عليكم ورحمة اللة وبركاتة ,
مع الأعتذار لكل من علق وشارك علي هذة السيارة ,فأنا لم أجد تعليق أو تشخيص واحد منطقي أو متخصص عنها , كلة تريقة وأستهتار وتوقعات عن السرعة والثبات وعمرها الافتراضي بدون أي أدلة أو براهين ,وأذا حكمنا عقلنا فأنة منطقيا توجد معلومات كثيرة واقعية وأسمحو لأخوكم م/ ضياء الدين بمناقشتها معكم :
1-سعة المحرك 1100 cc 68 حصان ,وهو ياباني الصنع من شركة سوزوكي ,يعني نفس قوة وأداء السيارات ال1000 التالية :بونتو ,بولو ,ابيزا ,كورسا ,يعني موتورها شديد وناعم وعلي فكرة أنا ركبت كل العربيات دي وبقولها علي مسئوليتي أنة لا يوجد فروق كبيرة ووهمية بينهم وبينها.
2-أبعاد السيارة طول وعرض وأرتفاع وجنوط 15 وكاوتش عريض تثبت لأي شخص ملم بالسيارات أن مستوي أدائها وسرعة أستجابتها وثباتها عالطريق يفوق بعض السيارات المثيلة .
عدم وجود شنطة منفصلة بها أعطي وسع كبير لصالونها مما يسع علي الأقل 4 أشخاص بأي حجم وليس حجم الصينين فقط ,(واللة العظيم بيركب معايا 3 أصحاب فالعمل متوسط أحجامهم 180متر و90 كيلو لكل فرد ) ولا يوجد منهم أي شكوي بالسيارة.
3-عداد السرعة ممكن ان يكون مبالغ فية فأنا لم أتعدي اكثر من 150 كم\س بها وأدائها علي هذة السرعة جيد ولا يوجد علية أي ملاحظات .
4- بالنسبة لعمرها الأفتراضي ,فأنا قاطع بيها حتي الأن 43000كيلو ولم يظهر حتي الأن أي عيب خطير بها أو حتي غيرت أي قطع غيار بها غير الصيانة الدورية لها ( فلاتر ,بوجيهات ,.....)
وللأمانة الكوبلن الشمال بدأ يظهر منة صوت ولكنني متأكد أنة بسبب قيادة زوجتي عندما أستعارتها مني.
5-بالنسبة للتصميم الخرارجي والداخلي فهي مشابهة بنسبة 90 % للسمارت الألمانية وعلي فكرة سمارت كانت واخدة أحسن تصميم في سنتها وهي تصنيع مرسيدس وتصميم سواتش السويسرية ( بتاعة الساعات السواتش ) ,مش عارف لية لما الصين عملتها بقينا نقول عليها فوانيس رمضان.
6-طبعا الكل سوف يقول يعني السيثارة كلها مميزات ولا يوجد بها عيوب وأرد عليهم لا بالطبع يوجد بها عيوب كثيرة ولكن للأمانة زي باقي السيارات ( عفشة رياضية ناشفة حبتين ,عيوب فالتصميم الداخلي ,كماليات متوسطة الجودة ) وكل هذا من السهل تداركة والتعامل معة ولكن في وجود وكيل قوي , وهذا هو أكبر عيب بها (وليد توفيق ) وكيل كيا السابق ,بصراحة يستاهل سحب كيا منة لأنة ميستحقهاش ,مركز الخدمة بة فنيين محترمين وودودين جدا ولكن للأسف مديرهم وليد توفيق وكمبالا هما اللي مبوظين الدنيا ,بحس كدة وأنا بتعامل معاهم أن الموضوع كلة غسيل أموال ليس أكثر .
أنا بس مستني لما ضمانها يخلص وأظبطها على مزاجي لأنها مفيهاش أي تعقيدات وكل حاجة فيها سهلةجدا.
وللعلم أنا أقود سيارات منذ أكثر من 20 عام وبحب أغير سيارتي كل سنة أو سنتين علشان أجرب كل اللي فالسوق من بداية التويوتا الستارليت 1980 ,أونو ,بونتو ,تيبو ,ابيزا ,كورسا ,بولو,لانشيا ,ألفاروميو ,سوزوكي ,بيجو,سيريون , مش فاكر اية تاني !!!!!!!!!!!
السيارة الكتكوتة عملية جدا فالبلد ,بتسافر اي حتة ( غردقة ,شرم ,أسكندرية ,......) صحيح مش عائلية قوي بس شخصية وموفرة جدا 370 كيلو فالصفيحة وأحلي أستخدام ليها أنها تكون بجانب سيارة أخري كبيرة .
أسف علي الأطالة ولكن الأمانة تقتضي أن نعطي لكل ذي حق حقة.
م/ ضياء الدين حسين
قطاع البترول -صان مصر
ولكــــــــــــــــــــــ ـــــــــــــــــــــــــ ـــــــــــــــــم وافــــــــــــــــــــــ ـــــــــــــــــــر أحترامـــــــــــــــــــ ــــــــي

أعتذر مرة أخري عن أسلوبي فالكلام عن التعليقات , برجاء قبول أعتذاري اجميع المعلقين المحترمين جدا جدا جدا جدا جدا
ضياء الدين

أما بالنسبة للأسعار المبالغ بها فهذة القاعدة تنطبق علي كل السيارات بمصر وحسبي اللة ونعم الوكيل

هى بتاعت حضرتك لونها احمر شوفتها قبل كده ف االرحاب

ايوة يا أستاذ حامد ويشرفني مقابلتك في أي وقت تكون فية بالرحاب
ضياء

ان شاء الله انا شوفت حضرت ف منطه الاسواق الى عند توم اند بصل و عصير فراغلى

ممكن اعرف بس لو العربية اتحبطت من الخلف الاضرار البشرية هاتبقى عاملة ازاى

على فكرة يا استاذ ضياء مش حضرتك اللى المفروض تعتذر
اعتقد كل اللى شارك بهذا الكم من التريقة والجهل هو اللى المفروض يعتذر لحضرتك
اما بخصوص تعليقى فارجو انك تكون فهمت انى بجد بافكر فى عنصر الامان مش باتريق
بس غلطتى انى كتبت تعليقى وبعدين قرات التعليقات واعتذر بالنيابة عن الجميع