استشارة سريعة جدا لواحد عمر موتورة

**MOHAMED ABD EL SHAFY** · 28-08-2008 04:33 PM

استشارة سريعة جدا لواحد عمر موتورة بيسال انه عمر موتورة يوم امس ليلا ودارت من الساعة 7 للساعة 10 مساءا تليين على الواقف
واليوم بتلين طول النهار بس يادوب كدا خلصت صفيحة واحدة وعاوز ينقل السيارة مسافة 3 كيلو لمنزلة بعيدا عن الميكانيكى عشان ظروف طارئة خاصة بيه والميكانيكى بيقفل يوم الجمعة وبعدين يكمل تليين على الواقف الصفيحة التانية علما بانه يتعذر علية النقل عن طريق السحب والميكانيكى قالة مش مشكلة 3 كيلو امشيهم على سرعة 30 ومتخافش
فهل ننصحه بالنقل الضرورى دا ولا يعمل ايه ؟

**WalidAdel** · 28-08-2008 11:51 PM

اظن انه عادي يعني مش حيعمل حاجه في العمره

**Adham** · 30-08-2008 12:02 AM

عادي جدا تتساق و تمشي عادي

بس المهم لا يتقرص عالموتور و لا تنقل بدري
كل غيار ياخد حقة

تنقل على 2 او 2 ونص ار بي ام لا اقل و لا اكتر

و تسوقها انشالله مشوار بس المهم ماتسخنش

كفاية قوي عليها الدوارة عالواقف اللي انت عملتها دي اصلا

ممكن تاخدها مشوار طويل بالليل في الطراوة مكن غير مطالع و لا كباري

و عينك على عداد الحرارة

و تنقل على ار بي ام مناسب و بس

**MOHAMED ABD EL SHAFY** · 30-08-2008 11:45 AM

شكرا الاخوة الاعضاء
هوا فعلا نقلها على مرتين
مشى 1 كيلو ووقف فى الطريق 3 ساعات يلين تانى الى الساعة 1 مساءا
ثم تحرك 2 او 3 كيلو تانى ولين 3 ساعات كمان الى الساعة 4 فجرا
ثم يوم الجمعة لينها من الساعة 3 عصرا الى 3 فجرا
وحس ان العربية ناعمة وكويسة وبيقول انه معداش ال 1500 ار بى ام ولا عدى ال سرعة ال 40 خالص من خوفة عشان دفع دم قلبة فى الموضوع دا
وبكدا يكون شغلها على الواقف ما يقرب من 30 ساعة وعملت 30 لتر تقريبا يعنى الساعة ب لتر
المكيانيكى رفع له الكهرباء عشان تجيب 1500 ار بى ام على الواقف وقاله انه فاتح التاكيهات عشان متسخنش وقاله بعد ال 1000 كيلو يعدى عليه يظبط التاكيهات ويهبط الموتور (الكهرباء) وانا تابعت الشكمان معاه مشاء الله جاب بخار مياه يعنى انشاء الله تمام كدا وصوت الموتور هادى (ماعدا التاكيهات)
وشكرا للافادة وهبلغة تطميناتكم ليه وجزاكم الله خيرا

**noble911** · 30-08-2008 01:54 PM

مبروك علي العمرة
يبقي احنا عايزين نعرف عنوان الميكانيكي الشاطر ده و الخراط بتاعه و تخصصه في اي نوع عربيات
و شكرا لك

**MOHAMED ABD EL SHAFY** · 30-08-2008 03:06 PM

اولا العمرة كنت بساعد الراجل بس عشان لايعلى اى شئ
هيا سيارة حضرتك ايه وانت ساكن فى اى منطقة وانا اقولك تفاصيل اكثر

**Adham** · 31-08-2008 01:58 PM

المشاركة الأصلية كتبت بواسطة mohamed Abd El Shafy

شكرا الاخوة الاعضاء
هوا فعلا نقلها على مرتين
مشى 1 كيلو ووقف فى الطريق 3 ساعات يلين تانى الى الساعة 1 مساءا
ثم تحرك 2 او 3 كيلو تانى ولين 3 ساعات كمان الى الساعة 4 فجرا

مش عارف انا شايف ان اللي عملة دة وجع قلب و مش مقتنع ان لة لازمة

طالما دور العربية يومين يبقى يمشي بيها في الهادي و من غير ما يحرق على نقلة او ينقل بدري فاتسقف منة و ماتسخنش و خلاص

انما يمشي شوية و يقف 3 ساعات دي صعبة قوة, وسوسة زيادة قوي و ماعتقدش ان ليها فايدة

ربنا يباركلة فيها و يكفية شرها