جين2 جديدة ولا ميجان كسر زيرو

**sniper2010** · 28-08-2008 11:45 PM

أنا كنت ماشي على مبدأ الزيرو زيرو
بس طالما فيها ميجان يبقى يولع الزيرو

خصوصا لو بحالتها زي ما بتقول

**NaderNabil** · 29-08-2008 12:18 AM

ميجان طبعاااا....!!!

**Ahmed Samy** · 29-08-2008 12:27 AM

المشاركة الأصلية كتبت بواسطة tutankhamoun

أي عربيتين في الدنيا يتقارنوا ببعض

بُص يا سيدي
بالنسبة للموتور
الموتورين متساويين من ناحية القوة الحصانية 110 حصان
الميجان Mk2 موتورها 115 حصان يعني أكبر بخمسة حصان من موتور الجين 2

في الثبات العربيتين ممتازين
نيجي للحاجة اللي هاتفرق بجد
إسم رينو ............. و ده شئ نفسي

و صالون و فرش السيارة .....
صالون و فرش الميجان ......... رائع و فخم و يعطي إحساس أكثر بالفخامة عن الجين 2 ذات الصالون العادي جدا
حتى الخامات الداخلية لصالون الرينو ميجان أفضل كثيرا
الشكل العام للسيارة ........
الرينو ميجان شكل عصري و عائلي كلاسيكي اكثر منه شبابي و هذا شئ يحسب لمصمم السيارة
حيث أن السيارة لها طابع رياضي أيضا و لكن الهاتش باك
أما السيدان ........ فهي سيارة جميلة التصميم و تصلح لعائلة أكثر و لكنها تصلح أيضا كسيارة شبابية

الوسع ............
أعتقد إن الميجان أوسع

التجهيزات ........ الجين 2 كاملة من كله و لا أملك معلومات أكيدة عن الميجان
و لكن أعتقد إن الميجان بها تجهيزات عالية أيضا فهي مرتفعة الثمن و لا أعتقد أنها ناقصة تجهيزات أو كماليات

موتور الميجان أنعم من موتور الجين 2 يعني صوته أقل و أنعم في السحب
و ده مش معناه القوة .......... أنا بقول أنعم بس لأن الموتورين تقريبا في نفس القوة

توكيل رينو ........... توكيل محترم جدا و أفضل من ناحية السمعة عن عز العرب

قطع الغيار ....... أكيد قطع غيار الرينو أغلى .........أنتظر رأي أصحابها

صندوق التروس
طبعا بتاع الرينو ذو تكنولوجا متقدمة و من إنتاج شركة عريقة و نوع حديث ( استبترونيك ) .... أما صندوق تروس الجين 2 .... صندوق أوتوماتيكي عادي

تكنولوجيا رينو و المنتجات الفرنسية إلى حدا ما معقدة

و في النهاية شوف أنت مرتاح لأيه و أشتريه
بس الميجان فيها مميزات مش موجودة في الجين 2 و أنا شرحتهالك من قبل

ميزة الجين 2 ............. هاتبقى أنت أول رجل فيها و أول مالك ليها بالإضافة للميزاتها الأخرى

----------------

مش معنى أن عربيتين في فئات سعرية مختلفة لا يجوز المقارنة بينهم !!!
أي عربيتين في نفس فئة المحرك و الحجم
من الممكن جدا مقارنتهم ببعض

إن شاء الله عربية ب 50 ألف و التانية بمليون جنيه

و ده المبدأ و مفيش حاجة أسمها دي حاجة و دي حاجة
غير لما واحد بيقارن عربية ميني مثلا بعربية فخمة
هنا نقول دي فئة و دي فئة
إنما عربيتين من نفس الفئة ( محرك - حجم ) يجوز جدا مقارنتهم ببعض و السعر بيكون عامل من عوامل المقارنة و ليس محدد الفئة

و شكرا لحسن الإستماع

قبعة يا توت :)