الموضوع: مازدا 3 و 100 الف كم من راحة البال وصيانة ال100 الف

الشكر لله ... عربيتى عملت ال100 كم فى 5 سنين .. و الحمد لله 5 سنين خالية من الاعطال
اولا: عملت صيانة ال100 الف الاسبوع اللى فات عند مهندس هانى speed service خلف حديقة بدر و سهل الوصول اليه
http://www.nilemotors.net/Nile/28764...r-enghany.html
ثانيا: ما تم تغييرة فى الصيانة و الاسعار
1- زيت موتور فالفولين بغيرة كل 15 الف .. 285 ج
2- فلتر الزيت اصلى .. 55ج
3- سير المجموعة اصلى .. 375 ج من العالمية (اول مرة اغيرة من الزيرو و كان طالع معقول بصراحة ) (فى نوع يابانى تانى 220 ج) ... كل الاسعار غليت فحت
4- فلتر البنزين اصلى .. 350 ج من العالمية (كان ب 250 من كام شهر و كان فى نوع اتحاد اوروبى ب 175 ج)
5- فلتر التكيييف (كوبى الاصلى 175) كنت اشتريته بس ماتغييرش لان اللى فيها طالع نطييف جدا وللعلم فقط اللى راكب ده هو الزيرو بتاعة العربية ... (الاصلى ب 350ج)
6- كشفنا على العفشة من قدام لان فيها دبة و غيرنا تيش الميزان الامامى الاتنين ب 300 ج (كوبى الاصلى ) لان الاصلى ب 650ج و غيرنا بيض الطرف الاتنين ب 270 ج نوع يابانى اسمى 555 لان الاصلى ب 600 ج لكن للاسف الدبة مارحتش لكن الثبات رجع لحالة الزيرو تمام كان 90% و بقى 100%
7- غسيل السربنتينة و مراجعة السوائل و رجلاش الفرامل الخلفية و تنطييف الموتور
8 - الشغل اللى تعمل بحرفنة جامدة جدا و شغل سريع جدا و الاسطى ابرهيم .. حافظ العربية كويس و دفعت فى كل دة 110 ج فقط ... شكرا الى المهندس هانى

ثالثا: ما تم تغييرة فى السيارة من الزيرو
1- زيت موتور و الفلتر كل 10 الى 15 الف وفى جميع الاحوال الزيت لا ينقص عن ال full حتى بعد 15 الف
2- فلتر الهواء تم تغييرة على 30 الف و اشتريت k&n و يتم غسلة بالماء كل 10 الاف حتى الان (كان ساعتها ب 400ج) وسوف اقوم بتغييره على 150 الف ان شاء الله
3- البوجيهات تم تغييرها على 45 الف و كانت لسة بخيرها يعنى كان ممكن تكمل لغاية 60 الف بالميت و جيبت بوجيهات ارديوم NGK كانت ب 250 ج ولغاية اليوم العربية سحبها احسن من حالة الزيرو وسوف اقوم بتغييرها على 150 الف ان شاء الله
4- فلتر البنزين تم تغييرة مرتين على 65 الف و جبت ساعتها الاوروبى ب 150ج والمرة دى هى التانية
5- تيش الميزان الخلفى على 65 الف .. كان عامل صوت تكتكة خلفية مع المطبات و تيش الميزان الامامى على 100 الف
6- المساعدين الامامى على 90 الف تقريبا علشان اليمين كان جايب زيت
7- اخيرا بيض الطرف الامامى على 100 الف
8- البطارية تم تغييرها بعد 4 سنين
9- الكاوتش على 90 الف و جبت yokohama C drive
10- سير المجموعة اصلى على 100 الف
11- زيت الفتيس على 80 الف --- فالفولين MAX LIFE
12- تيل الفرامل عل 65 الف و جبت نوع اسبانى كويس جدا اسمة Road house ب 220 ج و لسة شغال ولسة بدرى عليه و للعلم ان التيل الاصلى اسبانى ب حوالى 500 ج

كنت ناوى اغير زيت الفرامل و زيت الباور و المياة الخضراء على 100 الف لكن بالكشف عليهم المهندس قالى مش محتاج .. السوائل ممتازة ومافيش صدا و الحمد لله ودى السوائل الاصلية من الزيرو

العربية سحب و ثبات و فرامل بحالة الزيرو الحمد لله باستثناء الدبة من الامام واعتقد(قراءت من المنتديات الامريكية) بسبب كاوتش الميزان الامامى نشف و عايز يتغيير

ان شاء الله انتظروا منى تقرير جامد بالصور بالاشياء المتشابهه بين المازدا 3 و بين الفورد فوكاس II

المشاركة الأصلية كتبت بواسطة Thebutcherr

لطنابير قضية خسرانة انا عامل 115000 و غيرتهم 3 مرات اتنين اصلى و مرة اسبانى لا انصح بالتغيير لان بعد 30000 بالكثير هترجع تبوظ تانى
للاسف مفيش كاوتش ميزان امامى ليها
ليها مغيرتش ميزان امامى فورد؟

بالنسبة للطنابير انا مش هاغيرها الا لمل تبوظ خالص و سوف ابحث عن الطنابير ال brand names زى ال EBS
فى منها العادى و فى منها الرياضى

اما لكاوتش الميزان ففى كاوتش ميزان امامى و خلفى و دى صورهم




وده موضوع بيشرح تغييرهم ازاى
How To: Replace Front Sway Bar Bushings