يا جماعة اية الفرق بين الكربرتير و النجيكشن و هل فعلا اانجيكشن اوفر جامد فى البنزين
و لو فعلا اوفر هل من الممكن تعديل العربية علشان تبقى انجكشن بدل كاربراتير
و اعذرونى لقلة معلوماتى لانى لسة مبتدأ و الجو الافادة
عرض للطباعة
يا جماعة اية الفرق بين الكربرتير و النجيكشن و هل فعلا اانجيكشن اوفر جامد فى البنزين
و لو فعلا اوفر هل من الممكن تعديل العربية علشان تبقى انجكشن بدل كاربراتير
و اعذرونى لقلة معلوماتى لانى لسة مبتدأ و الجو الافادة
بالتأكيد الانجكشن اوفر من الكابراتير واريح فى الصيانة , انا عندى التويوتا ال 1300 بتستهلك بنزين زى الدايو 1500 شوف انت بقة الفرق عامل ازاى...
للاسف مينفعش تقريبا والافضل انك تشترى موتور انجكشن هيبقا اريح بكتير من انك تعدل موتورك الكاربراتير.
الانجكشن اوفر في الاستهلاك من الكاربيراتير.
ممكن تغير من كاربيرتير لانجكشن لو كان موتور عربيتك نازل منه انجكشن بتحتاج تششيل وش السلندر كله و تجيب وش سلندر انجكشن برشاشاته بكل حاجته. زي مثلا ال 132 كده فيه منها كاربيراتر و انجكشن و ممكن تغير بينهم و موتور الشاهين برضه نفس الشئ بس ال 1400
بس يا شباب انا سمعت ان الأنجكشن ليه مشاكله برضه
و لما جيت اشترى موتور للفولفو جديد كل الميكانيكيه قالولى اوعى تجيبت انجكشن علشان مشاكله
هات كاربراتير علشان تريح دماغك
و بصراحه مع الكاربراتير مش مستريح برضه
المشكله ان الانجكشن مش كل الفنيين بيفهمو فيه غير كده لازم تحط بنزين 90 او 92 كمان غير بقي مشاكله و عدم وجود الخبره في صيانته
طيب مشاكل الأنجكشن ايه؟
لو مثلآ ظبطت الأنجكشن فى التوكيل مره واحده هل كده هريح دماغى ؟؟
يعنى مثلآ الكاربراتير بصراحه محدش عارف يظبطه و بحط 90 و عمرى مافكرت احط 80 فمش دى هتبقى المشكله لكل الناس
يعنى الكاربراتير كل شويه يتظبطله هوا و سلانسيه و كهربا مقدمه و كهربا مأخره
هل الأنجكشن كده برضه
لو الموتور نضيف و الانجكشن مافيهوش مشاكل و ظبطه في التوكيل زي ما بتقول يبقي ايه المانع حيبقي كويس اوي طبعا وبالنسبه للفولفو حيوفر معاك جامد انا عارف استهلاكها كويس عامل ازاي ربنا يكون في عونك
لا طبعا الانجكشن لو الموتور نظيف هيقلل زياراتك للميكانيكى تماما لانه بيظبط مواضيع الهوا والسلانسيه والبيكات والكلام دة لوحده , بس برضة ليه عيوبة ولكن هو اريح كثيرا من الكاربوراتير.
يا جماعة برضة عشان الكلام يبقى واضح
الراجل اساسا عيز يوفر بنزين عشان الفولفو استهلاكها رهيب
عشان يبقى على نور لازم ياخد باله
الانجكشن أو الحقن هايوفر شويه
بس مش بالدرجة
يعنى لو 1 لتر بيعمل معاه 6 كيلومتر
مع الانجكشن ها يبقوا 6.5 أو 7 بالكتير
العربيه اصلا موتورها كبير
الانجيكشن مش أوفر فى البنزين والامثله كثيره
ماتريكس استهلاكها عالى جدا
لانوس استهلاكها عالى جدا
ماتيريا استهلاكها عالى
التطور اللى حصل فى محركات السيارات لم يؤثر بدرجه ملحوظه على الاستهلاك فما زالت السيارات تستهلك ارقاما لا تقل كثيرا عن ذى قبل فمثلا تويوتا عيون استهلاكها يعادل تويوتا الجديده حوالى 360 فى الصفيحه بدون تكييف رغم ان العيون كاربراتير والتانيه انجيكشن
مثال آخر بيجو 405 كاربراتير 1600 استهلاكها (والله العظيم ) أقل من لانوس 1500 انجيكشن
على فكره الامثله السابقه عن تجربه شخصيه
بس حضرتك انا مجرب الكورولا 95 و الكورولا 2004 فرق شاسع في الاستهلاك بصراحه.
الف شكر يا جماعة على المعلومات الجامدة دي و انتوا طلعتوا بجد اساتذة
اسمحلى انا كان معايا ال كورولا ال 93 وكان معايا ال 2002 وفرق شاسع فى الاستهلاك بين الاثنيناقتباس:
المشاركة الأصلية كتبت بواسطة dido
ال 93 كانت بتعمل 250 فى الصفيحة وال 2002 كانت بتعمل 290 فى الصفيحة بنزين 90 اوكتان.
لما تحب تقارن بين مواتير, قارن بين شركة واحدة, يعنى قارن بين بيجو 504 وبيجو 406 والاثنان 2000 سى سى
قارن بين اللانوس وقارن بين الدايو سليو
لو كان الكلام زى ما حضرتك بتقول مكانش مبيعات السيارات الاسيوية تزيد فى امريكا بالطريقة دى, العالم كله بيتجه للسيارات الموفرة فى الوقود ...
شوف فيات ايام ال 128 وشوف فيات ايام السيينا.
انا شايف ان معدل استهلاك اللانوس هوا تقريبا معدل استهلاك التويوتا 93 1300 سى سى كاربراتير
لانوس معابا بتعمل حوالى 250 كم والتويوتا كانت بتعمل حوالى 250 كم.
الموضوع يا جماعه ليه دخل فى اطار التوفير و البخل ده
يعنى عربيتى بحط بنزين 90 و لو معايا جديده هعمل زى باقى الناس و هحط 92
فاللى وفرته فى استهلاك البنزين هدفعه فى فرق السعر بين نوعين البنزين
القصه كلها فى ترييح الدماغ
ازاى اريح دماغى فى تظبيط الموتور و مش كل شهر اروح للميكانيكى علشان يظبط الكاربراتير
و المشكله ان عندنا ميكانيكيه عباقره محدش عرف يظبط الكاربراتير و للأسف سمعت كلام الميكانيكى و قالى فكه و انزل بيه القاهره و روح لفلان الفلانى اللى فى شارع الترعه و يعملك الأكس و الباب
سمعت الكلام زى الخايب و اجرت عربه و نزلت
أخصائى الكاربراتير العلامه زى الدكتور بالظيط طوابير و بيديلك ايصال بالكاربراتير ( منظم برضه )
ماعلينا اخد 100 جنيه و ده مش موضوعنا
لما رجعت و ركبت الكاربراتير لقيت الأكسراتير معلق
بصراحه قلبى اتحرق و هزئت الميكانيكى و لو معايا تليفون البروفيسور اخصائى الكاربراتير فى القاهره كنت اديتله كلمتين
رحت لميكانيكى تانى و فك الكاربراتير وظبطلى الموضوع و كانت المشكله ان فيه جلبه اتعملت غلط
و برضه العربيه مارجعتش زى الأول
الحمد لله على كل شئ و الواحد مابيتعلمش ببلاش
بالنسبالى مش توفير فى استهلاك البنزين زى راحه البال
انا من النوع اللى يحب العربيات الكبيره و المواتير القويه و اتعودت على كده فى الفولفو لدرجه انى زهقت اركب عربيات
و بتتكلموا عن التوفير كتير
طيب لاعربيه الجديده بيبقى فيها تكييف و طبعآ هيشتغل فهيزيد استهلاك البنزين فكده مش توفير بس ريحت بالى و مستمتع بالعربيه و التكيييف
العربيه القديمه استهلاكها كبير لكن نادر تلاقى عربيه فيها تكييف فتكون طهقان و عايز تخلص المشوار بتاعك بسرعه علشان تنزل منها
بالنسبه الحته الفلوفو بتعمل 470 كيلو فى 54 لتر
يعنى اللتر بيعمل 8.70 كيلو
ده على طريق سريع مش جوه البلد و السرعه اكتر من 100 و مش هقول كام علشان الحسد :wink:
جوه البلد مش عارف احسبها بس بتاكل بنزين كتير جوه البلد كتيييير جدآ
التويوتا اللى بتعمل 250 فى الصفيحه ممكن يكون فيها عيب بس اللى انا ملاحظه وقد اكون مخطىء ان السيارات عامه لم تتطور التطور الكافى فى شأن استهلاك البنزين وعلى فكره انا كان عندنا بيجو 504 2000 كانت بتعمل فى السريع حوالى 210 فى الصفيحه بدون تكييف ولو حضرتك سمعت استهلاك البنزين فى السيارات الحديثه ذات المحرك 2000 لن تسمع ارقاما افضل والله اعلم
1 - الأنجكشن يرفع من الكفاءه و يوفر فى أستهلاك البنزين و الكاربراتور يعطى قوه أعلى ( يعنى الكاربراتور بيجمع سرعه أحسن من البنزين )
2 - موضوع أن الموتور تبخير و لا أنجكشن مالوش علاقه برقم أوكتان البنزين المستخدم لان البنزين له علاقه بنسبه الأنضغاط فقط
3- الأنجكشن لغايه مرحله معينه من التشغيل يحدث أختناق و مايخرجش وقود أكتر من كميه معينه و دى ميزه تحافظ على المحرك ( مايفوتش ) و أنما يلاحظ عندها سماع صوت متقطع ( تفصيل ) .
4 - الأنجكشن يحافظ أكتر على البيئه
اعتقد ان موضوع استهلاك البنزين غير مرتبط فقط بالكاربراتور او الانجكشن
ولكن البنزين نفسة لة عامل كبير فى الاستهلاك
ونوعية البنزين سواء 90او 92
وايضا المحطة التى تمون منها فلكل محطة بنزين بمستوى معين
وعن تجربة فانا رايت فرق واضح فى استهلاك البنزين عند التموين من محطة لاخرى
وعى فكرة غالبية السيارات الانجكشن مكتوب فى دليل المالك الخاص بها ضرورة استخدام بنزين 95
وما يظهر المشاكل هو استخدام 90و90
أخ Voooo
كده انت مشكاتك ان الكاربرتير محدش عارف يظبطه
ممكن تجرب تغيره انجكشن
بس ده هايتكلف فلوس ووقت
يعنى هاتظبط كذا حاجه و كمان ها تفضل فتره (ممكن تكون شهور) طول الفتره عمال تظبط دى من هنا تقوم حاجه تانبة تضرب
يعنى فترة انتقاليه
و بعد كده معدل المشاكل يقل. بس برضه العربيه قديمه و أكيد ليها مشاكل غير الكربرتير
الحل التانى انك تفضل بيها كده و كل ما تحتاج حاجه تعملها
و احسن حل (فى رأيى) لو معاك بيعها و هات حاجه حديثه أو زيرو
يا استاذ sabbagh انت بتقرأ افكارى
فعلآ فكرت ابيع الفولفو بس للأسف كنت هجيب فولفو تانى و طبعآ مش زيرو بس احدث شويه
و التفكير مازال مستمر
و لو زى ماقولت حضرتك انى اغير الموتور للأنجكشن فأنا معترض لأ كده هغير دوره الوقود كلها
طيب ما أجيب موتور انجكشن و اريح دماغى بس هل هيبقى ليه عيوبه برضه و زى ماقولت هفضل فتره طويله اظبط فيه لحد لما يمشى مظبوط؟
ولا زى مابيتقال ان الأنجكشن خلال التسعينات اعطاله كتير؟ و محدش يجيب موتور انجكشن استيراد؟؟
سؤال
هو المنتدى ده بحاله كده مفيش غيرى اللى معاه فولفو ولا ايه؟
وجهة نظر فى الكارباتير والإنجكشن
الإنجكشن او حقن الوقود الإلكترونى ممكن يكون بيعمل وفر للوقود لكن ده مرتبط بأسلوب قيادتك للسيارة ، ليه الكلام دة: خلينى ابسط لكم المسألة
زمان كان فيه تليفزيون بمحول للقنوات عبارة ع بكرة كدة بتتكتك لما لما تلفها وممكن تديلك 9 قنوات على الأكثر
مع ظهور عصر الإلكترونيات اصبحت وحدة تحويل القنوات الكترونية وممكن تحول بيها اكثر من 100 قناه ، وهذا هو ما تعطيه لنا البدائل الإلكترونيةن مرونة شدية جدا فى إضافة خيارات متعددة للاداء
وهو دة اللى بيدهولنا الحقن الإلكترونى، الكاربراتير هو وحدة حقن ميكانيكة تودى دورها من خلال مجموعة من خيارات الأداء البسيطة(سير عادى، تسارع، سلانسية، تسخين فى الصباح) وتم تصميم حلول لكل خيار على حدة، (باب الكاربراتير للسير العادى، طلمب بنزين صغيرة للتسارع، شفاط يدوى او اوتوماتيك على سوستة حراية للتسخين، بيك للسلانسيه) وهى كما نرى اختيارات محدودة وتقوم بدفع كميات وقود محددة من قبل الصانع بواسطة اقطار البيكات بدون اخذ بيانات من اداء السيارة لمعرفة إذا كانت هذة الكميات صحيحة ام لا
اما الحقن الإلكترونى فهو يعتمد على برنامج سوفت وير مكتوب على ذاكرة وحدة معالجة السيارة ويقوم بأخد بيانات عديدة عن تسارع السيارة واندفاع الهواء فى مانيفولد المحرك وكمية الاكسجين فى العادم،، إلخ لتحديد الكمية الصحيحة تماما من الوقود ولذلك فهو اكثر مرونة من نظام الكاربراتير، وعلى ذلك هو اكثر طواعية لك، لو انت رجلك على البنزين ثقيلة هايديلك بنزين اكثر وتسارع اكثر ليشبع رغبتك فى الجرى ، لكن بالمقابل هايستهلك بنزين اكثر، لو انت رجلك خفيفة وراجل مقتصد هايقفل الحنفية على الآخر ويحافظلك على شوية البنزين، وبالتالى فإن الحقن الإلكترونى نظرا لمرونته الشديدة فى الإستجابة لأسلوبك فى القيادة ، يعتمد الى حد فائق على اسلوبك فى القيادة لتوفير الوقود
مفيش فرق فى الأستهلاك بين البنزين ال90 و ال92 الفرق بينهم بس فى حاجه اسمها نسبه الأنضغاط ( يعنى المحركات الجديده نسبه الأنضغاط فيها عاليه و علشان كده لازم تحطلها مثلا 92 أو 95 )اقتباس:
المشاركة الأصلية كتبت بواسطة حسام كرم
انت جبت الاخر يابشمهندس سبعاوى
اقتباس:
سؤال
هو المنتدى ده بحاله كده مفيش غيرى اللى معاه فولفو ولا ايه؟
لأ متقلقش مش لوحدك أنا عندي فولفو 740 90 وكان قبلها 240 83 بص ياباشا من تجربتي مع الفولفو متحولش تصلح فيه يعني انت كنت جبت كربراتير أستيراد وتركبه وفي ناس بتاع أستيراد بتركبلك قطعة الغيار وتجربها منفعتش بتغيرهالك أما بلنسبة للأنجيكشن بيوفر عن الكربراتير يعني أنا معايا ال 740 2300 سي سي أتوماتيك بتعمل 190 في الطرق السريعة و150 داخل البلد والأنجيكشن عندي ميكانيكي مش كهربة والكهربة بيوفر أكثر أما بلنسبة للتعديل منصحكش لأنه في شغل كهؤباء كتير وصعب ظبطه الأفضل أنك تبيع ولو كنت غاوى فولفو هات واحدة موتور 2000 سي سي أنجيكشن كهرباء