الكربراتير و الانجيكشن

**m_saad80** · 03-07-2007 03:35 PM

يا جماعة اية الفرق بين الكربرتير و النجيكشن و هل فعلا اانجيكشن اوفر جامد فى البنزين
و لو فعلا اوفر هل من الممكن تعديل العربية علشان تبقى انجكشن بدل كاربراتير
و اعذرونى لقلة معلوماتى لانى لسة مبتدأ و الجو الافادة

**Abdallah** · 03-07-2007 03:44 PM

بالتأكيد الانجكشن اوفر من الكابراتير واريح فى الصيانة , انا عندى التويوتا ال 1300 بتستهلك بنزين زى الدايو 1500 شوف انت بقة الفرق عامل ازاى...

للاسف مينفعش تقريبا والافضل انك تشترى موتور انجكشن هيبقا اريح بكتير من انك تعدل موتورك الكاربراتير.

**hazem_khidr** · 03-07-2007 07:31 PM

الانجكشن اوفر في الاستهلاك من الكاربيراتير.
ممكن تغير من كاربيرتير لانجكشن لو كان موتور عربيتك نازل منه انجكشن بتحتاج تششيل وش السلندر كله و تجيب وش سلندر انجكشن برشاشاته بكل حاجته. زي مثلا ال 132 كده فيه منها كاربيراتر و انجكشن و ممكن تغير بينهم و موتور الشاهين برضه نفس الشئ بس ال 1400

**vooooo** · 03-07-2007 08:54 PM

بس يا شباب انا سمعت ان الأنجكشن ليه مشاكله برضه
و لما جيت اشترى موتور للفولفو جديد كل الميكانيكيه قالولى اوعى تجيبت انجكشن علشان مشاكله
هات كاربراتير علشان تريح دماغك
و بصراحه مع الكاربراتير مش مستريح برضه

**hazem_khidr** · 03-07-2007 08:56 PM

المشكله ان الانجكشن مش كل الفنيين بيفهمو فيه غير كده لازم تحط بنزين 90 او 92 كمان غير بقي مشاكله و عدم وجود الخبره في صيانته

**vooooo** · 03-07-2007 09:14 PM

طيب مشاكل الأنجكشن ايه؟
لو مثلآ ظبطت الأنجكشن فى التوكيل مره واحده هل كده هريح دماغى ؟؟
يعنى مثلآ الكاربراتير بصراحه محدش عارف يظبطه و بحط 90 و عمرى مافكرت احط 80 فمش دى هتبقى المشكله لكل الناس
يعنى الكاربراتير كل شويه يتظبطله هوا و سلانسيه و كهربا مقدمه و كهربا مأخره
هل الأنجكشن كده برضه

**hazem_khidr** · 03-07-2007 09:54 PM

لو الموتور نضيف و الانجكشن مافيهوش مشاكل و ظبطه في التوكيل زي ما بتقول يبقي ايه المانع حيبقي كويس اوي طبعا وبالنسبه للفولفو حيوفر معاك جامد انا عارف استهلاكها كويس عامل ازاي ربنا يكون في عونك

**Abdallah** · 04-07-2007 12:26 AM

لا طبعا الانجكشن لو الموتور نظيف هيقلل زياراتك للميكانيكى تماما لانه بيظبط مواضيع الهوا والسلانسيه والبيكات والكلام دة لوحده , بس برضة ليه عيوبة ولكن هو اريح كثيرا من الكاربوراتير.

**أبو_حمزة** · 04-07-2007 09:59 AM

يا جماعة برضة عشان الكلام يبقى واضح
الراجل اساسا عيز يوفر بنزين عشان الفولفو استهلاكها رهيب
عشان يبقى على نور لازم ياخد باله
الانجكشن أو الحقن هايوفر شويه
بس مش بالدرجة
يعنى لو 1 لتر بيعمل معاه 6 كيلومتر
مع الانجكشن ها يبقوا 6.5 أو 7 بالكتير
العربيه اصلا موتورها كبير

**محمد ابراهيم 1** · 04-07-2007 03:52 PM

الانجيكشن مش أوفر فى البنزين والامثله كثيره
ماتريكس استهلاكها عالى جدا
لانوس استهلاكها عالى جدا
ماتيريا استهلاكها عالى
التطور اللى حصل فى محركات السيارات لم يؤثر بدرجه ملحوظه على الاستهلاك فما زالت السيارات تستهلك ارقاما لا تقل كثيرا عن ذى قبل فمثلا تويوتا عيون استهلاكها يعادل تويوتا الجديده حوالى 360 فى الصفيحه بدون تكييف رغم ان العيون كاربراتير والتانيه انجيكشن
مثال آخر بيجو 405 كاربراتير 1600 استهلاكها (والله العظيم ) أقل من لانوس 1500 انجيكشن
على فكره الامثله السابقه عن تجربه شخصيه

الموضوع: الكربراتير و الانجيكشن

LinkBack

أدوات الموضوع

عرض

-

-

-

-

-

-

المواضيع المتشابهه

الكربيراتير أم الانجيكشن؟؟

سؤال في الانجيكشن

الانجيكشن

الكربراتير و الانجيكشن

الانجيكشن

الكلمات الدلالية لهذا الموضوع

المفضلات

المفضلات

ضوابط المشاركة