استشارة من خبراء الاسكودا

**teeka** · 28-08-2008 07:44 PM

السلام عليكم ورحمة الله وبركاته
باحترم العربيات الاسكودا بصفة عامة والرائعتين A4 ، A5 ونفسى اركب منهم بسسسسسسسسسسسسسسسس
كفاية A4 على وده علشاااااااااااااااااااااا اااااااااان المصارى
بافكر اشتريها زييرو2009 مانيول (مع ان كان نفسى اركب اتوماتيك ) بـ125500 جنيه تفتكروا يكون خيار صح مع ملاحظة ان 2009 اخر سنة صنع للعربية فهل ستتوافر قطع غيارها !!! وبخاصة ان قطع الغيار فىa4 تتركز فى التوكيل ، وفى الحالة دى هل تكون اعادة البيع كويسه
اسف على الإطالة وأرجو الافادة وشكر مقدما

**teeka** · 29-08-2008 04:16 PM

السلام عليكم
انا شايف لحد دلوقتى 15 قراءة ودون اى رد
هو سؤالى صعب للدرجة دى
فكروا معايا محتاج اراكم وبسرعة

**MOHAMED ABD EL SHAFY** · 30-08-2008 12:28 PM

قطع الغيار إن شاء الله بتكون موجودة
فيه محلات قطع غيار شغلهم الشاغل بس انهم يجيبوا قطع غيار للاسكودا ويبيعوها عشان يكسبوا منها
والتوكيل بيفضل موفر قطع غيار للسيارة
موضوع الخيار انك تجيبها زيرو 125 الف موديل 2009 فبصراحة دى بتكون راحه شخصية للسيارة واستعدادك المادى يعنى انت اقدر واحد تحدد ذلك بس لو انا مكانك ومقتنع بالسيارة اجيبها موديل 2008 كسر زيرو بكدا تضرب عصفورين بحجر
نفس الموديل 2008 و2009 مش فارق تقريبا فى حاجة
توفير مبلغ لابأس بة من 15 الى 20 الف تشيلهم على جنب لصيانة السيارة 5 سنيين قادمة
دا تفكيرى الشخصى

**teeka** · 30-08-2008 04:40 PM

السلام عليكم
شكرا Mohamed على الرد وكفاية انك الوحيد من 22 واحد ردت على فكرة بيان منتدى الاسكودا بخلاء شوية
كلام جميل بس للاسف ماحدش معاه 2008 من A4 وبيفكر ان بيعها
ياريب لو حد يدلنى على A4 كسر زيرو 2008 وياسلام بقه لو كانت اتوماتيك
شكراااااااااااااااااا

**momenhamdy** · 30-08-2008 04:53 PM

يا استاذي الفاضل طبعاً العربية الاوكتافيا ال A4 عربية رائعة بس الي انا عايز اقولهولك ان العربية الوقتي مافيهاش جديد غير مانيوال و مفيش 2009 اتوماتيك خالص بس ممكن تشوف لو خليجي لكن بالنسبة للتوكيل مش بينزل اتوماتيك و ده الكلام من فترة مش قصيرة

**MOHAMED ABD EL SHAFY** · 30-08-2008 05:08 PM

تابع الاهرام والوسيط هتلاقى
فيه ناس كتيير بكونوا مثلا مسافرين او مهاجرين او بيمروا بظروف وعاوزين فلوس كاش فبيبيعوا
وممكن تشوف المعارض وتوصي عليها بس تبقى عارف رينج السعر كويس
وعشان السيارة لسه جديدة ومطلوبة فتلاقيها شاححه شويتين فى البيع بس انشاء الله هتلاقى