الموضوع: التكييف باظ تانى يا جدعان :(((

المشاركة الأصلية كتبت بواسطة wama00

اوحش تكييف بتاع الاوبل,,,, واحد بتاع تكييف وكمان واحد تانى ميكانيكى قالى ما حدش من بتوع التكيفات بيحب يشتغل فى الاوبل بجد العربية ديه انا كنت بعشقها لكن كرهتها بعد كدة
كانت برضة نفس النظام التكييف شغال زى الفل تلاجة ومره واحدة الدنيا كلها وقعت مع بعض التكييف باظ والعربية بقت بتسخن وتعدى ال 100 وحاجة صعبة اوى

كلامك صح ..صنايعيه التكييف مش بيحبوا يشتغلوا في الاوبل . بس مش معني كده عيب في تكييف الاوبل. المشكله في الصنايعي اللي مش عارف يشوف شغله كويس..
-تكييف الاوبل لو فابريكه اداؤه رائع .لاتقولي ياباني ولا اي حاجه تانيه .
-بس عك الصنايعيه هو اللي بيدخلهم في طرق مسدوده ويفضل يجرب ويلحم ويلصم ويعدل كل ده علي حساب الزبون وفي الاخر يقولك ..شد حيلك .تعيش انت يا حاج . تكره الاوبل وتكييفها والدنيا باللي فيها . مش ده اللي بيحصل ؟.
-بالنسبه للتكييف نفسه . زيه زي معظم الاوروبي في فتره انتاج الموديل . شجره التكييف امام فرن الشكمان وده اللي بيسبب مشاكل في النشجره وحساساتها بعد سنين من الاستخدام , وحلينا المشكله دي بعزل الشجره بالصوف الزجاجي والغاء حساسي الشجره
-جربت تكييف الاوكتافيا الايه 4 ؟؟ تكييفها فظيع جدا في تبريده وسريع كمان . السبب من وجهه نظري ان مصمم الموتور حط فرن الشكمان ورا في صدر العربيه ومانفولد السحب قدام (الموتور الsr) وده خلي الشجره بعيده عن مصدر الحراره . بس تعالي شوف امبير الحراره ..مابينزلش عن 90د وده الطبيعي فيها !!! وموتورها 1600 سي سي كامه واحده !!! يبقي احنا في نعمه ولا لا؟؟ تقبل تحياتي