الحقونى "ماتور راح راح راح " بترا 1600cc

**mishoooonline** · 09-07-2013 07:20 PM

متور اي اللي سعره رخيص
انا سألأت ولقيت السعر من 4000/6000ج
ومش عارف اي النظام ف الماتور ولا مشي اد اي
هو لو زيرو انا موافق .....لكن مفيش
يبق هشتري متور واجرب وبعد 10000كم مثلا الاقي بدا يهيس
يبق حرام

وبالنسبة للميكانيكي ف ده مهندس كان شغال ف توكيل فيات وعمل محل لوحده
اسمو جابر ف اسكندرية / شارع وينجت ----هو حراق ف المصنعية لكن شغلو نضيف

**mishoooonline** · 09-07-2013 07:30 PM

المهم اا عاوز اعرف اسعار حبه حجات كدا ياريت لو حد من القاهرة يقولي

1- سيكة كرنك 010
2- سبيكة بيل 010
3- سبيكة كامة 010
4- قمرات
5-طقم شنبر استاندرد
6-طقم جوانات
7- بلية دبرياج
8- طرمبة زيت
9- طرمبة مياه

ارجو الرد بسرعة للاهمية

**Ahmed Nasser** · 14-07-2013 09:33 PM

ياباشا ازاى هتجيب سبايك 010 وتجيب شنبر استندر
وبعدين اية هية القمرات دى؟؟؟؟؟؟

وبالمناسبة الحجات دى هتعمل 1000 ج

**buddha** · 14-07-2013 10:05 PM

بلاش عمرة

خد ميكانيكى معاك ودور على موتور استيراد افضل

**mishoooonline** · 16-07-2013 04:01 PM

الشنبر استاندرد علشان البساتم سليمة معملتش فيها شغل
قررت انى احط شميز جديد بدل ما العب ف البساتم

بالنسبة للسبايك انا طبعا هنضف الكرنك طبعا ف المخرطة هتفرق شويه "استاندرد" هعوض الفرق ف السبايك هجبها اكبر سنة وتتظبط ف الخراطة

اما القمرات دي مش هعرف اوصفها بصراحة لانى مشفتهاش وخليت الخراط يجبلي الحاجة دي لانى دوخت عليها ف اسكندرية فخليتو يتعامل
طقم سبيكة كرنك +بيل+كامة+قمرات عمل 425ج
طقم شنبر استاندرد عمل 475 وده جاه من القاهرة طبعا بمصاريف النقل
طقم جوانات بالاولسيلات و.... عمل 350ج

**mishoooonline** · 16-07-2013 04:41 PM

وبعدين كملت باقي الشغل
فكيت طقم دبرياج "دسك سليم والاسطوانه عاوزة تتملي" + ترس فولالم عاوز يتجلخ "يعنى اي يتجلخ معرفش "هههههههههههههههههه
المهم مليت الاسطوانه ونضفت الدسك وجلخت ترس الففولام ب 80ج +45 بليه دبرياج= 125ج
اشتريت بالمرة طرمبة زيت ب 220ج
طرمبة مياه جديد + فارغة بتاعتها اللي ركبه ف الماتور ب 380ج
فلاتر "زيت + هوا+بنزين"ب 100ج
طقم سيور "بور +تكيف+دينامو" 150ج
بليه شداد 60ج
كوعة مياه 70ج
مياه زرقا + مانع صدع +بنزين للتنضيف الماتور = 160ج
سلك كهربا للدينمو 100ج
حبه حجات كدا رفايع
المهم اجمالي قطع الغيار اللي جبتها كلها عملت تقريبا 3000ج

وحساب الخراط والراجل اللي صلحي وش السلندر 1000ج

ااجمالي اللي انا صرفته لحد دلوقتى 4000ج

**mishoooonline** · 16-07-2013 04:44 PM

فاضلي حساب الميكانيكي؟؟؟؟؟؟؟؟؟؟؟؟

وبعدين مصاريف التلين

**mishoooonline** · 16-07-2013 04:46 PM

انا عارف ان قطع الغيار ف اسكندرية غالية
وكانت هتعمل معايا اقل ف القاهرة

منهم لله بتوع قطع الغيار اللي بيستغلو الناس

**Ahmed Nasser** · 17-07-2013 12:43 AM

مع انى ضد الخراطة فى الشمايز والكرنك
بس يلا ربنا يعوض عليك ويبركلك فية

الموتور كامل بدون فتيس فى القاهرة(الوكالة) عامل حوالى 3500ج

**mishoooonline** · 17-07-2013 02:46 AM

هي المشكلة انت تقدر تضمنى المتور ده هيعد معايا قد اي "طبعا بامر الله"
لا قولك ع التجربة اشتغل يبق فل مشتغلش ترجعهولي
انا جبت حجات كتير مستعمل وبعد كدا الدنيا تبوظ
ولما فتحت لقيت متوري نضيف من جوة ومحتاج حبة شغل
هيكلف كتير اه -- اكتر من المتور المستعمل يمكن/اكيد
بس هبق ضامن المتور ههتم بي