أفضل سيارة جديدة مابين 130 و 145

**k_sedy** · 07-07-2013 12:32 AM

السلام عليكم ورحمه الله وبركاته
انا بقالي شهرين عمال ادور في المستعمل لغاية لما زهقت
انا كان نفسي في كورولا مستعمل بس علشان انا في اسوان المعروض قليل جدا
المبلغ اللي معايا 80 الف
بفكر أقسط في اي بنك وأجيب حاجة في رينج 130- 145
ولا أضغط علي نفسي أجيب كورولا بس هيطلع عيني في الأقساط
يا ريت تفيدوني بخبرتكم
لاني اول مرة هسوق عربية
والمفروض بعد ما اتمكن من السواقة هروح بيها الشغل اللي يبعد 60 عن البيت
جزاك الله خيرا مقدما

**ahmedteam** · 07-07-2013 01:55 PM

لو اول عربيه ليك يبقى بلاش زيرو علشان هتتعلم عليها و هتتحك منك و كده

ممكن تبدأ بحاجه زى فيرنا او لانوس او اكسنت و بعد كده جيب اللى نفسك فيه على قد فلوسك و ابعد عن القسط

**Ahmedelwakil07** · 08-07-2013 02:28 AM

المشاركة الأصلية كتبت بواسطة ahmedteam

لو اول عربيه ليك يبقى بلاش زيرو علشان هتتعلم عليها و هتتحك منك و كده

ممكن تبدأ بحاجه زى فيرنا او لانوس او اكسنت و بعد كده جيب اللى نفسك فيه على قد فلوسك و ابعد عن القسط

+11111111111111
مع رأي الباشا
ابدأ بحاجة مستعملة بحالة كويسة او جديدة بس متكونش غالية عشان انتا لسه بتتعلم والعربية هتتحك وتتخربش وصدقني العربية الجديدة بتصعب علي الواحد
لو الطريق عندك ممهد كويس واسفلت ومفيش مطبات قذرة (سوري في اللفظ يعني) توكل علي الله وهات فيرنا وعن تجربة عربية ممتازة وسريعة وقوية وتكييف ثلاجة بجد وصيانة سهلة ومعقولة في قطع الغيار
وكمان لو هتجيب جديد فكك من الكرولا
خليك في لانسر او سوبارو واسئل بردو وان شاء الله الخبراء يفيدوك اكتر مني :)
وتحت امرك في اي استفسار في لانسر او فيرنا وان شاء الله افيدك

**k_sedy** · 08-07-2013 02:50 AM

شكرا جدا للاهتمامكم يا رجاله
انا فكرت زيكم في موضوع المستعمل بس بسبب اني في اسوان ملقتش حاجة عدلة
وفكرت في الفيرنا واللانوس بس انا مش بحب البيع والشراء يعني مش عايز كمان سنتين ابيع
بزهق بسرعة وبقفل وممكن ابيع العربية بالرخيص علشان اخلص من وجع الدماغ والدنيا هنا في اسوان مملة جدا في البيع والشراء
انا زودت الرينج اللي بتكلم فيه يعني ممكن لغاية 170 ألف
في واحد صاحبي بيقنعني بالكارينز الشكل القديم خاصة اني طويل 190 سم
انتم ايه رايكم
وانا صراحة بحب الكورولا
وحيران جدا والرينج ده فيه عربيات كتير وموديلات كتير
يا ريت تساعدوني