الموضوع: فرش جلد للريو من عند جينز كار

مبروك عليك الفرش الجميل ده صراحة اللون ده روعة انا عاجبنى جدا ونفسى اعمله بس تقريبا ممكن مايلقش اوى انا لون عربيتى نبيتى والفرش الجلد فى التابلوه والابواب والطاره اسود فاغالبا اكتر حاجة حتليق انى اعمل فرش اسود فى نبيتى على خفيف كدا

المشاركة الأصلية كتبت بواسطة m7md87

مبروك عليك الفرش الجميل ده صراحة اللون ده روعة انا عاجبنى جدا ونفسى اعمله بس تقريبا ممكن مايلقش اوى انا لون عربيتى نبيتى والفرش الجلد فى التابلوه والابواب والطاره اسود فاغالبا اكتر حاجة حتليق انى اعمل فرش اسود فى نبيتى على خفيف كدا

ومين قاللك ميلقش اذا كان انا قبل ما اجيب عربيتي اتفرجت على عربية توب لاين خليجي اللي فيها البصمة والتكييف التتش والفرش جلد فابريكه كانت لونها نبيتي والفرش كان جملي..... انت ممكن تعمل الفرش لونه اسود والخياطه نبيتي .... وبلاش تعمله لونين .... اللون الواحد احلى خصوصا انك سيدان ....

الجملى فى الخليجى شكله فعلا روعة بس اعتقد هو لايق علشان التابلوه والابواب بيكونوا نفس اللون وانا فى حالتى صعب اغير لون التابلوه والابواب بالنسبة للفرش الاسود انا اللى مخوفنى منه انه حيمتص حرارة جامدة
الخيط النبيتى حلو انافى الاول قلت بلاش الاسود فى نبيتى عشان احيانا بحس انه مش شيك اوى بس شوفت صور لواحد معاه جين تو وعامل اللونين ممعند جينز كار صراحة شكله كان وهمى فا عشان كده فكرت انى لو روحت جينز كار اعمله

ياباشا بالنسبه للحراره معاك حق بس ليها حل ..... ستاير او فاميه حتى لو شفاف ولما تيجي تركن حط حاجة تحت البرابريز اللي قدام ومش هتحس باي حاجه ...... انت بس خلص صيانة الالف واستمتع شويه باكياس وريحة الفابريكه واطلع على جينز كار واعمل حسابك في الفين جنيه ...... وانت هناك هتلاقي استاذ عبدالفتاح ده استاذ في اختيار الالوان ... وقله بس انا جايلك من طرف م عمرو اللي عمل عندك الريو السيدان الابيض والفرش البني .......وهو هيظبطلك اللون

انا عامل فيميه وسط على الابواب وبحط الكفر اللى بيحمى من الشمس فعلا على البربريز لان العربية مركونة على طول فى الشمس وطبعا مش عارف اشغل التكييف قبل التليين انا كنت ناوى اطلع القاهرة اهو اعملى كده 500 كيلو واخلص من حوار التليين ده عشان انا حفيص من الحر خلاص لو ربنا يسر الحال وجالى فلوس حقولى انى تبعك عشان يظبط الكلام الف شكر ليك

المشاركة الأصلية كتبت بواسطة eslamrace

كالعاده شغل عالى من جينز كار عقبال منشوف فرع فى الاسكندريه علشان نقدر نتظبط زي سكان القاهره.

والله الفكرة دي جت على بالي .... وكنت عاوز اقترح عليه الكلام ده مع اني من سكان القاهره بس ليه ميكونش ليه فرع في اسكندريه ....وخصوصا ان شغله نضيف اوي يعني وسمعته سبقاه في مصر كلها مش في القاهره بس

طب ما تقترح عليه يمكن ينفع وتوفرلنا المشوار ده وانا يا عم اول زبون حاجز من دلوقتى هههههههه