الموضوع: تغيير كاسيت الصني

[overline]السلام عليكم
احلي سلام علي احلي اعضاء
انا بقالي فتره بفكر اغير كاسيت الصني ٢٠٠٩ الكلاريون ودورت كتير في القسم عن تجارب الاعضاء لكن لم اجد شيء عن الكاسيت فوصيت خالي في امريكا انه يجيبلي كاسيت
وجبت كاسيت بايونيير deh-150mp
و نظرا لعدم وجود مواضيع عن قصه الكاسيت حبيت انقل لكم شرح وافي لكيفية التركيب


و روحت لكهربائي محترم جدا و كانت الخطوات كما يلي:-


اولا: فك هوايات التكيف و زرار الانتظار و علي فكره دول كبس مش بمسامير

ثانيا: فك الفيبره اللي تحت زراير التكيف و دي برضو كبس

ثالثا: فك اربع مسامير وطلع الجزء الخاص بالكاسيت و العلبه اللي تحت زراير التكيف

رابعا: فك الكاسيت القديم الكلاريون وكان مربوط بمسمارين من الجنب اليمين و مسمارين كمان من الجنب الشمال وعلي فكره التوصيلات مفيهاش سلك ارضي يعني الارضي بيتاخد من الراديو

خامسا: قص الكبل القديم و قام بتوصيل الكابل الجديد و ده اللي كنت خايف منه لكن لقيت الموضوع شبه سهل و كان كل سلك ليه لون بيتوصل بنفس لون السلك في الكابل الجديد و لف لصق علي سلك لوحده طبعا و كمان كابل الراديو بيدخل في مكانه و كما ذكرت ان مفيش وصله للارضي يعني السلك الاسود مش بيتوص بحاجه و قفله بشيكرتون

سادسا: ربط الكاسيت الجديد بنفس المسامير اللي كانت في الجنبين اليمين و الشمال و كان في طريقه تانيه بس معجبتنيش و هي تثبيت فريم مستطيل الومنيوم و دي تعتبر قاعده الكاسيت بحيث يتشال و يتوكب بدون مسامير لكن لقيتها مش عاجباني لان تابلوه الصني عموما فيه حته بومبيه كانت مخليه المنظر مش حلو

سابعا: و اخيرا رجع كل حاجه زي ما كانت و اشتغل الكاسيت الجديد و عاجبني شكله جدا و الاضاءه بتاعته جميله

وخلصت الموضوع ده في اقل من نص ساعه مع اني كنت خايف جدا و هي دي تجربتي مع تغيير كاسيت الصني[/overline]

مبروك