ياريت حد يفيدني ونصحني بالاسبرانز والاسبارك عشان تعبت ارجوكم
عرض للطباعة
ياريت حد يفيدني ونصحني بالاسبرانز والاسبارك عشان تعبت ارجوكم
واضح ان مفيش حد بينصح حد بس انا بقي هروح للمضمون واجيب شيفورليه اسبارك وكل عام وانتم بخير
أحسنت الأختيار والشراء
إبعد عن الإسبيرانزا وغنيلها
سبارك تكسب حد عنده كلاااااام
فعلا سبارك احسن من الصينى
كنت متوقع الرد شكراااااااا
انا بفكر زيك اجيب اسبرانزا 113
بس بصراحه عمري مافكرت اجيب سبارك دي
مش عاوز اعمل زي ناس هنا واهاجم عربيات وخلاص
بس بصراحه عربيه بناتي اوي وتصميمها مش حلو وشكلها مش عاطفي خالص
وكمان سمعت ان سحبها وحش والتكييف بياثر جامد عالموتور
بصراحه انا اللي توصلت له لغاية دلوقتي ان مافيش عربيه فالفئه دي زي ال113 نهائي
اجمد تصميم واحلي شكل وحتي الكماليات كلها ممتازه
كل الفكره ان الناس ( وانا منهم وانت كمان) مقلقين من الصيني !!!!
ربنا يوفق الجميع
بصراحة سألت اكتر من واحد معاه اسبارك شكر فيها وان سحبها كويس جدا وناعم وبخصوص التكيف اكيد اي تكيف بيأثر علي الماتور المهم ازاي تستعمله موضوع بناتي مفيش بناتي ورجالي ما الشاهين واللاددا في بنات وستات بتسوقها المهم تجيب العربية اللي مرتحلها نفسيا وفي راي المتواضع اجيب حاجه مضمونه ليها اسم وتوكيل معروف وماركه ولا حاجة لسه تحت التجربة مش معروف عمرها الافتراضي وانا معاك الاسبرانز عربية تحفه وكمليتها تبهر اي حد بس انت قولت ايه
انا مثلا عاوز عربية فئة متعديش 1000cc عشان كتر استعمالي والبنزين الغالي كل واحد حسب استهالكه واستعماله وشكرا وبالتوفيق
نصيحة لوجه الله تعالى
بثمن السبارك ممكن تشترى سوزوكى التو كاملة وممكن اوتوماتيك كمان ومش محتاج حد يكلمك عن اليابانى بدون تفاصيل من خامات وتقفيل وتكييف واعتمادية
استخير ربنا وباذن الله يوفقك لله فيه الخير لك
بصراحة ركبت الالتو مع واحد زميلي لقتها ديقة اووووي عن الاسبارك وبعدين كاويتش الباب بدأ يقع
ana kont me7tara kida weshtaret el A113 1300 CC shaklaha to7fa, we fe3lan el spark de aslan Daweoo Matiz a very poor car. 1000 CC, nafs el shakl
الاسبارك هي الدايو ماتيز بشكل جديد .. سيارة موتورها ضايع - سعرها عالي جدا عليها - كماليتها صفر ... و تكيفها اي كلام و ده عن تجربة .
يمكن الشيء الي يشفعلها ان تقفيلها نضيف .
الالتو اضيق سيارة في فئتها " كنزة " و لا تمس لليابان بصلة سوى الموتور .. و هي تصنيع هندي بالكامل .
الاسبرانزا A113 افضل سيارة في هذه الفئة السعرية عن تجربة باسشتناء العفشة .. العفشة متعبة جدا و لكن بخلاف ذلك كل شيء في السيارة جميل جدا و افضل الف مرة من الاسبارك و الالتو .
اسبرانزا احسن
شكرا علي الردود بس الصراحة انا جبت هيونداي اتوس الموديل القديم 2000 بصراحة الحمد لله زي الفل مريحاني خالص
i will buy speranaza.....conedrning the shape,the accessories ,the ,,,,i want someone who bought it already and tell us
!!!!!!!!!!!!!!!!!!!!!!!
بالتوفيق ان شاء الله
يا ريت يا جماعه الى عندهم فكرة عن تجربه يفدونا فى موضوع المقارنات دى لان الواحد محتار بين
الاسبرنزا 113
سبارك
التو
تقريبا التلات عربيات فى نفس رنج السعر
شكراا
لو بتقارن بين الثلاثة دول بس هات اسبرانزا سبارك جربتها اصغر في الحجم وابشن اقل والالتو العرض ضيق والفنش مش حلو الاسبرانز اوبشن جميل بس بردو فنش مش تمام وده اللي خلاني استبعدهم كلهم واجيب هيونداي اتوس
وبالتوفيق
شكرااا semsem85 للرد
بصراحه انا بقارن بين التلاته دول ( a113 و التو و سبارك ) لانى شايف انهم اقل سعر عربيات زيرو فى السوق والتلاته فى رينج بعض
ولا حضرتك ليك راى اخر
نرجو الافادة
انا بقى عندي الـ a113 ومرتاح فيها جداً سحبها حلو مع التكييف والمتور بتاعه حلو هي بس في شوية هفوات بسيطه جداً في التقفيل بتاعها ودا طبعاً ان تقفيلها في بلدك الجميله مصر
كنت مره بظبت حاجه عند الكهربائي ( كهربائي جامد جداً ) وقاللي ان العربية دي مش عيبها ان هي صيني ولكن عيبها ان تقفيلها مصري زي اي عربيه تقفيلها مصري وقاللي ان المشكله اللي كانت عندي موجوده في عربيات كتيره تقفيلها مصري.
نصيحه لوجه الله لو مش حتشتري الاسبيرانزا متشتريش الاسبارك قطع غيارها غاليه وحجمها صغير وشكلها مش حلو ، عايز تشتري عربيه حلوه وبنفس سعرها جيب هيونداي I 10 عربيه تحفه يعني لو مش اسبيرانزا يبقى I 10 .
شكرا mero للرد
بس افتكر ان فيه فرق فى السعر كبير بين ال a113 , ولا i 10
ولا ايه رايكم عاوزين اراء كتير من الاعضاء
هات دايهاتسوا شاريد 2007 اتوماتيك و جميع الكماليات بحوالى 50 الف .
و سيبك من كل العربيات التعبانة دى .
لا دى ولا دى ولا دى هات هيونداى i 10 برقبتهم كلهم
شكراا للرد
بس عاوز وحضرتك والاعضاء الكرام تفيدونى من ناحيه ظروفى انا عاوزها زيرو وقسط مانيوال فول اوبشن فا عندنا
a 113 تقريبا 53000
السبارك تقريبا 52000
التو 800cc تقريبا 53000
هيونداى اتوس تقريبا 52000
ااما ال I10 تقريبا 61500
عشان كدة انا خرجت ال i10 من اختياراتى
نرجو من الاعضاء مساعدتنا فى الموضوع المحير دة
على انى معجب جداا بشكل ال a113 بس يا ريت الناس تطمنا لان كله بيشكك فى الصينى
شكرااا
اسبارك ضيقة جدا موتور صغير ضعيف توكيل غالى جدا كماليات محدودة اما ال113 واسعة موتور كبير كماليات كتير وكيل رخيص ومحترم سيارة منتشرة
shokran lelsada al a3da2 ana hageeb speranza ,7add y2olli a3mel eih we aroo7 fien?
طيب لو محتار علي فكرة انت عامل زي لما كنت هتجنن بصراحة اللي خلاني اجيب اتوس موديل 2000 او حاجة السعر محدودد معايا كنت هجيب اسبرانز وقسط وجربت العربية اكترمن مرة وبجد تحفه بس انا قولت كمان سنتين اربع سنين هتكون العربية اتجربت وسعرها حسب السوق يما تغلي يترخص زي موضوع الدايو لو تفتكر من 10 سنين كان 39 ألف زيرو قولت اريح دماغي واجيب حاجة مستعملة امشي حالي ولو اكتشفت ان الاسبرانز وصلت للدايو يبقي نشتري اسبرانزا عشان كده نزلت السوق ولفيت ولقيت الاتوس القديم عربية مناسبة من حيث الاتساع من الاتوس الجديدة حتي ومن الاسبارك والالتو والشاريد والكليسيا ومن الماتيز عربية استهلاكها قليل وتكيفها تحفه يعني متتسرعش خصوصا في العربيات وربنا يوفقك
متشكر جداا ليك يا سمسم
بس المشكله فى القديم انوا عاوز فلوس كاش عشان كدة انا عاوز اجيب قسط يعنى زيروو
طب هيا الاتوس المستعمله تعمل فى حدود كام؟؟؟
انا جبت اللي معايا 2000 ب 33.5
بس من28 ممكن تجيب 98
يا استاذ tito الهونداي I10 مش بـ 61500 بقت بـ 56500 ج يعني فرق بينها وبين الاسبيرانزا 3500ج تقدر تدبرهم لو مش موجودين وبعدين مين قاللك ان الالتو بـ 800 سي سي بـ 53000ج دي (فل اوبشن) بـ 49500ج ومين بردو قاللك ان الاسبارك بـ 52000ج سعرها بـ 58000ج لكن سعر الاسبيرانزا مظبوط
دا انت حتى بتقول في كل سعر تقريييباً .
السلام عليكم
انا طبعا ماقرأتش كل الردود
لكن رأي
البرايد الجديدة ناس كتير بتشكر فياه وسعرها حلو 46500
شكرا للرد يا ميرو
بس متزعلش منى اوى كدة انا بصراحه اسعارى دى مش من السوق دى من الويب سايد بتاع كونتكت كار وانا كنت بصراحه بكتب اعار الفول اوبشن مانيوال فا يمكن دا الى فرق معانا
طب ممكن بقى تقولى هو ايه الفرق بين
ال i10 1.1 F/O M/T -----> 61500
ال i10 1.1 A/C P/S R/C M/T -----> 56500
شكرااا
امبارح قابلت باالصدفة شاب راكب اسبرينزا113 وسالتة قالى بقالها معاة سنة ونص وجميلة من حيث السحب والتسارع وجاب بيها 160 وكانت جميلة بس ثباتها بعد 120 مش وحش بس مش مقلق وعلى فكرة انا سمعت مشكلة الثبات دى فى الفيرنا على ال120 وعشان كدة بيركبولها كاوتش عريض ومستورد وكل الصغير سواء كورى اوو اى حاجة صغيرة لان القصة وزن بيقل مع السرعة فلما يكون الوزن اساسا قليل فطبيعى تحس باالخفية بس فى معيار مهم جدا فى اختيار العربية وهى قطع غيارها بكام الاسبرينزا بدون منافس هى الارخص يليها البيكانتو وبعدين المقصود بقطع الغيار الكبالم والاسكترا والمقصات والمساعدين لان دول المعرضين للتلف كتير بسبب سؤ حالة الطرق ثم الفوانبيس والبودى وبعدين الناس خايفة من الاسبرينزا لية العربية بقالها حوالى سنتين وماشية ومنتشرة وثابتة كفاءة واسالوا اللى راكبينها هما ادرى ناس بيها اما موضوع العفشة الناشفة دة مش عيب دى اسمها عفشة رياضية بتدى ثبات على الارض للعربية وممكن يتغيروا فى المستقبل بمساعدين مونرو وقصة التقفيل مش ممكن اشترى 52000 عربية واسعة موتورها كبير 1300 بها جميع الكماليات ليها ضمان قوى ومعرف قطع غيارها مقارنة بالهيونداى والالتو تعتبر ببلاش وبعد كل دة اتكلم انهم نسيو مسمار برشام فى الفرش بتاع الباب او خامة الفرش مش اد كدة او زراير الزجاج رقيقة وياريت لو كانوا تخنوها شوية والله كل دة مش مهم اذا قورن برخص قطع الغيار والوسع والقوة والوكيل /////ملحوظة انا معنديش اسبرينزا بس هى وجهة نظر وبعد دراسة لكل العربيات اللى فى السوق وفى الاخر اسالو كبلم العربية الكامل الداخلى والخارجى بتاع كل عربية من افئة دى بكام فى التوكيل والرفرف والاسكترا اعتقد هى دى المعايير اللى يجب الاحتكام ليها عند الشراء مع لاجذ فى الاعتبار بتجربة الللى ساقوها لفترات طويلة بشرط انهم يكونوا عارفين يعنى اية سحب وتسارع وثبات والله الموفق
الرد لتيتو
الفرق يا باشا كالآتي
اولاً اللي بي 61500ج F/O يعني فل اوبشن جميع الكماليات وM/T يعني مانيول ومفيش منها اوتوماتيك ومع ذلك الرمز بتاعها A/T
ثانياًُ اللي بي 56500ج دي نص اوبشن A/C يعني تكييفP/Sيعني باور ستيرنج R/C يعني راديو كاسيت M/T يعني مانيول
وانصحك تجيب النص اوبشن لان كل الفرق بين الاثنين الزجاج الكهربائي والسنتر لوك وتقريباً فوانيس الشبوره ومش لازم قوي زجاج كهربائي وفوانيس الشبوره مش حتستخدم خالص دا اذا كانت موجوده دا انا نفسي ما بستخدمهاش والسنتر لوك ضروري شويه ممكن تعملو عند واحد اسمه أدريان في شارع الهرم او في المهندسين في شارع سوريا
وأي خدمه :S_thum1[1]:
على فكره السنتر لوك بيتعمل بالموت وبالانذار كمان تكلفتو مش حتزيد عن 500ج
انا معايا سبيرانزا 113 من حوالي سنة و 4 شهور و بصاحة احسن كتيييييييييييير من الباقي
مشكلتها الوحيدة ان المساعدين خفيفة علشان كده تحس ان العفشة بتدب