الموضوع: مشكلة فى أفيو أتوماتيك 2011

السلام عليكم ورحمة الله وبركاته ياشباب
معلش انا لسه جديد فى العربيات و كده فاستحملونى
انا أشتريت عربية افيو 2011 أتوماتيك من حوالى شهر والعربية كويسة والحمد لله
بس * أول حاجة انا حطيت مية من الحنفية فى القربة ( مكنتش أعرف حكاية المية الملونة ) فياترى ايه هو الإجراء اللى مفروض أعمله دلوقتى عشان أحط مية لونها ايه والكويس عشان متأثرش على العربية ؟
* تانى حاجة معلش انا من ساعة ما جبت العربية وأركنها فترة طويلة يعنى مثلا من 8 بليل لتانى يوم الساعة 12 الضهر مثلا أدور العربية مش بتدور أجرب كتير ومش بتدور أفتكرتها البطارية بس كان فى علامة فى البطارية لونها أخضر واحد صاحبى بيقولى مش بطارية
خلال الشهر الموضوع ده حصل حوالى 3-4 مرات منهم مرة العربية دارت على طول ومشيت مشوار حوالى ربع ساعة وبعدين نزلت ركنتها 5 دقايق بجرب أشغلها تانى وقفت ومدارتش غير بعد ماحركت الفتيس من ال p لغاية تحت وطلعت تانى لل p الصراحة انا مش عارف ايه المشكلة ولا أبص على ايه ؟

معلش انا تعبتكم بس أعمل ايه