الله يحرق البنزين... حد يطمني

**p r i n c e** · 08-07-2013 06:16 PM

واحد صاحبي اتصل بيا ايوا الو ازيك يا كبير تمام الحمدلله بس تعالالي بسرعة انا ف شارع كذا و العربية قاطعة مني بنزين تعالى آخد لترين بنزين بس ادور بيهم العربية و اروح لأقرب بنزينة ( احنا هنا ف المنيا عندنا ازمة و وقفت آخر مرة 3 ساعات عشان افول ) بس مش مشكلة دا صاحبي مش هستخسر فيه 2 لتر.
المهم روحتله و سيبت مصالحي و اروح الاقيه مجهز جركن 10 لتر و خرطوم :-d
قولت أكيد هياخد 2 لتر مش هيملى الجركن كلو
حاولنا نشفط بنزين من التانك عندي بالخرطوم معرفناش خالص
كان في واحد كهربائي ف المكان اللي احنا فيه صاحبي راح سأله قاله مش عارفين نشفط بنزين من العربية
قاله لا الفيرنا دي حوار تاني هطلعلك منها بنزين بس ب 10 جنيه
بس مش من التانك
قالي افتح الكبوت و قالي هطلع البنزين من مكان الطرمبة اللي بتوصل للموتور و انا طبعا خايف على العربية لسة مكملتش 20 ألف كيلو و ان صاحبي يخلي عنده دم و يقول خلاص مش مهم
بس مفيش فايدة واقف متنح و انا محرج مش عارف اقوله لأ
الراجل فتح الكبوت و شال العلبه بتاعت الكتاوت و شال الكتاوت بتاع طرمبه البنزين و قعد يفك حاجات كدا عند الرشاشات و وصل سلكه كدا مكان كتاوت طرمبه البنزين و البنزين طلع من الرشاش الواصل للموتور ( صاحبي سابه يملى الجركن كله و قاله انا هفضل املى لحد متقولي كفاية بس سابه يملاه على الآخر بمنتهى البرود ) مش مشكلة البنزين انا بس خايف يكون العك اللي الراجل عمله دا ممكن يعملي مشكلة ف العربية
طمنوني بالله عليكم

**aliabdo** · 08-07-2013 06:21 PM

اتاكد بس ان كل حاجه رجعت مكانها و مفيش اى مشاكل انت ملاحظه غير كده ان شاء الله خير و متحاول تلعب فى حاجه تانى

**MITSUKERO** · 08-07-2013 07:59 PM

كل اللي عملة هو شورت سيركيت علي كات اوت طرمبة البنزين شغلها و اخد البنزين من الخرطوم و الموضوع ده متعارف عليه جدا

يعني هو وصل كهرباء للطرمبة فاشتغلت و ضخت البنزين و هو اخدة من الخرطوم اللي هو فكة قبل ما البنزين يدخل للموتور

عادي اتاكد بس ان كل التوصيلات صح

**nab!l** · 08-07-2013 08:08 PM

صاحبك ده مسلى
وانت كنت مؤدب زياده عن اللزوم ههههههههههههههه

**p r i n c e** · 08-07-2013 08:23 PM

المشاركة الأصلية كتبت بواسطة mitsukero

كل اللي عملة هو شورت سيركيت علي كات اوت طرمبة البنزين شغلها و اخد البنزين من الخرطوم و الموضوع ده متعارف عليه جدا

يعني هو وصل كهرباء للطرمبة فاشتغلت و ضخت البنزين و هو اخدة من الخرطوم اللي هو فكة قبل ما البنزين يدخل للموتور

عادي اتاكد بس ان كل التوصيلات صح

تمام شكرا جدا طمنتني
ربنا يكرمك

**Ahmed Nasser** · 08-07-2013 08:25 PM

كل اللى حصل فى العربية عادى جدااااا
بس صحبك دة مستفز الصراحة

**p r i n c e** · 08-07-2013 08:26 PM

المشاركة الأصلية كتبت بواسطة nab!l

صاحبك ده مسلى
وانت كنت مؤدب زياده عن اللزوم ههههههههههههههه

الواحد والله مش بيعرف يقول لأ لحد محتاجه
و دا معروف كدا كدا بيترد ف يوم من الأيام و حتى لو متردش كفاية الثواب
انا بس دايقني بروده و خفت يكون الطريقة اللي الراجل سحب بيها البنزين من العربية طريقة غلط و ممكن تضر العربية

**Land_Cruiser** · 08-07-2013 08:56 PM

ان شاء الله مش هتضر طالما العربيه دارت بعد كده و مفيش تنقيط بنزين

**semi** · 08-07-2013 09:49 PM

قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ : " لأَنْ أَمْشِيَ مَعَ أَخٍ لِي فِي حَاجَةٍ أَحَبُّ إِلَيَّ مِنْ أَنْ أَعْتَكِفَ شَهْرًا فِي مَسْجِدِي هَذَا ، وَمَنْ مَشَى مَعَ أَخِيهِ الْمُسْلِمِ فِي حَاجَةٍ حَتَّى يَقْضِيَهَا ثَبَّتَ اللَّهُ قَدَمَيْهِ يَوْمَ تَزُولُ الأَقْدَامُ "

خلي نيتك كده ومش هتخسر ابدا
اكيد كان هيحتاس والعربية هتفضل مرمية لو انت مش ساعدته
موضوع فتح العربية ده عادي ده شغل كهربا بسيط

**askanas** · 10-07-2013 06:19 PM

انا واحد صاحبي برضو عمل الحوار ده في العربية عندي بس مكنش عارف فين كوباية النبزين كان كل شوية يفك خرطوم و يقولي دور

فك خراطيم العربية كلها تقريبا و وصلهم تاني لحد ما لقي الخرطوم الصح
وخد البنزين العايزو
ومحركتهاش تاني يوم العربية مش بتجيب مارش و صوت السير بتاع العربية صفارة مزعجة جدا و عربية لما بدوس بنزين لمبة فرامل اليد بتظهر

مظنش يعني كل الحاجات دي ظهرت فجأة كده يعني بدون سبب كلها في يوم واحد اكيد الهلفطة دي هي السبب

الموضوع: الله يحرق البنزين... حد يطمني

LinkBack

أدوات الموضوع

عرض

الله يحرق البنزين... حد يطمني - انشر الموضوع فى :

-

-

-

-

المواضيع المتشابهه

حد يطمني ارجوكوووووووووووووو

كل واحد ينزل يحرق عربيته

يحرق زيت موبيل بجاز

ازاى الولد يحرق دم البنت

الكلمات الدلالية لهذا الموضوع

المفضلات

المفضلات

ضوابط المشاركة