الموضوع: رمضان كريم و كل سنة و انتم طيبين

المشاركة الأصلية كتبت بواسطة wassim_nasser

ههههههه .. يا اخى أنا مش عارف ليه كريم منير ماعملش زرار (محرج من هذه المشاركة ) أو (خائف من هذه المشاركة) .. طب والله عارف انك هاتزعل بس بجد غصب عنى اللي حصل ان البواب اتصل بيا لأن مواسير الصرف اتسدت و صرف ال 3 أدوار اللي فوق نزل في الشقة عندي وطلعت من سوهاج والعربية مافهاش غير 20 لتر ومش عارف اذا كان طريق الكريمات الصحراوى متأمن ولا مقطوع .. و يشاء السميع العليم انه يكون يوم الإتنين اللي حصلت فيه مأساه رابعة العدوية وانا لسة ماعرفش حاجة .. وصلت القاهرة الساعة 11و نص صباحا وبعد ماخدت الاوتوستراد و صلاح سالم وصلت الخليفة المأمون لقيته مقفول بالمدرعات إضطريت ارجع رمسيس عشان اعرف اروح حدايق الزتون من جسر السويس .. ده طبعا غير غيار المواسير و نزح ترنش المجارى اللي اتفتح في الشقة .. صدقنى إضطريت اخلص الموال ده وارجع عشان الصيدلية و الشغل .. بس تتعوض إن شاء الله جاي تانى ف شهر 10 واشوفك و اجبلك معايا جوزين حمام محشى فريك كمان :) .. انا عندي كام جبريل .. كل سنة وانت طيب يا جابو رمضان كريم

خلااااااااااص نعديها المره دي طالما فيها حمام =) بس بجد عاوزين نتشرف بيك اول ما تنور القاهرة ان شاء الله