بسم الله الرحمن الرحيم
بركولى يا اعضاء المنتدى الكرام
اشتريت عربية BYD F0 2013
وارجو ان تقبلونى عضو من اعضاء رابطة BYD الكرام
واى استفسار انا فى الخدمة:inlove:
عرض للطباعة
بسم الله الرحمن الرحيم
بركولى يا اعضاء المنتدى الكرام
اشتريت عربية BYD F0 2013
وارجو ان تقبلونى عضو من اعضاء رابطة BYD الكرام
واى استفسار انا فى الخدمة:inlove:
الف مبروك ان شاء الله تكون مبسوط من العربيه وفى انتظار تقيمك للعربية وسعرها كام وياه لو شوية صور
الف الف مبروك ربنا يرزقك خيرها ويكفيك شرها
مبروك عليك و مستنى التقرير
الف ميروووووووووك .. إختيار موفق .. في إنتظار التقرير والصور .
الله يبارك فيك
والحمد لله قوى انا مبسوط من العربية
انا استلمتها امبارح من المعرض
واول عينى وفعت عليها انبهرت بيها ده ممكن يكون عشان انا كان عندى لادا 2016 موديل 83
واول حاجة خدها هى مفتاح العربية بس ملقيتش غير كارت بلاستيك تخين شوية وريموت للفتح والغلق
ويتم فتح الباب بزر بجانب مقبض باب السواق
ولازم عشان المحرك يشتغل تدوس على الفرامل الاول وبعد كده تدوس عل زرار تشغيل المحرك
ولما سقتها لقيت الدريكسيون خفيف فى ايدى مش تقيل زى الادا وانا مش عايز اقارن بعد كده بس انا بقول عشان قابلتنى مواقف كنت بضحك على نفسى فيها عشان انا كنت متعود عليها فى الادا
وكنت قلقان لتكون ضيقة من جوه لانى انا عندى كرش وطويل بس لما قعدت على الكرسى لقيت الدركسيون بعيد والدواسات البنزين والفرامل والدبرياج لازم امد رجلى عشان ادوس عليهم مما اضطرنى اقرب الكرسى شوية
مش عايز اطول عليك وارغى اكتر من كده بس المجمل عشان انا خرجت بيها مشورين بس لقيتها سواقتها ناعمة جدا والعفشة ناعمة جدا برده يعنى متحسش بالطريق المكسر ولا المطبات
انا اشتريتها من معرض علاء الدين بـ 55 الف بعد التخفيض لان سعرها فى شركة الامل 56 الف
وان شاء الله حنزل صور ليها :10D5C8w1107:
الله يبارك فيك يا برنس ومتشكر على الدعاء الغالى ده
الف مبروك عليك العربية وربنا يديك خيرها ويكفيك شرها
ألف مبروك .. وربنا يديك خيرها ويكفيك شرها .. وتستخدمها في الخير إن شاء الله ..
وفي انتظار تقييمك ليها كل فترة وانطباعك عنها .
معلش المباركة جت متأخرة نظراً للظروف اللي أحنا فيها .
الف مبروك السيارة وشرح جميل وياريت صور للسيارة واخبار السحب والارتفاع عن الارض وهل ناوى تغير اسم سيادتك ل ahmad_f0
الف مبروك
بس ايه رايك فى موضوع الزجاج الخلفى؟ مش مضايقك
ربنا يباركلك فيها
الاستاذ احمد مشغول فى العربية وناسى يشاركنا
الف 1000 مبروك ربنا يبارك لك فيها .
الف مبروك على العربيه بس ايه اخبار التوكيل وقطع الغيار وهل هيا موريحه فى الركوب ياريت تقولنا او تبقى عملت معانا خير وصورتها وعملت تقرير عنها
وربنا يباركلك فيها ويديلك خيرها ويكفيك شرها
الله يبارك فيك يا برنس والف شكر على تعليقك الحلو ده وان شاء الله حصورها اما بخصوص السحب فهى عربية خفيفة وسحبها سريع وارتفاعها على الارض مش واطى اوى يعنى لحد دلوقتى حكت معايا مرة واحدة وده كان عشان انا كنت محملها 5 افراد وكمان كنت داخل على المطب سريع فبعد ما عدتيت المطب وهى نازلة سمعت صوت حكة بسيطة كده مش جرجرة فى الشكمان وبالنسبة لتغير اسمى تفكر انا مش واخد بالى لحد دلوقتى وعشان خطرت انا ححاول اغير اسمى:10D5C8w1107:
الله يبارك فيك يا باشا
وبالنسبة للزجاج الخلفى فهو لونه غامق شوية يعنى يدى لفاميه وليه خطوط وفى الدليل بيقول انه حرارى يعنى لو فيه ثلج او شبورة او ضباب تقدر تسيحه واحنا علشان فى الصيف هو مريح ومابيحجبش الرؤية لو الرد ده مش كفاية قولى قصدك ايه بالظبط وانا افيدك باذن الله:36_1_34[1]:
الله يبارك فيك يا برنس قوى وبالنسبة للتوكيل فانا استلمت مع العربية الضمان بتعها اللى هو 3 سنوات او 60 الف كيلو ايهما اقرب وعشان انا لسه مستليمها 8/7/2013 ولسة مرخصها يوم 13/7/2013 يعنى ممشتش بيها كتثر انا استلمتها عاملة 94 كيلو ولحد دلوقتى عملت 154 كيلو يعنى 60 كيلو بس فلسة عند صيانة الالف حقدر اقول على التوكيل حاجة لانى متعملتش معاهم لسة لحد دلوقتى وهى موريحة فى الركوب وناعمة فى السواقة والعاشفة بتاعتها ناعمة بردوا وان شاء الله حعمل تقرير واصورها بس معنديش للاسف فرصة لحد دلوقتى :b4_095:
العفو يا اخى دنا اللى متشكرقوى على اهتمامك
اما بالنسبة للزجاج الخلفى انا معلش فهمت غلط لو كان ده قصده
واحب اقولك على الزجاج الخلفى فعلا شراعة ويتفتح لبره مش بينزل لتحت وبالنسبة لحالتى انا اسرتى مكونة من انا وزوجتى وطفلين والطفلين بيقعدوا ورا وهما معجبين بالشراعة دلوقتى وبيقولوا انها امان ليهم عشان المعاكسات هاهاهاهاهاهاها يمكن عشان ظغيرين وفرحنين بالعربية ولما يكبروا نشوف رئيهم ايه بس لو كان مخنوقين بنشغلهم التكييف وهم حيتبسطوا لان تكييف العربية دى كويس جدا:camera2:
المهم يااحمد باشا كسبنا صديق على الموقع يمتعنا بمشاراكاته
المهم يااحمد باشا كسبنا صديق على الموقع يمتعنا بمشاراكاته
استاذ احمد انا اشتريت العربية الاسبوع الللى فات ومش عارف ارخص لان المعرض ماعمليش فاتورة ادانى بس جواب المرور وشهادة البيانات ولكن المرور بيقولى عايز الفاتورة ,,,,, فهل الكلام ده صح ولا اية؟؟ وشكرااا
بسم الله الرحمن الرحيم
اخى العزيز dadado الف مبروك اولا على العربية وربنا يديك خيرها ويكفيك شرها وانت ايه رايك قولنا فى العربية دى
ثانيا: فعلا لازم المعرض يديك اربع حجات مش حاجتين
1- جواب المرور
2- فاتورة البيع باسم شركة الامل
3- خطاب الاعفاء الجمركى
4- كتيب ضمان من شركة الامل لمدة 3 سنوات باسم حضرتك
اما فى حالة حضرتك ديه عايز اسالك سؤال انت جايبه بالتقسيط ؟ ولو كان بالتقسيط اكيد مش حيديك فاتورة بيع المفروض يديك خطاب حظر بيع والله اعلم
وارجو ان اكون افدتك:B4_095:
شكرا ياباشا ,,, انا اخدت الكتيب بتاع الضمان وجواب المرور وشهادة البيانات بس مارضاش يدينى فاتورة عشان بيقولى هزود عليك 10 المية ضرايب ,,,, انا شارى العربية كاش ... وان شاء الله اعمل تقرير عن العربية بس ربنا يسهل وارخص ......شكرا يا باشا على الرد والاهتمام
الف مبروك يا باشا ..
السلام عليكم ياجماعة ,,, شكرا لاهتمامكم ومتابعتكو . الحمد لله الراجل فى المعرض كلمته فى التيلفون وقلتله على المشكلة اللى فى المرور, طبعا هو رد بانه اول مرة يشوف حاجة كده :) المهم انا وضحتلة اهمية وصعوبة الترخيص بدون وجود الفاتورة ... وبصراحة الراجل ما رفضش بشدة زى اول مرة ,,,وفعلا بعد يومين بعتلى الفاتورة ومختومة ووصلتنى امبارح باليل الحمد لله ..بس لسه مش هاروح المرور قبل السبت بإذن الله لانى مسافر......شكرااااااااااا جدا للاهتمام والمساعدة والتقرير بقى لما اكمل وارخص ان شاء الله
سلام الله عليكم اخوتي الكرام وجدت مشكل في هد السيارة وهي انها عندما تجتاز الممهلات بطن السيارة يحتك بالارض هل من حل لهدا المشكل
الف مبروك بااحمد باشا...وربنا يستر طريقك...وعقبال ماتعمل بيها مليون كم..
اتجدعن بقى ياعم ودور على السيرفس مانوال بتاعها ...علشان هاينفعك فى الصبانات بعدين
ومرحبا بك اخ عزبز..وغالى
مبروك.يا صديقي المواطن وعايز.أوصيك وصية حسبة لله تعالى
مهما طلع في العربية دي من عيوب أدام فإياك تزعل أو عزيمتك تقل إنت كنت مع اللادا بترجع بحياتك للخلف وربنا خفف عنك ورزقك وغيرتها فحافظ عليها وأوعه تقارن إستحمالها بإستحمال اللادا ودمتم للنضال وأنا سعيد عشانك وحكون سعيد بكل مواطن ربنا يوسع رزقو.ويتوب عنه من كل اﻷورام السرطانية ال لادا وال 128'وأخواتها والسيات القديم ومن لف لفهم وإحنه.بندعيلكو.عشان تكون مرحلة صغيرة فث حياتكم وتعدوها ومحدش يقدر قيمة الحلو غير لما يجرب الوحش ومبروك مرة تانية
فين الصور يا باشا