الموضوع: الاليزيه _ ملكه الاغراء الفرنسيه

بسم الله الرحمن الرحيم

تقرير مبدئي عن الجميله السيتروين سي اليزيه

من المؤكد ان اللاليزيه تتميز بأطلاله ملفته جدا وجذابه ... وذلك نتجه التشابه فالمقدمه بينها وبين ال c4
فمن الوهله الأولي تأثرك ملامحها الفرنسيه "المغريه "

طبعا العربيه من انتاج PSA ( بيجو سيتروين) وهيا بالظبط نفس البيجو 301 مع فرق الشكل الخارجي فقط, فقط .... انما ميكانيكيا فيها " متطابقه" مفيش فرق صاموله

لك ان تتخل ان حتي فانوس السياره والذي يختلف في الشكل عن 301 مكتوب عليه بيجو سيتروين

فئه السياره

السياره من الفئه الاقتصاديه وهي في نفس الفئه السعريه ل النيسان صني , كيا ريو , كيا سيراتو الشكل القديم , الانسر البومه , الشارك , التويوتا ياريس ....

ولكن في وجهه نظري انها مينفعش تتقارن ببعض السيارات ( مع الاحترام لمالكيها طبعا) من حيث جوده التقفيل والخامات فهي افضل بمراحل زي ( الصني الجديده)

الشكل الخارجي

بالرغم من وسه الصاون الداخلي وكبر حجم الشنطه وطول الكبوت الا ان المظهر الخارجي يوحي بحجم اصغر من الحقيقه ... مما يعطيها انسيابيه وشكل متناسق ( البيجو 301 شكلها الحارجي اكبر , واقل تناسقا وجاذبيه في وجهه نظي الشخصيه)

الصالون الداخلي

تتميز الاليزيه بوسع صالون غير عادي ( اوسع عربيه شفتها في الفئه دي) من حيث مساحه الارجل بين الكراسي والكنبه الخلفيه .... بحررررر

الخامات الداخليه

تتمتع الجميله الاليزيه بخامات عاليه الجوده لا تقارن مطلقا بالصني مثلا وافضل ايضا من الكيا ريو والسيراتو الشكل القديم , خصوصا مع الفئه الهاي لاين والكاسيت البلت ان وشاشه المعلومات اللي تتوسط الكونسول التي تخبرك بكل كبيره وصغيره بالسياره , توزيع اضائه الكونسول مبهره واللون الاورانج مع الخامات باللون الاسود بألاضافه لتطعيمات الكروم التي تزيد من انبهارك بالسياره ( لا توجد تطعيمات الكروم فالتابلوه في بيجو 301)

الموتور

تأتي اليزيه بموتور جبار ... 115 حصان واستهلاك اقتصادي للبنزين ... ويملأك صوت الموتور احساسا بالقوه الكامنه تحت غطاء المحرك ....
صوت الموتور : مش مكتوم خالص ولا عالي برضه ... الصوت لذيذ جدا ... واقل من سيارات تانيه كتير مثل الشارك ( التي تتميز بمحرك جبار ايضا)
ملاحظه : صوت العربيه بيكون عالي شويه اول متدور العربيه لمده 10 ثواني تقريبا ثم يقل جدا .. الصوت عامه غير مسموع غير فالاماكن المغلقه

....... يتبع

تقرير ممتاز و ننتظر الكمالة :)

شكرا لمجهودك.

تسلم على التقرير

تسلم إيدك يا دكتور في إنتظار باقي التقرير ومتابع

الموتور والفتيس

تتوافر الأليزيه بمصر بموتور واحد جبار 115 حصان 1600 cc - VTI petrol
Torque : 150 Nm / 4000 RPM
متوسط استهلاك الوقود : 7.1 لتر كل 100 كم
سعه الخزان : 50 لتر
حجم الشنطه : 506 لتر ( رهييبه .... ممكن تحط صحابك وتقفل عليهم )

الفتيس

تأتي السياره ب 3 فئات : واحده مانوال 5 نقلات و 2 ستبترونك 4 نقلات
نوع الفتيس : ستبترونك AT8 , وللعلم ده مختلف عن AL4 القديم
يعطيك الفتيس احساس بالذكاء فهو يستطيع تحديد نوعيه القياده التي تريدها عن طريق ضغطه البنزين

فمثلا لو دوسا بنزين عادي ... ينقل التالت علي 50 مثلا , لو دوست بنزين اجمد سنه ( معني كده انت محتاج شد شويه) التالت بينقل علي 70 ... ده طبعا غير الكيك داون ... اللي لو دوست الدواسه لأخرها ... او لو ضغط علي زرار سبورت درايف ( هتلاقي العربيه قعلا بتتحول

نقلات الفتيس ناعمه جدا وسلسه .... مع الاحساس فقط في بعض الاوقات ( وليس كل ) بالنقله للغيار التاني حسب طريقه القياده ( اعتقد لو ماشي بتدلع هتحس بيها , بس عشان انا موسوس فحسيت بيها )
وضعيه القياده المانوال لذيذه جدا برضه لهواه الشد والجري ... مع وجود امان للموتور عشان لو نقلت بدري ( مش بيرضي ينقل ) يعني برضه مش هيسيبك تعك

بالاضافه الي خاصيه القياده المانعه للأنزلاق , طبعا مجربتهاش

سحب السياره والتسارع

تسارع العربيه ممتاز , حتي مع وضعيه القياده العاديه وبدون سبورت درايف او كيك داون , تقدر تشد مع عربيه وانت مطمن , ( حتي لو كانت الالنترا او فيرنا )

التسارع من صفر ل 100 كم : 12,7 ثانيه

التكييف

تكييف الجميله الاليزيه مجهز خصيصيا للأماكن الحاره , مع وجود خاصيه التبريد السريع A/C Max
التكيف ديجتال في الفئه الهاي لاين ( الاكسكلوسف ) و بكر عادي فالئه الاقل
الكمبروسور دينسو ( ياباني) ... اداء ممتاز .... جربته فالحر شغلت A/C Max دقيقتين وبعد كده قللت سرعه المروحه للنص , اداء ممتاز مع سرعه تبريد لا تقارن ابد بالسيارات الاوروبي

تأثير التكييف علي سحب العربيه :

عند تشغل التكييف علي اقصي سرعه مروحه ( اقصي حموله) واقل درجه حراره , لا يوجد تأثير يذكر علي سحب العربيه , بعض الاحيان ف وسط الزحمه واقصي حموله للتكيف ممكن تحس بتأخيره بسيطه لا تذكر ... اعتقد انها عاديه مع تحميل التكييف بأقصي طاقه له
.....
.......
......... يتبع

إنتا رائع كمل و إحنا معاك للآخر يا بطل :)