تعتيم اعلامي ايه بس
هو احنا فين
ده منتدي يا جدعان
و منتدي سيارات كمان
ملوش علاقة لا باخبار و لا باعلام
و قلنا لكم المنتديات السياسيه و الاجتماعيه كتير روحوا هناك اتكلموا زي ما انتم عايزين
تعتيم اعلامي ايه بس
هو احنا فين
ده منتدي يا جدعان
و منتدي سيارات كمان
ملوش علاقة لا باخبار و لا باعلام
و قلنا لكم المنتديات السياسيه و الاجتماعيه كتير روحوا هناك اتكلموا زي ما انتم عايزين
انا ملاحظ حاجة غريبة
اغلب الاعضاء المؤيدين لتعليق القسم هم من معارضي الاخوان و مؤيدي انقلاب 30 يونيو
نقطة تستحق التوقف !
والله العظيم ده منتدى عربيات من الاساس و بيهتم بالعربيات و بكل حاجة تخصها و ملوش دعوة بالاخبار ولا بالاعلام ارحمو نفسكم و ارحمونا معاكم
قصدك ثورة 30 يونيو ..
لأن ببساطه الموضوع انتهي خلاص ..فهيتكلموا في ايه تاني !..
فهيتعب نفسه في الرد كل شويه علي البوستات المفبركه اللي بينزلها مؤيدي المخلوع لكسب التعاطف او تغيير وجهات النظر وديه حاجه مستحيله ..
انا نفسي مش عايزه يرجع لأني عارف اني هخش اشمت غظب عني :)
فخلي الواحد محافظ علي صيامه احسن :)
ما اكيد يعني :))))))))))
اقول لك حاجة اغرب ؟ من يناير 2011 لحد دلوقت , كان غالبا (مش الكل) المؤيدين لقفل القسم معارضي يناير و بعد كده معارضي الانتفاض ضد المجلس العسكري بتاع سنطاوي , و الاغرب اني عن نفسي ما شفتش ده ابدا من نفس الناس خلال فترة حكم مرسي
الموضوع له تفسير و انا باحاول اوصل له
ههههههههههههههههههههههههه لا اله الا الله , ليه كده بس ؟
بصوا بقى , انا قصدي انقلاب , و لو سمحتوا ما تجادلونيش في اللي باقوله لحد ما يتفتح القسم و ما تتكلموش في السياسة يا مؤيدين عدم الكلام في السياسة :N_no[1]:
لولا أنك قلت أغلب وليس كل ... كنت شنيت عليك هجوم شنيع وطلعت كبتى فيك :)
يا أ.تامر مش كل معارضى الاخوان ولا مؤيدى الاخوان ولا معارضى المعارضة ولا مؤيدى المعارضة ولا معارضى العسكر ولا مؤيدى العسكر ولا معارضى تمرد ولا مؤيدى تمرد هما كل المصريين
فى ناس مصريين كل همهم الصالح العام مش الخاص على حسب انتماءاتهم الحزبية أو الدينية أو ليهم اطماع حكمية
كلنا مسلميين مصريين كأغلبية ومسيحيين كمان كأقلية مش يهود مع بعضهم يعنى زى ما الواحد بيشوف
ولو حتى يهود يا أخى مش هتشوف التخوين اللى الواحد بيشوفه ده ولا الكذب ولا الافتراء اللى بيقدمه الاعلام القذر على مر العصور
فأعتراضى انا وغيرى على عدم فتح قسم الشارع المصرى منذ قديم الازل وياما قلت بلاش سياسة فى الاجتماعى ايام ما كان فى الاجتماعى علشان ما يحصلشى فرقة بين الاعضاء اللى كانوا أصدقاء قبل الدخول فى مناقشات سياسية
ولأن انا شايف ان المنتدى كان افضل بدون سياسة بس نقول ايه بقى لسياسات الإدارة
فمش معنى اننا عاوزين انه يظل مقفول اننا موافقين او معارضين مع سياسيات حالية أو بنساعد على تعتيم اعلامى زى ما الناس ما بتقول
احنا عاوزين المنتدى يهدى وكفاية اللى الواحد بيقرأه وبيشوفه فى اماكن تانية
ده منتدى سيارات فى الاساس واللى عاوز سياسة يروح للى فيه سياسة (ومحدش يقول ما تدخلشى وما تقراش محدش ضربك على ايدك علشان تخش)
الواحد أحياناً ما بيستحملش يشوف عنوان فى آخر المشاركات ويغض النظر عنه فبيدخل وبيندم انه بيدخل ويرجع يدخل تانى ويندم وهكذا ...
فبالله عليكم رمضان شهر عبادة ورمضان كريم وربنا يهدى كريم ويظل أحوال الشارع مقفول ببركة الشهر الكريم
سؤال الحلقة
كم كريم فى ذلك ...؟
وكل سنة وانتوا طيبين :)
تبيع اخوك في لحظة كده ؟ :))))))))))))))))
انا متفهم وجهة نظرك تماما و قاصد فعلا اني اقول اغلب و ليس كل , بس جرب تاخدها احصائيا و تعد و شوف وقل لي , اظن هتلاقي ملاحظتي صحيحة , هي مش بالضرورة اتهام لحد بحاجة كمان , هي ملحوظة انا لسه ما بنيتش عليها اي حاجة
بالمناسبة , ناس كتير من خلال مشاركاتها و كلامها سياسيا في الاصل هدفهم الصالح العام مش خاص , عن نفسي باتمنى من ربنا اكون كده
اما عن نقطة التفريق بين الناس , فهو حصل , مش هانكره , عيب بشع فينا كشعب , من زمان و تلاقي كل يوم و التاني اتنين اصحاب شاتمين بعض عشان الاهلي و الزمالك , و النهارده الموضوع دخل فيه سياسة و اخلاقيات و اعلام و شغل على كبير
رأيي انا فتش عن النخب كلها و الاعلام كله , هما المسئولين
و الواحد و الله بيحاول انه يراعي العشرة مهما كانت اراء اصحابه صادمة , و اوقات بتيجي و اوقات لأ
الموضوع انتهى خلاص هههههههه
يعنى معاناة شعب وكل مشاكله انتهت خلاص !!!!!!!!!!!!
طبعا من وجه نظركم
زعيم اليبراليه المزعومه فولتير قال
" قد اختلف معك بالرأي ولكني مستعد ان أدفع حياتي ثمنا لحقك في التعبير عن رأيك ”
ولكن نحن الان نعاصر مفهوم حرية الرأى بالنكهه المصريه
كلامك سليم بنسبة كبيرة
بس السؤال للناس الأفاضل من يقول إن المنتدى بتاع عربيات و بس مش سياسة
ليـه ما طلبتش بقفل القسم طوال السنتين إللى فاتو و بقوة و إجماع ذى ما حاصل دلوقت ؟؟
و ياريت المنتدى يمنع الكلام فى كرة القدم عشان برده بتخلى الناس تشتم بعض و تضرب بعض !!:oops2:
مش يمكن زهقوا من الأكاذيب و الأفتراءات و الأدعاءات
مش يمكن زهقوا من التعالى و الأقصاء و التصنيف و التفتيش فى الضمائر
مش يمكن زهقوا من التكفير و التخوين
مش يمكن زهقوا من التجارة بالدين و التجارة بالدم و التجارة بالثورة و التجارة بأحلام البسطاء
مش يمكن زهقوا من الفشل و التخبط و الأنفصال عن الواقع
مش يمكن زهقوا من احلام و رؤى سيدنا جبريل و هو فى رابعة و لا سيدنا محمد عليه الصلاة و السلام و هو بيخلى المعزول يؤم المسلمين
مش يمكن زهقوا من الدم و القتل و العنف و الأستقواء بأمريكا
بصراحة هم زهقوا و قرفوا من حاجات كتييييير اوى على مدار سنة
كانت ايام سودة الله لا يعيدها ايام
مهو حضرتك لو كنت قديم كنت هتعرف ان بعض الناس ومنهم العبد لله من قديم الازل وهما بيطالبوا بمنع الكلام فى السياسة فى المنتدى ... مش حاجة جديدة يعنى
وأن كنت أشك ان فى شخصيات قديمة ومتنكرة فى شخصيات جديدة ... زى حضرتك كدة تسجيلك من 26 ابريل 2013 فمنين بتقول " طوال السنتين اللى فاتوا " بما انك عضو جديد وعارف السنيين اللى فاتت كان بيحصل فيها ايه ...!
حاجة كمان مهمة
انا بعترف ان فيه تكميم وتعتيم وفساد وقذارة فى المؤسسات الاعلامية من قديم الازل ... مش حاجة جديدة يعنى
كل اللى عاوزه ان المنتدى هنا ميشاركشى فى المهزلة دى ... وده سببى لطلب غلق احوال الشارع المصرى
عاجبني قوي الناس اللي بتتكلم كأن فتح القسم ده هوه اللي هيرجع محمد مرسي الحكم. قرد وقرداتي؟ يا جماعه احنا كنا فين وبقينا فين. المفروض نعتذر لكل دول العالم وخصوصا اللي مرسي زارها عشان الفضيحه اللي اتفضحناها على ايد المخلوع مرسي الاستبن.
أنا بس هاجاوب على إتهامك أو سؤالك
أنا متابع المنتدى من زمان بس كمجرد قارئ بدون تفاعل و فعلا سجلت قريب بس لسبب واحد إن كان فيه موضوع صناعى تجارى عجبنى و كنت عايز أتواصل مع صاحب الموضوع و فعلا تم التواصل و من ساعتها بقيت أشارك أحيانا يعنى ولا أنا داخل بإسمين ولا تلاتة !!!
أستاذى الفاضل مرسى يرجع أو مايرجعش صدقنى مش هى دى المشكلة
المشكلة - على الأقل من وجهة نظرى الخاصة - هى حرية التعبير و تقبل الآخر
فى ناس كثير أنا معاك مبالغ في كلامهم و تهكمهم من الطرفين بس ده مش معناه نوقف الكلام و النقاش ده معناه نحدد معايبر للنقاش و قوانين و عقوبات و الناس تكون متحضرة و متفتحة مش إنت مش معايا يبقى إنت ضدى !!
انت عارف اني مش باعترف بـ(مش يمكن) اصلا :)
و حتى مش يمكن بتؤكد ان لأ , مازالوا بيفتحوا التليفزيون , و توفيق عكاشة و امثاله مجلجلين بما هو اكتر من اللي بتقوله , فمش يمكن , لأ مش يمكن :)
اما بالنسبة لآخر سطر , فأبشر :)
هو حاليا مشارك في التعتيم على الاقل
ما تقلقش , الصحافة العالمية كلها فعلا بتقول اننا لازم نعتذر هههههههههههههههههههه
للعلم انا بقى لي فترة مش باشارك في منتدى الاحوال الا قليل , و حتى لو رجع ماظنش اني هاغير ده , لكن هي كلمة الحق عموما
اتمنى بس لو حصل و الادارة رجعته الاخوة اصحاب فكرة منعه يبقوا (ليبراليين) و (متسقين مع انفسهم) و ما نلاقيهمش اصحاب اكتر مشاركات فيه , لأن ده بيدي اشارة غريبة شوية :)
طب تقول ايه لمؤيدين مرسي هنا في المنتدى اللي نصهم اتوقف في 30 يونيو والكام يوم اللي بعده لتطاولهم على غيرهم؟
أي واحد بيحترم عقله والتعليم اللي اتعلمه لازم يفرح ان واحد جاهل محدود المهارات زي محمد مرسي خرج من الحكم والله أعلم لو كمل 3 سنين كمان كنا وصلنا لفين. وأنا مع قفل القسم لفتره لحد ما الناس تهدى وتراجع نفسها وتقدر تقول رأيها بدون التعدي على غيرها بالالفاظ ووقتها كل واحد يقول اللي عايز يقوله ويكملو فيلم "قتلوهم وهما بيصلو" اللي واضح اننا هنشوف منه أجزاء كتير. يعني مفيش مره يقتلوهم وهما بياكلو مثلا ولا وهما ماشيين في الشارع لاء دايما وهما بيصلو كأنه جيش تل أبيب يا أخي. لاء وكمان البلتاجي اللي طالع يقول على منصه رابعه العمليات الارهابيه في سينا مش هتقف الا لما مرسي يرجع الحكم ومن 30 يونيو للنهارده أكتر من 30 واحد جيش وشرطه ماتو في سينا بخلاف العمال المدنيين بتوع الاوتوبيس اللي انضرب بصاروخ. قيادات الاخوان دول ناس متشرفش أي واحد يقف وراهم والمفروض يتحاكمو كلهم لخيانتهم دولتهم. ولسه الايام الجايه هتطلع كتير...
كان صعب الواحد يناقش أسباب تعليق القسم بدون شويه كلام سياسه بس يلا ربنا يجعله أخر الكلام.
هو الادارة مخدتش بالها من روح الفرقه الا دلوقتي.؟ طيب ماهي الخناقات شغاله ليل نهار والقسم بيتوقف ناس فيه اكتر من اللي بيدخلو المنتدي جديد
وخلي طابع المنتدي سياسي بعد ماكان بتاع عربيات
جايين دلوقتي تقفلوه؟ غريب قوي التوقيت بصراحه
أنا أؤيد إعادة فتح منتدى أحوال الشارع المصرى
فإغلاق المنتدى حرمنى من مشاهدة الكثير من------------------التى لا أراها حالياً إلا على قناة الجزيرة وقناة القدس
ولما المنتدى يفتح ان شاء الله ويبدأ الطوب والدبش والمصطلحات المجعلصة فقوانين المنتدى سوف تكون كفيلة بإيقاف من يتجاوز حدوده
يرجى العلم بان قواعدالمنتدى تمنع استخدام هذه الالفاظ اثناء التعبير عن وجه نظرك
تم الاكتفاء بالتنبيه
لجنة فض المنازعات
23/7/2013
عينه من الهطل اللي في الجزيره
https://m.ak.fbcdn.net/sphotos-d.ak/...49521889_n.jpg
ده تأويلك انت ......... و مش من حقك تسحبه و لا تفرضه على غيرك ........... حاول تطلع بره دايرة التمركز حول الذات اللى بتعانى منها جماعتك اشد معاناه اليومين دول
و صدقنى هو بقى مش يمكن ده أكيد ............. ده اساسا احد اهم مشاكلكوا كجماعة فاقدة للأحساس خارج اطارها زى ما حشرح للأخ التانى تحت
احد اكبر مشاكلكوا اللى ضيعتكوا و قضت عليكوا نهائى .......... ان انتوا ولا بتشوفوا الناس العادية من الشعب ده مضايق من ايه ............ و لا بتشوفوا اخطائكوا
غير كارثة التمركز حول الذات .............. و اللى بتزيد من عزلتكوا و انفصالكوا عن الواقع
مثلا موضوع الأعلام ده
اعلامكوا انتوا و قنواتكوا .............. زيها زى الأعلام التانى بالظبط
نفس درجة الكذب و الأنحطاط و التردى .................. انت بس بتزيدوا عليها التاتش الدينى بتاعكوا فى استخدام الدين و لى عنقه لخدمه اهدافكوا و مصالحكوا السلطوية السياسية
و الأمثلة كتييييير اوى ............. و كل مذيع فى الأعلام التانى ده عنده مناظر فى اعلامكوا
يتبقى فرق اخر .......... هو ان الأعلام التانى اكثر حرفية من الناحية التقنية و ليس المهنية طبعا و ده بيزيد كتير من نسب مشاهدته عن مشاهده اعلامكوا
و طبعا فى النهاية ده قرار المواطن اللى قاعد فى بيته ماسك الريموت و يتفرج على اللى هو عايزه و لا مستنيك و لا مستنينى نقوله يشوف ايه و ما يشوفش ايه
انتوا زيهم بالظبط ............... وجهين لعملة واحدة
بالنسبة لى .............. التخلص من جماعة ارهابية قاتلة تتلاعب بالدين و تتاجر بيه ........... حاجة كويسة اوى
و لما ده يحصل ..... و قد اصبح وشيكا جدا ............ حنفضى انا و اللى زيى لتطهير البلد من الأخرين كما طهرناها منكوا
المشكلة ان برضه الاعضاء اللي معترضه على غلق المنتدى كان نفسهم ان مرسي يغضب ويقغل القنوات ويحبس الاعلاميين ؛ انا مع غلقه خلال شهر رمضان وبعده يتم فتحه
مثال بقى على كلامك. معروف ان انصار مرسي مكانهم في رابعه والنهضه والمعارضين مكانهم التحرير والاتحاديه. النهارده تاني هجوم يحصل على ميدان التحرير ومفيش ولا مره حد هجم على رابعه يبقى مين اللي بيروح لمين؟
شوف بقى الجزيره كاتبه ايه
إصابات قرب سفارة أميركا بمظاهرات مؤيدة لمرسي
الأخبار - عربي - إصابات قرب سفارة أميركا بمظاهرات مؤيدة لمرسي
قال ايه المؤيدين كانو عاملين مسيره سلميه ورايحين يعدو من ميدان التحرير وقال ايه رايحين يتظاهرو قدام سفاره أمريكا عشان قال ايه هيه اللي دبرت خلع مرسي. هههههههههههههههههههه و ههههههههههههه تاني وهههههههههههههههه تالت.اقتباس:
فقد اندلعت اشتباكات بين أنصار الرئيس المعزول محمد مرسي ومعارضيه لدى مرور مسيرة ضخمة تطالب بعودته بالقرب من ميدان التحرير في طريقها للتظاهر أمام السفارة الأميركية احتجاجا على ما أسموه الدور الأميركي في عزل مرسي.
وتبادل الطرفان التراشق بالحجارة والألعاب النارية، فيما سمع صوت طلقات خرطوش، وتدخلت قوات الأمن بإطلاق قنابل الغاز المدمع للفصل بين الطرفين والحيلولة لمنع مؤيدي الرئيس المعزول من الوصول إلى مقر السفارة الأميركية.
وقال مدير مكتب الجزيرة بالقاهرة عبد الفتاح فايد إن المسيرة كانت تسير بسلمية قبل أن تهاجمها مجموعات قادمة من ميدان التحرير وتقع الاشتباكات بين الجانبين.
يا باشا المسيرة ما هوبتش ناحية التحرير اصلا
المسيرة طلعت من شارع الجلاء على الكورنيش على النفق اللى تحت كوبري قصر النيل ومن قدام سيميراميس على السفارة الامريكية
اللي حصل ان الداخلية الكلاب راحوا للمعتصمين في التحرير وقالولهم ان الاخوان جايين يقتحموا الميدان ويمشكوكم منه فحصل استثارة ليهم فهجموا على المسيرة وهيا بتعبر من النفق وبعض الشباب اضطروا يردوا عليهم لحد ما المسيرة تعدي بأمان لأن بتوع التحرير ما شاء الله السلميين كان معاهم كل ما تتخيله من انواع الاسلحة
عاوز تكون منصف وحكمك عادل اسمع من كل الاطراف وما تسلمش ودانك للاعلام الصهيوني ... ونصيحة لو عندك اولاد بلاش تخليهم يسمعوه لحسن لما يكبروا يتطوعوا في الجيش الاسرائيلي
تحياتي
انت شوفت الفيديو اللي مصوراه البديل اللي فيه "الشباب" المرسيين بيضربو بالخرطوش؟ طبعا الحاجات دي مبتجيش في قناه الخنزيره بس هوفر عليك الوقت عشات تتفرج تنبسط.
بالفيديو من داخل صفوف الاخوان وهم يطلقون النار علي التحرير | أخبار البديل
واضح طبعا ان الضرب على الكورنيش في النفق!
بالنسبه للجيش الاسرائيلي كفايه انه مع الاخوان في سوريا بينصر الشريعه فمش محتاج حاجه تاني كده.
الا صحيح ازاي أمريكا مع الاخوان في سوريا وضد الاخوان في مصر؟ هههههههههههه رابع
كل سنه وانتو طيبين جميعا ومنجيلكوش في ثوره...
انتوا فعلا محتاجين تنوير ............. الأسلام الحقيقى حاجة
و اساليب المكر و الخداع و الكذب و التخوين و التشهير اللى بتستخدموها للوصول لأغراضكوا حاجة تانية خالص
لا فعلا بعيد عن التحرير خالص .............. خصوصا فى ظل الظروف اللى احنا فيها :)
بمناسبة صحيح الدين .............. كام مجند غلبان و عامل مسكين ماتوا فى سيناء لغاية دلوقتى
على فكره انا مش متمركز حول الذات وبتفرج على الحياة والسى بى سى ودريم والنهار والحافظ ومصر 25 ومابسلمش عقلى لحد هنا فيه تطرف وهنا فيه تطرف
عيبكو انتو بقه انكم عندكم تهم معلبه جاهزه للمعارض لكم
وبالنسبه لى انا هدم نظام وقواعد تداول السلطه بشكل سلمى بغض النظر عن من فى الحكم هو قمة الفاشيه والديكتاتوريه والعنصريه ونظريه همجيه لدول عالم ثالث
هو على فكرة الموضوع ده بيقول أن المنتدى السياسي أتقفل مش أنه أتنقل للمنتدى الأجتماعي.. lol