برجاء التسعير بأقصى سرعة

**hplv** · 10-07-2013 05:28 PM

[و عليكم السلام و رحمة الله و بركاته
اخبارك ايه يا باشا ,, واضح انك لسه ملقتش حاجة كويسة
ازيك يا فندم انا فعلا لسه بدور

- فاكر لما قلتلك ( لازم تكون موضح لصاحب العربية من قبل ما تروح انك هتكشف عليها سواء ف التوكيل (الافضل) او ف بنزينة عشان فى ناس بترفض و يقولك العربية مش هتتحرك من تحت البيت) ,, واضح انك قابلت واحد منهم
انا فعلا نسيت لما اكلمه اقوله كدا خصوصا انه فى طنطا والوكيل فى قليوب اقرب حاجة فكنت مش مدقق على موضوع التوكيل ده اوى

- المهم انا عايز اقولك متدفعش مليم واحد عربون
و اساسا المشترى اللى بيدفع عربون دا بيبقى اتاكد ان العربية سليمة و ناوى يخلص بس مستنى يجمع الفلوس فا بيدفع مبلغ بسيط ربط كلام و قصاد كدة بيتكتب عقد ابتدائى و بيبقى فيه شرط جزائى انه لو فسخ العقد , بيرجعله المبلغ ناقص

- من حقك انك تكشف على العربية و تتاكد انها سليمة عند المكان اللى انت عايزة من غير ما تدفع عربون طالما انت اللى هتدفع مصاريف الكشف و ياريت تكشف عليها ف التوكيل لانه افضل مكان و ان كان من المستحيل ان الراجل يرضى ان يسفر العربية عشان يتكشف عليها

- و احب اقولك ان اضمن طريق للشراء ف الظروف اللى احنا فيها انك تكشف على العربية كويس و تكشف على ورقها و تتاكد انها مش مسروقة و بعدين تروحوا الشهر العقارى و تعملوا عقد مسجل و تدفع المبلغ كاملا هناك و تستلم عربيتك
بالنسبة للجزء بتاع كشف لورق يعنى اعمل ايه بالظبط اخد رقم العربية واشوف بيانتها فى المرور الى هيا نبعه ولا ايه

- بالنسبة للتسعير ,, استاذ شريف هو افضل واحد يرد عليك و من خلال خبرتى الضعيفة ف التسعير , اعتقد ان سعرها دا كويس

واضح انك ملهوف اوى ع العربية يا باشا ,,
بس احب اقولك متخليش اندفاعك يوقعك ف مشاكل مع التجار (او البائعين عموما) او يخسرك فلوس او يدبسك ف عربية اى كلام لان ف الاخر دا نصيب و اللى بيتعامل ف البيع و الشرا عارف الكلمة دى كويس و احب افكرك اننا مش بنلاقى الفلوس ع الارض او بنطبعها
يا فندم انا مقدر جدا للنصيحة الاخوية دى وانا تقريبا مش بعمل اى حاجة غير لما با استشير الاعضاء الافاضل والحمد لله لم يخيب ظنى فى اى مرة
وبجدد شكرى لحضرتك مرة اخرى
[/quote]

**monamize4** · 10-07-2013 05:36 PM

المشاركة الأصلية كتبت بواسطة hplv

بالنسبة للجزء بتاع كشف لورق يعنى اعمل ايه بالظبط اخد رقم العربية واشوف بيانتها فى المرور الى هيا نبعه ولا ايه

يا فندم انا مقدر جدا للنصيحة الاخوية دى وانا تقريبا مش بعمل اى حاجة غير لما با استشير الاعضاء الافاضل والحمد لله لم يخيب ظنى فى اى مرة
وبجدد شكرى لحضرتك مرة اخرى

[/quote]

لازم يا باشا تتاكد ان العربية ليها ملف ف المرور و تاكد انها مش مسروقه و لو هو مش اول مالك يبققى لازم تتاكد من تسلسل الملكية

**hplv** · 11-07-2013 09:17 PM

المشاركة الأصلية كتبت بواسطة amz2011

انا شاميم ريحة تناكة من البايع
فرائى سيبك منه نهائى

لسه مكلمه النهاردة قالى مستحيل اسافر قليوب عشان اروح التوكيل ولو عايز تكشف على العربية يبقى فى طنطا (مكان العربية اصلا )بعد دفع عربون ونكتب عقد علشان ابقى انا مطمن على العربون ولو فى حاجة فى العربية نقطع الورق ويرجعلى فلوسى .

**KABOKY_2010** · 12-07-2013 04:19 AM

بقولك اية فكك منها خالص وكلمة قولة مفيش نصيب على فكرة يا صاحبى انا زيك كدة بالضبط متسرع وببقى عايز الحاجة تخلص فى يومها وبمسك فى الحاجة مش بسيبها بس مع النصية والراى الاخر بعفر ان التسرع مش حلو وانت فلوسك حلوة مش وحشة وهتلاقى حاجة كويسة ان شاء الله باذن الله دور على كل المواقع وحتى لو لقيت حاجة فى اى معرض بيبيع مستعمل روح بص وشوفها ومتفتكرش ان بتاع المعرض هيبغى غالى زى الفكرة الى احنا واخدينها من صغرنا دى لا هو بيوقع عربية بسعر قليل ويبعهالك بسعر السوق لانة مش مجنون يبيع عربية اغلى من تمنها لانها هتتركن ومش هتتباع فاهمنى ورنا يوفقك فى اى حاجة ان شاء الله

**mmans** · 12-07-2013 09:03 AM

باشا .. فيه عربية بتاعت واحد صبى بيبيعها ..
لانسر بوما 2007 هاف سبورت
كاملة اوتوماتيك 1600 سى سى جنوط - سبويلر - abs
بس مفيش فيها فتحة سقف ..
ماشية فى العداد 60 الف كيلو فقط
لونها أبيض ..
فابريكة برا و جوه مفيش فيها خدش والله
العربية حالتها اضمنها برقبتى والله .. ليل نهار مركونة
وواقفة بحالتها ومش محتاجة مليم احمر يتصرف عليها
انا اصلا بدور على هوندا سيفيك حلوة ولو ملقتش هاخد البومة دى منه
ومش بيجيبلها غير قطع الغيار الاصلية من التوكيل وباسم الله ماشاء الله على العربية دى بجد
فيها زينون شبورة و عالى وواطى .. وفيها كاسيت بايونير محترم ..
والعربية طالب فيها 90 الف .. فكر وقوللى .. رقمى اهو 01002777532

**hplv** · 12-07-2013 08:35 PM

المشاركة الأصلية كتبت بواسطة kaboky_2010

بقولك اية فكك منها خالص وكلمة قولة مفيش نصيب على فكرة يا صاحبى انا زيك كدة بالضبط متسرع وببقى عايز الحاجة تخلص فى يومها وبمسك فى الحاجة مش بسيبها بس مع النصية والراى الاخر بعفر ان التسرع مش حلو وانت فلوسك حلوة مش وحشة وهتلاقى حاجة كويسة ان شاء الله باذن الله دور على كل المواقع وحتى لو لقيت حاجة فى اى معرض بيبيع مستعمل روح بص وشوفها ومتفتكرش ان بتاع المعرض هيبغى غالى زى الفكرة الى احنا واخدينها من صغرنا دى لا هو بيوقع عربية بسعر قليل ويبعهالك بسعر السوق لانة مش مجنون يبيع عربية اغلى من تمنها لانها هتتركن ومش هتتباع فاهمنى ورنا يوفقك فى اى حاجة ان شاء الله

شكرا لرد حضرتك يا فندم
انا فعلا سيبته لانه خايف على العربية بطريقة غبية كان مافيش غيرها وانا والله مش متسرع ده انا بقالى فترة بدور فزهقت لكن هنا فى المنتدى الاعضاء بيلحقونى الحمد لله وانقذونى من كذا خطا كنت هعمله وانا فعلالا بدور فى المعارض بس معظمه يا فندم للاسف بيزودو على سعر العربية جامد اوى بس ربنا يسهل والواحد يلاقى حاجة مناسبة

**hplv** · 12-07-2013 08:36 PM

المشاركة الأصلية كتبت بواسطة mmans

باشا .. فيه عربية بتاعت واحد صبى بيبيعها ..
لانسر بوما 2007 هاف سبورت
كاملة اوتوماتيك 1600 سى سى جنوط - سبويلر - abs
بس مفيش فيها فتحة سقف ..
ماشية فى العداد 60 الف كيلو فقط
لونها أبيض ..
فابريكة برا و جوه مفيش فيها خدش والله
العربية حالتها اضمنها برقبتى والله .. ليل نهار مركونة
وواقفة بحالتها ومش محتاجة مليم احمر يتصرف عليها
انا اصلا بدور على هوندا سيفيك حلوة ولو ملقتش هاخد البومة دى منه
ومش بيجيبلها غير قطع الغيار الاصلية من التوكيل وباسم الله ماشاء الله على العربية دى بجد
فيها زينون شبورة و عالى وواطى .. وفيها كاسيت بايونير محترم ..
والعربية طالب فيها 90 الف .. فكر وقوللى .. رقمى اهو 01002777532

سيتم التواصل على الخاص يا فندم وشكرا لحضرتك