الموضوع: القائمة السرية فى العدادات الديجيتال لمجموعة فولكس

جربتها امبارح
الحمدلله معملتش معايا اي مشاكل
وفعلا القايمة 8 items
رقم 7 الRPM
رقم 5 TEST لشاشة الكيلومتر والساعة
اعتقد الأرقام الباقية دي لحاجات محتاجة حساسات والحساسات دي مش موجودة عندنا
لأن بعد النقاش مع كريم عبر الهاتف اكتشفنا ان في ارقام ثابتة عندي وعنده وفي ارقام تانية مختلفة
لكن اللي اتفقنا عليه ان مؤشر البنزين بيهيس ومع كل ملف او اي حركة للعربية المؤشر بيتحرك
ودة ليه دلاله ان اكيد الmenu دي من ضمنها مثلا حساب كمية البنزين ويقولي يمشيني قد ايه
لأن رقم 8 في المنيو مكتوب Trip وتحتها رقم 3.9 ودة اتوقع انه يكون بيقولي انت تقدر تقطع مسافة قد ايه بالبنزين الموجود
كمان رقم 6 بيحسب المسافة اللي بمشيها ولكن بوحدة قياس صغيرة جداً لأن بمجرد العربية ما تتحرك يبدأ العداد في العد وبيعد بسرعة فائقة فأعتقد أنه بيحسب بال10 سم او ما حاجة قريبة من كدة

انا علي العموم هحط الموضوع دة في حساباتي وان شاء الله نجيب اخره معانا

جربت النهاردة فعربية ايهاب منصور (قرطبة 2002) وللأسف ماجبتش معانا اي حاجة غير انها ثبتت كلمة Service علي الشاشة ولغت جميع القراءات

تحياتي للجميع