بناء على طلب الأعضاء ... عربيتى الدايو لانوس ( مافيش منها إتنين ) شوف بنفسك !!!

**islamkhidr** · 20-09-2008 06:37 AM

المشاركة الأصلية كتبت بواسطة mahmoud19

السلام عليكم ورحمه الله وبركاته
كل سنه وانتو طيبين وبخير
معقول يا اسلام انت وكيل نيابه ومش حاطط فاميه على الزجاج
ممكن اعرف ليه وعلى فكره انا نفسى جدا جدا جدا افيم بس ما باليد حيله والحمد لله على كل شئ
والسلام عليكم ورحمه الله

وعليكم السلام ورحمة الله وبركاتة يا أخ محمود منور الموضوع والله

شوف يا أخ محمود

موضوع وكيل نيابة أو ظابط شرطة أو أو ... للأسف بقت ظاهرة سيئة وكلنا بنشوفها فى العربيات موضوع التفييم و الانوار الزينون و الحركات اللى بيعملوها وكل دة لية ؟؟؟ علشان هوة حاسس انة فوق القانون وماحدش هايقدر يعمل معاه حاجة

يعنى بيستغل سلطتة أو مركذة علشان مزاجة الشخصى

يمكن هاتستغرب لما تعرف إنى رافض الفكرة دية تماما لـ 3 أسباب

1 . إن المشرع لما بيفرض قانون بيبقى للمصلحة العامة وغرضة الحد من الحوادث و الاعمال الاجرامية

2 . إن الفامية اللى إحنا بنزلقة على الزجاج للأسف هوة وسيلة رخيصة لتغميق لون الزجاج مش زى الفامية الاصلى اللى بيزل فى العربيات يعنى إسود من برة لكن اللى جوة شايف كويس

3 . أنا شخصيا بحب أسوق وأنا شايف الطريق كويس بسبب الزحمة و الناس المختلفة اللى ممكن تخبط فيك حتى وانت سايق كويس علشان كدة انا بهتم بعربيتى زى ما انت شوفت فى الصور أحب العربية تبقى نضيفة انا ركبت عربيات كتير متفيمة بس للأسف الرؤية فيها ضعيفة و خصوصا بليل العملية كحل خالص طيب علية اية يعنى كل دة ؟؟؟

طبعا دة رأئى الشخصى ..... وانا بحترم رأئى الاعضاء التنيين

وكل سنة وكلكم طيبيين

**islamkhidr** · 20-09-2008 06:39 AM

المشاركة الأصلية كتبت بواسطة Nour_Peugeot

بنا يبركلك فيها و يكفيك شرها و يزقق تجيب حاجة زيرو

شكرا حبيبى وربنا يباركلك فى عربيتك ونجيب زيرو سوا

**Bossy_Fadl** · 20-09-2008 06:44 AM

بسم الله ما شاء الله

جميله اوي العربيه و نضيفه

ربنا يباركلك فيها

لونها كمان تحفة

**Bossy_Fadl** · 20-09-2008 06:49 AM

المشاركة الأصلية كتبت بواسطة islamkhidr

شكرا حبيبى وربنا يباركلك فى عربيتك ونجيب زيرو سوا

ايه موضوع نجيب زيرو سوا ده؟

هي دي مش زيرو؟؟؟؟؟

**islamkhidr** · 20-09-2008 06:59 AM

المشاركة الأصلية كتبت بواسطة bosyfadl

بسم الله ما شاء الله

جميله اوي العربيه و نضيفه

ربنا يباركلك فيها

لونها كمان تحفة

شكرا إختى على مرورك وردك الجميل

**fady.bekatcho** · 20-09-2008 08:48 AM

بجد جميلة جدا يا غالى

ربنا يباركلك فيها ويحميها

**mahmoud19** · 20-09-2008 10:19 PM

والله معاك حق بس بأمانه هو بيدى العربيه شكل جامد موووت وانا ليا اصحاب كتيير منهم ضباط شرطه ودول كلهم عاملينه وضباط الجيش فى عدد بسيت عاملينه وليا بردو واحد ضابط طيار(محارب) رأيو زى رأيك كده بردو بس انا بجد عاوز اعرف طريقه اعملو بيها وشكرا على الاهتمام وانا أسف لو كنت لحوح شويه

**islamkhidr** · 29-09-2008 03:06 AM

المشاركة الأصلية كتبت بواسطة fadymelad

بجد جميلة جدا يا غالى

ربنا يباركلك فيها ويحميها

شكرا حبيبى على ردك الجميل

ربنا يباركلك فى عربيتك إنت كمان

**drlifewhy** · 29-09-2008 05:40 AM

جامده ياباشا انا مستغرب ازاى لانوس 1 وحالتها كدا بأمانه العربيه نضيفه اوى ربنا يباركلك فيها يارب اكيد كانت مرفوعه بس انت حيرتنى بادج نيابه ونسر تحت بعض :)
طب يعنى اللى يشوف العربيه يقول ايه كان ظابط شرطه وحول نيابه :)
انت عارف احلى حاجه البادجات الصاج الأصلى اللى بتتحط عالنمر هى اللى بتجيب من الأخر لأن اللى على الأزاز دول بيتباعوا عادى فى اى محل كماليات
وياترى الأتوماتيك عامل معاك ايه فى اللانوس ملوش مشاكل؟