البيجو طبعا هتكون جميلة لكن السعر عالي حبتين و كمان البيجو الجديد عامل زي الرينو تحس أنه مش بتاع زمان لكن في رأيي علي الأقل أحسن من الريو.
عرض للطباعة
اتفرج فى المصريه بس متشتريش من عندها عشان بيبهدلو العربيات يا ريت لو عرفت تشترى من توكيل او من الطارق دول محترمين عن تجربه
+1
حضرتك ممكن تكلم 19207 و تقولهم لو عايز تتفرج عليها او تعمل تست درايف و شوف شكلها من جوه و بره و تقفيلها عامل أزاي و بعد كده قارنها بالبدائل التانيه براحتك . هي مش عربيه اسره اكيد زي معظم الهاتشباك بس موتور و تقفيل و شيك جدا و كمان حجمها صغير و فيها وسائل امان ايرباجز و فرامل ABS و ESP و لذلك اول ما قرأت متطلباتك من العربيه جت في دماغي علي طول . نقطه بس لازم اقولها ان سعر اعاده البيع بتاعها ما بيبقاش زي الريو مثلا او الحاجات المنتشره و ده بحكم انها مش منتشره و مش اي حد بيشتريها
Peugeot 208
بص بخصوص اعاده البيع واحد قال كلمه عجبنتى
تشترى عربيه للسوق تنكد عليك 5 سنين عشان يوم ما تبيعها تكون مبسوط
و لا تشترى عربيه عجباك و مقتنع بيها و تفرح بيها 5 سنين و تزل يوم ما تبيعها
اكيد ازعل يوم واحد كفايه الامان و الاعتماديه و التميز
المرسيدس احسن كتير من الباقيين و طول عمرها عامله زي الجنيه الذهب بشرط طبعا ان حالتها تبقي كويسه أما بقيه الموديلات اللي حضرتك ذكرتها فاتفق معاك في ان سعر اعاده البيع بتاعها بيبقي سيء و ان كنت آري انه مش عادل كمان بس هو ده السوق بتاعنا ، يعني لو سألت كتير من الناس تفضل الايرباجز و لا فتحه السقف هيقولولك طبعا فتحه السقف او هتلاقيهم بيفضلوا الشكل الهجومي زي ما بيقولوا او الالوان في العدادات عن وسائل الامان زي الفرامل يكون فيها abs و ebd و esp . انا بس من باب الامانه كنت لازم أقول لحضرتك موضوع سعر اعاده البيع علشان تبقي النقاط كلها واضحه قصاد حضرتك و انت بتختار . علي فكره معارض اباظه نفسها شغاله بقالها فتره في معظم العربيات مش بيجو بس وده مثلا في المعرض اللي في التجمع الخامس بتاعهم فممكن تلاقي عندهم تشكيله كبيره بس يستحسن تتكلم قبل ما تروح و تسأل علي العربيات اللي واقفه لانهم بينقلوها بين المعارض من وقت للتاني