الموضوع: هاتش باك في حدود 140

انا كمان في نفس المشكلة بتاعت حضرتك بس انا كمان من شروطي ان العربية تكون مانيوال.
الأخيارات الموجودة بالنسبالي هي الريو و البونتو و الكورسا و ال 301.

الريو : الأختيار الأكثر منتق: عربيا سمعتها كويسة جداً جوا مصر و برا و سواقة ممتازه, توكيل كويس, كماليات ممتازة, أحسن سعر إعادة بيعز يعني في الأخر مش خسران حاجة. عيبها بنسبالي أن المانوال بتاعها يعتبر فاضي مافيهوش إلا إيرباج واحدة و حتى مفيهوش فرامل ABS.

ال 301: عربية فيها كل الكماليات و سعرها ممتازز عيبها التوكيل و سغر إعادة البيع و بما إنها عربية جديدة فالكلام عليها مش كتيرو خصوصاً إنها نازلة في الدول النامية بس (زيينا) و دي أكتر حاخة مضيقاني. من الكلام عليها في دبي و تركيا و روسيا الفتيس الأوتوماتيك مش حلو.

الكورسا: سواقة ممتازة, سوقها مش زي الريو بس كويس, الكلام عليها في كل مكان في العالم كويس, كماليات زي ال 301 أو أعلى. عيبها أن الموديل دة بقالو فترا (من 2006) . أنا شايفها الأختيار المناسب أكتر لحضرتك.

البونتو: أحلى شكل في رأيي, كماليات ممتازة في أعلي فئا فقط و الأقل من كدة برضو كويس بس مافيهوش AUX. توكيل سيء و انا شايف أن البينزل مصر منها هو أقل مستوا (الموتور ال multi air مش بينزل مثلاً) و إعادة البيع سيء. و هناك شكاوي أن العفشا طرية جداً و الدركسين خفيف.

أنا عقلي بيقوللي أجييب الريو خصوصاً إني عارف إني هجدد (أو اسافر) إنشاء اللة كمان سنتين بلكتير, بس لو قدامي أجيب بونتو مانيوال مش pop و بموتور multi air هجيبها.

أنا قلت أعرضلك أنا وصلت لإية ممكن دا يساعدك

البونتو: أحلى شكل في رأيي, كماليات ممتازة في أعلي فئا فقط و الأقل من كدة برضو كويس بس مافيهوش AUX. توكيل سيء و انا شايف أن البينزل مصر منها هو أقل مستوا (الموتور ال multi air مش بينزل مثلاً) و إعادة البيع سيء. و هناك شكاوي أن العفشا طرية جداً و الدركسين خفيف.

الجراند بونتو اول فئه اوتوماتيك فيها aux و بلوتث كمان ده غير باقى المميزات التانيه
التوكيل خلاص رايح للفطيم و الفطيم معلهوش اى خلاف زى ما كل الناس عارفه
الى قال العفشه طريه و الدريكسون خفيف ده كلام حد مركبش العربيه ابدا

العفشه شبه رياضيه بتديك ثبات ممتاز و تحس سنه بالمطبات
الدريكسيون كهرباء و فى سيتى بور كمان بيخلى الدريكسون زى الريشه لحد 40 ك بعد كده التحكم فى العربيه رائع
انا سافرت بالعربيه الفيوم و دمياط و القاهره و الصراحه متعه جدا و مريحه و استهلاك ممتاز


بس تقريبا قليله شويه فى السوق اليومين دول

للعلم الجراند بونتو بتنزل مصر من ايطاليا مباشرا نفس الى بتنزل بره و فى كل اوربا ممكن يكون فى فئات تانيه مش بتنزل عندنا زى الابارث

التقيل ممتاز و الحمد لله عامل بالعربيه حوالى 4 الف و بفضل الله لا يوجد شكوى من اى شئ فى العربيه
حتلاقى ناس كتير لسه شاريه عربيه زيزو و الى يقولك الفرامل مش مظبوطه و الى يقول التكيف مش تمام و العربيه بتسحن
الحمد لله الفيات عربيه تمام قوى و الصيانه كل 10 الاف او سنه و التكيف مش بياثر على العربيه ابدا مش حتحس ابدا انه شغال او واقف

و ربنا يوفقك الجميع لما فيه الخير

انا عارف ان كلامى ممكن يبين تحيز للجراند بس عشان انا اشتريت العربيه دى بعد سنه من البحث و المقارنات و الفرجه على العربيات و بما انى ركبت عربيات كتير اقدر اقول العربيه تستاهل الفلوس المدفوعه فيه و زياده و احسن من الريو فى الامان و التقفييل و الثبات و السحب

ألف شكر للأعضاء الكرام علي الردود الجميلة و الوافية و فعلا أنا شايف أن البونتو أحسن deal من حيث الشكل و الأداء و السعر. و فعلا أنا سمعت أن الفطيه بتاع هوندا هياخد التوكيل فهيكون أحسن كتير طبعا.
الريو فيه كلام عليها علي العفشة و مشاكل السحب و البنزين. و سعرها مش قليل عشان تجيب الهايلاين اللي فيها الكماليات المعقولة.
الأوبل خايف من توكيلها عشان ليه واحد صاحبي معاه vectra c و مبهدلينة في الأسعار. و كمان ضهرها شكلة مش عاجبني.
أن شاء الله لازم أروح معرض أتفرج و أقرر و ربنا كريم.

كيا ريو عربيه بجد محترمه اوي وخامات وكماليات عاليه وموتور ١٤٠٠ بس قوي جدا وعن تجربه وفيها عوامل امان abs&ebd + 2 air bag وتليق للحريم عشان شكلها تحفه بالليدات ورا وقدام ودي موجوده في الهاي لاين بس وناعمه اوي ومريحه في سواقتها وحجمها مش كبيرة ولا صغيرة .. انا برجحلك الريو وعن تجربه واي سوال انا معاك .

ايفو او ياريس هتشباك ..