الموضوع: بيجو 307 الأقصر

المشاركة الأصلية كتبت بواسطة yasserelshakwe

انا عاوز اشتري بيجو 307 sw موديل 2014 ذات السقف البانوراما من السعودية العربية كلها فرنساوي بالكامل
هل هذه السيارة جيدة أم لا مقارنة مع نفس الفئة من الماركات الأخرى ، وهل التوكيل في مصر كويس وقطع الغيار متوفرة ورخيصة أم لا
مع وافر الشكرو التقدير على سرعة الإجبة

مبدئياً مفيش بيجو 307 موديل 2014.

ممكن حضرتك تكون قصدك علي ال 308 sw
والعربية جيدة جداً مقارنة مع العربيات اللي في نفس الفئة السعرية في السوق, وتتفوق عليهم في الكماليات والراحة والأمان.

وقطع الغيار متوفرة في التوكيل وخارج التوكيل, وأسعارها في نفس سعر الكوري والياباني وغير مبالغ فيها.

المشاركة الأصلية كتبت بواسطة yasserelshakwe

انا عاوز اشتري بيجو 307 sw موديل 2014 ذات السقف البانوراما من السعودية العربية كلها فرنساوي بالكامل

المشاركة الأصلية كتبت بواسطة yasserelshakwe

أخي الكريم
رمضان كريم عليك وعلى جميع الشعب المصري العظيم
وبعد صباح الخير....
استسمحك عذراً على قولك بعدم وجود سيارة بيجو 307 sw ولكن أود أن أقول لك السيارة موجودة في السعودية بفئة واحدة فقط بسعر 70 ألف ريال سعودي اتوماتيك فول أوبشن تقريباً وبفتحه سقف بانوراما ، وفتحه السقف بطول سقف العربية تماماً وليس نص فتحه سقف ، العربية بسم الله ما شاء الله رووووووعة بمعنى الكلمة وفرنساوي بالكامل.
ودمت بكل ما أملك من ود ومن تقدير واحترام
وبرجاء الرد لأنه لو هذه السيارة غير موجودة في مصر سوف تكون مشكلة لأنه اكيد التوكيل لا يعرف كيف التعامل معها

يا أخي رمضان كريم علينا وعليك. وصباح الفل.
وزي ما وضحت لك قبل كدا إن العربية أتوقف أنتاجها من سنة 2008 في فرنسا.
وحل محلها البيجو 308 من سنة 2008 لحد يومنا هذا.

يعني مفيش بيجو 307 موديل 2014
عشان كدا قلت لك تتأكد من موديل السيارة, ويا سلام لو تصورها وتورينا صورتها
أو تشوف ورقها من المعرض وتشوف بلد المنشأ بتاعها أيه, لأن فرنسا مطلعش منها بيجو 307 سنة 2013 ولا 2014 !!

فياريت تتأكد من الموديل تاني وتشوف هيا أتصدرت من بلدها في أي سنة, يعني موديل سنة كام.
عشان مفيش بيجو 307 جديد خلاص, فا يأما البائع بيحاول ينصب عليك,
يا حضرتك اللي فهمت غلط, أو أتلخبطت في رقم الموديل.


البيجو 307 أتصنعت في فرنسا من سنة 2001 إلي سنة 2008,
وأتعملها أكستند وأتصنع منها في الأرجنتين لحد 2011 بس دي مجالناش منها مصر,
وكانت أخر حاجة جات لنا منها موديل 2008.

زي البيجو 405 كدا ما أتوقف أنتاجها في فرنسا سنة 1997, ولسه لحد أنهارده بيتصنع منها في إيران بإسم Pars كا فيس ليفت لل 405.


بالنسبة للبيجو 307 SW ليها شكلين.
من سنة 2001 إلي 2005 كان دا شكلها
الشكل القديم


ومن سنة سنة 2007 إلي 2008 أتعملها Facelift وكان فيه تعديل في الفوانيس الأمامية والشبكة الأمامية ودا كان شكلها.

الشكل الجديد




والسيارتين الشكل الجديد والقديم متشابهتين جداً من الخلف,
الشكل القديم

الشكل الجديد

المشاركة الأصلية كتبت بواسطة yasserelshakwe

هل هذه السيارة جيدة أم لا مقارنة مع نفس الفئة من الماركات الأخرى ، وهل التوكيل في مصر كويس وقطع الغيار متوفرة ورخيصة أم لا

العربية جيدة جداً مقارنة مع العربيات اللي في نفس الفئة السعرية في السوق, وتتفوق عليهم في الكماليات والراحة والأمان.

وقطع الغيار متوفرة في التوكيل وخارج التوكيل, وأسعارها في نفس سعر الكوري والياباني وغير مبالغ فيها.

المشاركة الأصلية كتبت بواسطة yasserelshakwe

العربية بسم الله ما شاء الله رووووووعة بمعنى الكلمة وفرنساوي بالكامل.
ودمت بكل ما أملك من ود ومن تقدير واحترام
وبرجاء الرد لأنه لو هذه السيارة غير موجودة في مصر سوف تكون مشكلة لأنه اكيد التوكيل لا يعرف كيف التعامل معها

زي ما وضحت لك بردي في الأعلي, قطع الغيار متوفرة والعربية منتشرة بشكل ملحوظ.
وأنا مالك لهذة السيارة اللي هيا في أخر صورة الشكل الأخير, ومفيش أي مشاكل من التعامل معاها مع التوكيل.


ولكن تاني العربية دي أتوقف أنتاجها سنة 2008 في فرنسا.
لزيادة التأكيد دي صورة من موقع ويكي بيديا تأكد لك المعلومة دي,
فرجاء تأكد من موديل العربية اللي بتتكلم عنها.

Ref:
Peugeot 307 - Wikipedia, the free encyclopedia
PSA PF2 platform - Wikipedia, the free encyclopedia