35 جنيه ؟ ماهو يا اما انت بتتكلم عن فلتر الزيت درجه تانيه كمان مش الاصلي
يا اما انت ماتعرفش حاجه عن البوما ومش عايش معانا :10D5C8w1107:
عرض للطباعة
آه عايز أعرف ايه الجديد اللى فيه عشان يبقى ب 650 جنيه دا سعر خيالى لعربية قديمة قوى فى السوق كمان !!... أنا فلتر البنزين عندى أصلى ب 35 جنيه
لا دا كدا اوفر قوى دا تيل ميجان الأمامى اللى فراملها أفضل من بومة فى ال توكيل ب 400 جنيه أو 440 مش فاكر
هو موضوع استغلال مش أكتر ولا أقل ... زى موتور طرمبة بنزين ممكن تلاقيه بيركب على أكتر من عربية وتروح تقوله عايزه لشيروكى يقولك ب 350 جنيه عايزه للانوس يقولك ب 75 جنيه ...
يعنى أنا اشتريت موتور طرمبة بنزين بوش أصلى ب 100 جنيه .... وزميل لنا فى المنتدى اشتراه قبلى ب 220 وكان فرحان جدا لأن دا أرخص سعر لقاه فى شارع دمشق !!!!!!!!!!!!
نفس الموضع حصل معايا النهردة ياجماعة العربية شطبت بنزين والمؤشر كان علي الربع الاخير يعني كان فاضل فيها حوالي عشرة لتر وعملت معايا موقف وشطبت بنزين وجبت ميكانيكية والي يشيل في سلوك البوجيهات والي يجرب هنا والي يقولي خرطوم مش عارف اية والله اتبهدلت وبهدلت عربيتي واتحرق دمي انا بقول كدة عشان الي يحصل معاة موقف زي دا ميتبهدلش زي حلاتي لان البهدله صعبة اوي انا ساعات كنت بمشي في حتت مقطوعة والمؤشر علي اخر ربع ومطمن دلقتي انا قبل ماروح اي مشوار لازم ابقي مفول العربية للنص اقل واجب مخليهاش تتعدي النص بجد حاجة تحرق الدم ربنا يكون في عونك يا استاذ صلاح حسيت بموضوعك النهردة
بص يا بطل دي حاجة بسيطة وممكن تعملها بنفسك ....... معايا بومة 2007 عملتها معايا ومؤشر البنزين هيس وبصراحة ما بحبش الصنايعية يلغوصو في الحاجات الحساسة دي رحت فاكك العوامة ودي حاجة بسيطة جداً تحت الكنبة هتلاقي طبتين افتح الطبة اللي ناحية الباب ورا يمين فك الصواميل بحرص وخرج العوامة بحرص كل الموضوع ان الوسخ الموجود في البنزين بيترسب علي بورده كهربائية والوسخ ده هو اللي بيخلي العداد يهيس امسح البورده بحرص شديد والمؤشر برضه و خليك خفيف رجع العوامة مكانها واربط صواميلك وكله تمام ............................. بس
انا حتي الميكانيكي اخد مني الفلتر الاصلي وقالي دا باظ هههههههههههههه قولتله خدة الله عليكي يامصر وعلي شعبك الامين بجد شعب امين جدااااااااا