سؤال عن عيوب الاكسنت

**ahesham** · 13-07-2013 02:13 AM

أنا كنت محتار بين اللانسر بومة اوتوماتيك 2013 واكسنت اوتوماتيك 2013 basic وكل الناس نصحوني باللانسر لكن أنا مقتنع أكتر بالاكسنت علشان شكلها شبابي أكتر. أنا عارف إنها فيها مشكلة جامدة في إنها واطية والمساعدين اللي ورا لازم يتغيروا, بس هل في عيوب تانية غير كده؟ أنا سمعت إن الدهان بتعها خفيف والتكييف ضعيف. هل ده صحيح؟

**hamaka** · 13-07-2013 02:27 AM

بالنسبة للارتفاع هى فعلاً واطية و ممكن تحك لو محملة ناس و شنط بس يعنى فى عربيات كتير كده ، المساعدين فيهم مشكلة و أعرف انهم بيتغيروا فى التوكيل داخل الضمان عادى ، بس بالنسبة للتكييف مش ضعيف خالص بالعكس ده ممتاز فعلاً زى معظم الكورى ، الدهان بصراحة معرفش عنه حاجة عشان مفتيش فا ممكن تستنى حد من ملاك العربية عشان دى بالذات عايزة تأكيد من حد منهم و تكون العربية قعدت معاه فترة كمان ، الارتفاع و الحك فى المطبات و قوة التكييف مشوار واحد فى العربية حتى لو مش سايقها و راكب مع صاحبك مثلاً كافي جداً انك تقيمهم ، بس الدهان ده لازم تجربة من الملاك عشان الكلام يبقى دقيق.....و ربنا يوفقك للصالح..

**ahesham** · 13-07-2013 02:35 AM

المشاركة الأصلية كتبت بواسطة hamaka

بالنسبة للارتفاع هى فعلاً واطية و ممكن تحك لو محملة ناس و شنط بس يعنى فى عربيات كتير كده ، المساعدين فيهم مشكلة و أعرف انهم بيتغيروا فى التوكيل داخل الضمان عادى ، بس بالنسبة للتكييف مش ضعيف خالص بالعكس ده ممتاز فعلاً زى معظم الكورى ، الدهان بصراحة معرفش عنه حاجة عشان مفتيش فا ممكن تستنى حد من ملاك العربية عشان دى بالذات عايزة تأكيد من حد منهم و تكون العربية قعدت معاه فترة كمان ، الارتفاع و الحك فى المطبات و قوة التكييف مشوار واحد فى العربية حتى لو مش سايقها و راكب مع صاحبك مثلاً كافي جداً انك تقيمهم ، بس الدهان ده لازم تجربة من الملاك عشان الكلام يبقى دقيق.....و ربنا يوفقك للصالح..

هل لما المساعدين يتغيروا العربية مش هتبقى واطية ومش هتحك؟

**إبراهيم المصرى** · 13-07-2013 05:08 AM

نصيحة خليك فى اللانسر البومة الاوتوماتيك 2013 وابعد عن الاكسنت الاوتوماتيك 2013 basic زى كل الناس مانصحوك باللانسر

**toty_305** · 13-07-2013 06:13 PM

-يا ياشا كله بيتكلم هنا و خلاص و محدش بيقول الحق

-الفرق بين ال 2 مش الفظيع يعني بس أنا كنت زيك كده بس قولت عربيه قديمه جدا و بطه جدا و بقت منتشرة زي التاكسي ( الانسر ) و لو على الثبات أنا ركبت الانسر كتيير جدا الفرق 10% فقط لا غير

-أنا أخترت الأكسنت و طلع الاختيار الاحسن لو أستعمالك كويس و بتحافظ مش هتفرق ...

**matantawy** · 14-07-2013 11:49 AM

اكسنت rb معايا بقالها كام شهر و غيرت المساعدين فى التوكيل ببلاش طبعا
المساعدين مش بيفرقوا تقريبا فى الارتفاع و انت ماشى عادى بس بيفرقوا اما تاخد مطب هوا او مطب عادى رد فعل العربية هيبقى ايه، هتلب و تتنطط و لا هتبقى ثابتة

التكييف كويس جدا طبعا و انا بشغله على اول سرعة حتى لو راكبين 4 الا لو فى عز الحر بشغله على 2 بيبقى زى الفل

استهلاك بنزين حلو جدا مقارنة بعربيات اصحابى

الدهان لحد دلوقتى كويس ف مقدرش افيدك اوى

**ahesham** · 14-07-2013 11:16 PM

طيب بما إنها واطية, هل هي واطية لدرجة إنها هتحك في أي مطب لو في حد قاعد ورا؟ وهل هي مصفحة من تحت؟

**profimh** · 14-07-2013 11:33 PM

للاسف ده صحيح أى حمل ولوخفيف هيخلى العربية تحك
اما بالنسبه للتصفيح لا هى مش مصفحة

**ahesham** · 15-07-2013 01:37 AM

المشاركة الأصلية كتبت بواسطة profimh

للاسف ده صحيح أى حمل ولوخفيف هيخلى العربية تحك
اما بالنسبه للتصفيح لا هى مش مصفحة

طيب ده كده العربية غير مناسبة للطرق بتاعة مصر خالص خصوصا إنها مش مصفحة كمان

**profimh** · 15-07-2013 11:24 AM

المشاركة الأصلية كتبت بواسطة ahesham

طيب ده كده العربية غير مناسبة للطرق بتاعة مصر خالص خصوصا إنها مش مصفحة كمان

هى العربية مناسبة جدا جدا من حيث الاعتمادية و قوة الموتور و قطع الغيار و توافرها بالإضافة لسعر إعادة البيع
التصفيح مش هيفيد فى المشى بس هتنزل العربية أغلى من كده كتير

بس هى مشكلة المساعدين اللى ورا فقط لا غير
فيه ناس قالوا انهم حلوا الموضوع بس بإجتهاد شخصى فى تغير المساعدين و السوست بنوعية تانيه.