مشكلة فى الفتيس مزهقانى اوى

**kero25** · 30-08-2008 02:12 AM

انا بعد مغيرت اسطوانة ودسك وبلية
الغيار التانى شبة مش بيجى وبحس عشان اجيبوة ممكن اكسر الفتيس فى ايدى صعب اوى اوى وبقالى فترة على كدة انا مغير الاسطوانة والدسك من حوالى 3 شهور بس التانى بس الى بيعمل كدا بقيت الغيرات زى الفل الحمد لله
يارب تفيدونى دة سببة اى وتصلحية ازاى مع العلم انها لانوس 2 موديل 2000
وكل سنة وانتوا طيبن قبل اى حاجة

**acounter01** · 30-08-2008 10:58 AM

قي واحد في المنيل اسمة حمادة دة رقم تليفونة 0121351096 دة متخصص فتيسات ممتاز عن تجربة اتوماتيك ومانيوال
جربة وش حتندم
وان شاء الله حتدعيلي ويارب ما تدعي عليا

**aymanhh** · 30-08-2008 11:49 AM

حصل معيا نفس الموضوع دة بس كان فى الاول وانا الى زبطة روح للمكانيكى الى غيرلك الديسك والاسطوانة وخلية يزبطلك الرجلاش الى ماسك عصاية الفتيس بالعقربة

**Sherif Khalifa** · 30-08-2008 04:15 PM

لما التانى بيجى معاك بتحس باى مشكلة فى سحب العربية ؟
لو مفيش مشكلة يستحسن تجرب رجلاش العصاية علشان ممكن يكون الى غير الاسطوانة مرجلش كويس

**kero25** · 30-08-2008 07:38 PM

الف شكر على الردود لا انا مش عندى مشكلة فى السحب خالص زى الفل الحمد لله بس ممكن فعلا اشوف موضوع رجلاش العصايا دة ويارب خير لو معرفيش المكنيكى بتاعى هروح للى فى المنيل والف شكر وإن شاء الله هدعيلك

**blockman** · 31-08-2008 04:31 PM

ممكن تقولي جيبت طقم الدبرياج بكام عشان انا كمان محتاج اغيرة

**Strong** · 31-08-2008 05:18 PM

المشاركة الأصلية كتبت بواسطة kero25

انا بعد مغيرت اسطوانة ودسك وبلية
الغيار التانى شبة مش بيجى وبحس عشان اجيبوة ممكن اكسر الفتيس فى ايدى صعب اوى اوى وبقالى فترة على كدة انا مغير الاسطوانة والدسك من حوالى 3 شهور بس التانى بس الى بيعمل كدا بقيت الغيرات زى الفل الحمد لله
يارب تفيدونى دة سببة اى وتصلحية ازاى مع العلم انها لانوس 2 موديل 2000
وكل سنة وانتوا طيبن قبل اى حاجة

المشكلة دي كانت عندي بعد ما غيرت طقم الدبرياج وكانت مضايقاني جدااااااااااااااااااااااا اااااااا وطلعت المشكلة في قاعدة متور كانت مشروخة وفضلت لما اتكسرت وغيرتها بس بعد ما بطل الفتيس ياخد غيارات علشان مكنتش لاقي حل واتحلت المشكلة والحمد لله

**nefary** · 01-09-2008 02:57 AM

ممكن من تيش الفتيس
بص جرب قبل ما تجيب تاني تمور وبعدين تجيب عصاية الفتيس شمال كأن هتنقل اول او تاني
تطلع قدام سنة كأنك هتجيب اول بس مش تجيب اول وترجع تجيب تاني عادي

وشوف لو جه معاك عادي يبقى المشكلة كده في الدبرياج ممكن يكون الميكانيكي اللي ركبهولك ما ركبوش صح

لو نفس المشكلة يبقى شوف كرسي الفتيس و الجلب الكاوتش بتاعته ممكن تكون مقطوعة

والله اعلم

**kero25** · 01-09-2008 05:54 AM

انا رحت للميكانيكى النهردة ورجلش عصاية الفتيس وبقت احله بس مش اوى يعنى بس اسهل شوية من الاول

ممكن تقولي جيبت طقم الدبرياج بكام عشان انا كمان محتاج اغيرة

انا بس ناسى جبتة بكام بس انا بكتب اى حاجة جبتها فى اجندة هشوف وهقلك
شكرا ياجماعة على الردود ويارب نقف جنب بعض كدا على طول إن شاء الله

**blockman** · 01-09-2008 05:58 AM

شكرا يا كيرو علي اهتمامك وياريت تشو فلي وتقولي وتقولي بلدة اية طقم الدبرياج الي انت جيبتة
وبجد
المنتدي دة المفروض ياخد مركز اول السنة دي في ترتيب المنتديات لانة بيقدم خدمة بجد