استشارة من اخصائى طب العيون

**Ahmed Nasser** · 13-07-2013 04:11 PM

بسم الله الرحمن الرحيم
السلام عليكم ورحمة الله وبركاتة

الاخوة الكرام اعضاء المنتدى من اخصائى طب العيون
انا عندى ضعف نظر من صغري تقدر تقول من حوالى 10 سنوات
بس ماكنتش حاسس بية الا لما وصلت لسن الـ 15 وبدات بقيادة السيارات وبدات اعانى
من مطبات وحفر مبشوفهاش
وبالفهل ذهبت للدكتور عندنا فى الفيوم وكشفت واتضح ان نظرى ضعيف وتم عمل النظارة
الكلام دة وانا كان عندى حوالى من 17 لـ 18 سنة
بس النظارة ماكنتش بتجيب معايا بالليل كويس خصوصا وانا سايق عربية

المهم فى شهر 4 اللى فات روحت عملت كشف جديد ودى المقسات

وتم عمل النظارة وكانت ممتازة جدا فى الرؤية والاهم كانت باليل حلوة جداااا
بس كانت تقيلة وكانت بتعبنى لما اخد مشوار سفر او اجلس امام الكمبيوتر او التلفزيون ساعة واحدة كانت بتتعبنى جدامد من تقلها
المهم دلوقتى ربنا كرمنى وضاعت من 3 ايام او اربعة وعايز اعمل واحدة جديدة
وتكون خفيفة لانى هلبسها على طول
وكنت بشوف ناس عملة نظارات شمس وفى نفس الوقت نظر
حد عنو فكرة عنها وياريت الاسعار لانى النهارة او بكرة بالكتير رايح اعمل واحدة على المقاسات دى
واسف على الطالة وشكرا مقدما

**Ahmadhamza84** · 18-07-2013 03:02 PM

أنا طبيب بس مش عيون :) بس هفيدك شويتين ..
أولا نظرك مش ضايع قوي يعني ...قشطة ...
ثانيا : موضوع النظارات الشمس في نظر ماعرفش اذا كان فيها مشكلة طبية ولا لا بس لو مش هتلبسها كتير فغالبا مش هيبقى فيه مشكلة ....الأسعار مش غاليه ...لو رحت أي محل نظارات بالمقاسات العدسات الفرنساوي بالشنبر ممكن يعملوا 150 جنيه ...إلا بقى لو أنت عاوز فريم ماركة فده قصة تانية
خد بالك ان النظارات الشمس وفي نفس الوقت نظر دي ماينفعش تلبسها في البيت ....دي شمس
لكن : هناك نوع آخر من العدسات بيسموه فوتو جراي أو الفوتو براون ...ودي عبارة عن عدسة عادية جدا لكن في الشمس بتدي ظل حسب اللون رصاصي أو بني اللي أنت بتختاره ...العدسة دي فيها عيب بسيط انها في الظل مش صافيه ...بتبقى مصفرة شوية ...وبرضو العدسة رخيصة الواحدة تقريبا ب 75 جنيه

**monamize4** · 18-07-2013 05:32 PM

بص ياباشا

انت عندك قصر نظر بسيط
اليمين -1.5 و الشمال -1.75

و عندك استجماتيزم
1.5- ف العين اليمين و -1.5 ف العين الشمال

بالنسبة للنضارة الشمس ,,
فا دى عادى ممكن تبقى نظر و شمس ف نفس الوقت بس هات نوع نضيف
و لو عندك رمد ربيعى او حاجة تخليك تتعب من الشمس و محتاج تمشى بيها على طول يبقى ممكن تخلى بتاع النضارات يعملك عدسات فيمية او فوتو بروان

بس انت تقصد ايه بكلمة تقيلة ؟

**Ahmed Nasser** · 19-07-2013 04:04 PM

المشاركة الأصلية كتبت بواسطة monamize4

بص ياباشا

انت عندك قصر نظر بسيط
اليمين -1.5 و الشمال -1.75

و عندك استجماتيزم
1.5- ف العين اليمين و -1.5 ف العين الشمال

بالنسبة للنضارة الشمس ,,
فا دى عادى ممكن تبقى نظر و شمس ف نفس الوقت بس هات نوع نضيف
و لو عندك رمد ربيعى او حاجة تخليك تتعب من الشمس و محتاج تمشى بيها على طول يبقى ممكن تخلى بتاع النضارات يعملك عدسات فيمية او فوتو بروان

بس انت تقصد ايه بكلمة تقيلة ؟

يعنى كدة العين اليمين اضعف من الشمال صح ؟؟

بالنسبة لاستجماتيزم يعنى ايه ؟؟؟

انشاء الله ناوى اعمل حاجة حلوة
بس عادى بطلع فى الشمس وبشوف كويس
بس بكون معرض انى اسوق فى الشمس كتير وبكون ماشى زى الاعمى

اقصد بكلمة تقيلة ان النظارة نفسها وزنها تقيل وكانت بتتعبنى لما البسها فترة

والف شكر ليك على تعبك معايا

**monamize4** · 19-07-2013 05:21 PM

المشاركة الأصلية كتبت بواسطة Ahmed Nasser

يعنى كدة العين اليمين اضعف من الشمال صح ؟؟
صح ,, بس بفرق بسيط جدا

بالنسبة لاستجماتيزم يعنى ايه ؟؟؟
فاضى نشرح ؟

إن شاء الله ناوى اعمل حاجة حلوة
بس عادى بطلع فى الشمس وبشوف كويس
بس بكون معرض انى اسوق فى الشمس كتير وبكون ماشى زى الاعمى
يبقى زى ما قلتلك هات عدسات فيميه او فوتو براون

اقصد بكلمة تقيلة ان النظارة نفسها وزنها تقيل وكانت بتتعبنى لما البسها فترة
عادى يا باشا ,, هات شنبر خفيف و عدسات بلاستيك و مش هتحس بيها اساسا

والف شكر ليك على تعبك معايا
العفو يا باشا و انا تحت امرك ف اى استفسار

**monamize4** · 23-07-2013 07:03 PM

بعتذر يا باشا انى اتاخرت ف الرد

بالنسبة لاسعار العدسات ,,
اى مركز بصريات هيفيدك افضل منى

و بالنسبة لشرح الاستجماتيزم ,,
الاستجماتيزم .. أنواعه وطرق علاجه - سنا للطب الأصيل