الموضوع: ساعدونى يارجاله عايز عده محترمه

المشاركة الأصلية كتبت بواسطة mido353235

ياجماعه انا عايز gm وسماعتين محترمين وبازوكا اهم حاجه عندى نقاء الصوت
بالنسبه لل gm فى واحد jbl 1000 2Chan ده ايه رأيكم فيه؟
السماعات كنت بفكر فى jbl 600 دبل بيز او كينوود 600 دبل بيز ايه رأيكم ولو فيه حاجه احسن ايه هى؟
البازوكا كان فى حاجه معروضه هنا من فتره كيكر دى كويسه ولا ال jbl؟
كل ده هيركب على الهيد يونت الاصلى وهو صوته كويس جدا
السماعات مش هينفع اركب اكتر من اتنين عشان كده عايز اتنين بأربعه
دول اللى انا اعرفهم لو في افضل اوك انا عايز حاجه محترمه تعيش معايا من عربيه لعربيه وياريت اللى يعرف اسعار يقولى شكرا ليكم يارجاله ورمضان كرررريم

بص يا باشا بالنسبة للجي ام فهو يعتمد على نوع الصباية اللى انت هتجبها

يعني لو هتجيب بازوكا JPL ال 1000 وات مش محتاج جي ام كبير عشان يقومها !!

بس هو الجي ام ال JPL معروض عليك بكام ؟ والخرج بتاعه قد ايه ؟؟

بالنسبة للسماعات فانت دلوقتي هتركب بازوكا يعني انت مش محتاج من السماعات بيز !! انت محتاج منها نقاء صوت فقط

بالتالي عندك اما الكينود او البايونير

الكينود هتتعب علما تلاقي الاندونيسي واللى موجود كله صيني والاندونيسي الكينود غالية

ال 500 وات عاملة 580 جنيه

فيه عندك البايونير ال 550 الفتنامي - مش الصيني - دي انا لسه شاريها من يومين من التوفقية وكانت عاملة 370 جنيه

وبصراحة ممتازة ونقاء الصوت بتاعها عااالي جدا !! طبعا البيز بتاعها ضعيف لكن انا مش محتاج بيز لان عندي صب فاصلا فاصل البيز بتاع السماعات

ولو فيه امكانية تجيب سماعات ابواب - جبلك سماعتين سوني 350 وات مدورة 16 سم

هتعملك توزيع صوتي هاااايل في العربية ودي عاملة 260 جنيه

بالنسبة للبازوكا فلو قصدك على الكيكر اللى كان عارضها اسلام فدي انا اشتريتها منه

اما لو قصدك على اي كيكر تاني فطبعا خلص فيها وووووووش مافيش كلام !! مافيش اي وجه مقارنة بين الكيكر والبازوكا ال JPL ولا حتى الصبات البايونير والكينود والسوني !! مع احترامي طبعا للحجات دي بس الكيكر كلام تاني خالص

الكيكر Usa - Handmade تمسك الصب كدة تحس فعلا انه مصروف عليه

بالنسبة لو هتجيب بازوكا JPL حاول تفكر برضوا في البازوكا البايونير ال 1300 وات

ودي عاملة 570 جنيه الخرج بتاعها 300rms

وفي الحالة دي انت جي ام سيمفوني 400 وات يقومهالك تمام !! او ممكن تجيب ال 500 وات عشان يبقى مرتاح عليها

المشاركة الأصلية كتبت بواسطة mido353235

ياباشا انا والله مستنيك ترد عالموضوع
ههههههههه انا فعلا كان قصدى على الصبايه الى كان عارضها اسلام ربنا يباركلك فيها كده فعلا ممكن افكر فالبايونير ال 1300 انا ميال ليها دى كويسه؟احسن من الjbl؟ لان شفت مواضيع هنا بيشكرو فيها ولا رايك ايه
السماعات انا كنت بفكر فال jbl 600 دبل بيز انا اعرف ان الjbl نقاءهاا عالى سواء دى او 300 ولا البايونير احسن يعنى ال300 كنا اشريناها ب300 من شهرين لابن خالتى وصوتها حلو بس انا بصراحه ماسمعتش البايونير الجديده فمش عارف ايه الاحسن
بالنسبة لسماعات الابواب اللى نازله فالعربيه ريكفورد فصوتها حلو ونقى
اما الجى ام انا عندى كينوود القديم ال400 وات 4تشانيل اللى هو ده
Kenwood KAC-6402 4 Channel Car Amplifier Car Amplifiers KAC6402 KAC 6402 car auto audio amplifier amp power channel stereo for car cheap dual best
اما الjbl ده 1000 2تشانيل وطالب فيه600 بس كده طبعا مش هينفع معايا
ده كويس ولا اجيب واحد 720 كينود برضو ؟

خلينا ناخدها حاجة حاجة عشان مايحصلش لخبطة

بازوكا / جي ام / سماعات

البازوكا : اما البايونير 1300 او ال JPL 1000

نظريا البايونير اقوى لان الخرج بتاعها 300rms في حين الJPL 250rms

في الواقع الاراء مختلفة فيه ناس بتفضل دي وناس بتفضل دي !!

انا شخصيا سمعت البايونير ومحترمة جداااااااااا !! بس اعرف واحد شغال في محل صوتيات قالي الناس بتيجي تشتكي انها بتفصل وقالي ال JPL احسن

الخلاصة عشان ماتحترش : اول ماتنوي تركب تروح لمحل محترم تبينله جديتك في الشراء وتقوله عايز اسمع الاتنين

هيسمعك دي ودي وشوف انهي اللى هيعجبك صوتها وتوكل على الله

--------

الجي ام : في كلتا الاحوال سواء جبت البايونير او الJPL

سيمفوني 500 وات 2 شانيل هيقوم بالواجب وزيادة

ال 400 وات برضوا هيقومهم كويس بس هتبقى محمل عليه وجايب اخره فخليك فال 500 عشان يبقى الجي ام مرتاح

اما الجي ام ال JPL فلازم تقولنا الموديل بتاعه عشان نقدر نقولك الخرج بتاعه قد ايه والدنيا فيه عاملة ازاي

------

السماعات

طالما هتجيب بازوكا مافيش داعي لسماعة دبل بيز

عندك اما الكينود او البايونير

انا لسه جايب البايونير ال 550 وات صوتها جميل بس البيز بتاعها ضعيف جدا

لكن انا مش محتاج البيز عشان عندي صب فمافرقش معايا النقطة دي

السماعات ال JPL مضروبة فابعد عنها

الخلاصة عشان ماتحترش : لو هتركب السماعات على جي ام !! سعتها فكر في سماعات الخرج بتاعها قوي وممكن تفكر في الكينود

بس في الحالة دي مش هتجيب جي ام سيمفوني هتجيب جي ام كينود 720 وات 4 شانيل عشان تحط عليه البازوكا والسماعات !! بس خلي بالك ان الكينود كخرج بيز وغشومية اضعف من السيمفوني

يعني انت لو مركب البازوكا على سيمفوني هتاخد اداء اقوى من لما تركبها على كينود

بس انا مش بفضلك انك تجيب السيمفوني 4 شانيل وتحطه على السماعات عشان اصلا ال Filtration ratio بتاعته ضعيفه فالخرج بتاعه مش نقي هو ينفع هبد ورزع لكن لسماعات ماعتقدش انه هيبقى كويس

ياما بقى تجيب 2 جي ام واحد للسماعات والتاني للصب


اما لو مش هتركب السماعات على جي ام وهتوصلهم على الكاسيت علطول وهتكتفي بالجي ام للصب

اي سماعات مش هتفرق معاك كتير الاهم تديلك صوت نقي وبرضوا هتاخد اداء كويس اوي

وده اللى انا عامله حاليا عندي

المشاركة الأصلية كتبت بواسطة dr_karim

طب الحل اللى فية 2 جى ام دة حيبقو اية و بكام؟؟؟ و لية مش جايب سيرت السيمفونى ال740 وات ال4 شانيل ولا البيونير ال760 ال4 شانيل؟؟؟ اصل انا فى نفس الحيرة دية و مش عايز ابحتر الفلوس على الفاضى....

الحل اللى فيه 2 جي ام

هيبقى واحد سيمفوني 500 وات 2 شانيل للبازوكا

التاني اما بايونير 400 وات او كينود 350 وات

---

السيمفوني قوي جدا بس ال Filtration ratio بتاعته ضعيفة !! ودي حستها لما ركبته عندي البيز شديد بس مش نقي اوي ؟؟

فاكيد بالمثل مع السماعات مش هتاخد النقاء المطلوب فعشان كدة مش برجحه انه يركب 4 شانيل للصب والسماعات

هو كويس اوي للبوازيك هيديلك هبد ورزع السنين

البايونير كان ليا تجربة معاه ومش في المستوى المطلوب

ال output rms بتاعه اه عالي بس فعليا قليل !! ؟ والخرج قليل

وفي نفس الوقت مش بيستحمل !! ممكن يهيس منك ويحصل فيه مشاكل لما تضغط عليه

بس للامانة هو كنقاء مالوش حل