الموضوع: So2al 3an el Gen 2

المشاركة الأصلية كتبت بواسطة formoza

yareeet ya gama3a ely ye3rf el speranza wala el Gen 2 a7la men el emkaniat wel 3omr el eftradi ye2oli,
we fe 7aga kaman ana sa2lt we 7agez Gen 2 men ezz el 3arab, we kalmtohom embare7 we fe dof3a gededa nazla bokra ISA (31-8) bs deh model 2008 bardo, so2ali b2a fe 7ad ye3rf el far2 mabeeen 2009 we 2008, law el far2 gamed yeb2a hastna law mosh far2a yeb2a 2008 we amri lellah, bs yareeet ya gama3a ely 3aref fe3lan yegaweb we ye2oool el far2 eh fe3lan
we thanks 4 ur time

نحب أن نشكر المترجم الهندي الذي جاء خصيصا من نيودلهي لترجمة رسالة حضرتك المبهمة

طبعا أنا بهزر ........... بس بجد بتعب جدا من قراءة عربي مكتوب بحروف لاتيني


نرجع لأسئلة حضرتك
العمر الإفتراضي لمواتير الجين 2
هو ربع مليون كيلومتر بدون أي تغيير أي شئ في المحرك

و لا أعلم شئ عن الإسبرانزا
بس عايز أقولك على حاجة
أي عربية في الدنيا ياباني أو الماني أو كوري أو صيني أو موزمبيقي حتى ( بس يكون ليها أصل و فصل )

لو حافظت عليها ............. هاتعيش و تعيش و تعيش
يعني أيه تحافظ عليها

يعني صيانات دورية في مواعيدها
سواقة هادية و متوسطة
يعني من غير حرق على الموتور طول الوقت ......... الخ
الإلنترا بتاعة أواخر التسعينيات اللي الكل بيقول عليها وحشة و مواتيرها بتفوت ............ شغالة مع واحد قريبي زي الفل منذ 1998 و عاملة دلوقتي أكتر من 200 ألف كم بدون عمرات و لا يحزنون

علشان الراجل بيحافظ عليها و بيعملها صيانات دورية قبل مواعيدها كمان
العربية تحافظ عليها و تحترمها ......... تحافظ على جيبك و تحترمك

بالنسبة للفروق ما بين 2008 و 2009 في الجين 2

نظام فلتر الهوا هايتغير ......... و ده رفع العزم على عدد لفات صغير

تقريبا فيه شوية تغييرات في الشكل بسيطة

الكماليات لا أحد يعلم عنها شئ

و أنا أعتقد إن الفرق مش جامد و الله أعلم
و ربنا يباركلك في الإستلام إن شاء الله